(ພາບ:vietnamplus.vn)
(VOV)- ເວທີປາໄສປະຊາທິປະໄຕບາລີຄັ້ງທີ 5 (BDF-5) ໄດ້ຖືກໄຂຂຶ້ນຢ່າງເປັນທາງການຢູ່ເກາະບາລີ ປະເທດອິນໂດເນເຊຍ ໃນວັນທີ 8/11. ດ້ວຍຫົວຂໍ້ວ່າ: “ຊຸກຍູ້ບັນດາຫຼັກການປະຊາທິປະໄຕໃນສະພາບການທົ່ວໂລກ“. BDF-5 ໄດ້ດຳເນີນແຕ່ວັນທີ 8-9/11 ໂດຍພາຍໃຕ້ການເປັນປະທານຮ່ວມຂອງປະທານາທິບໍດີປະເທດເຈົ້າພາບ Susilo Bambang Youdhoyono, ນາຍົກລັດຖະມົນຕີອັງກິດ Julia Gillard ແລະປະທານາທິບໍດີສເກາຫຼີ Lee Myung Bak. ກ່າວຄຳເຫັນທີ່ພິທີໄຂ, ປະທານາທິບໍດີອິນໂດເນເຊຍ Susilo Bambang Youdhoyono ໄດ້ຮຽກຮ້ອງໃຫ້ບັນດາອົງການຈັດຕັ້ງພາກພື້ນ ຈົ່ງສວມບົດບາດທົ່ວໂລກໃນການເຂົ້າຮ່ວມບັນດາບັນຫາໂລກມີຄວາມເປັຮຫ່ວງ ແລະ ຊຸກຍູ້ບັນດາຄຸນຄ່າປະຊາທິປະໄຕ. ຕາມທ່ານແລ້ວ, ບັນດາອົງການພາກພື້ນຕ້ອງໄດ້ຮັບບົດບາດໃຫ່ຍກ່ວາໃນວິວັດທະນາການລັດຖະນະໂຍບາຍທົ່ວໂລກ. ປະທານາທິບໍດີອິນໂດເນເຊຍ Susilo Bambang Youdhoyono ເນັ້ນໜັກວ່າ, ອາຊຽນ ວາງຈຸດໝາຍດ້ານການເມືອງສຸດທ້າຍແມ່ນ “ເພີ່ມທະວີປະຊາທິປະໄຕ ແລະ ຊຸກຍູ້, ປົກປ້ອງສິດທິມະນຸດ“, ບັນລຸໄດ້ບັນດາຄວາມກ້າວໜ້າດ້ານປະຊາທິປະໄຕ. ທ່ານຖືວ່າ BDF ຈະປະກອບສ່ວນຫຼາຍຢ່າງເຂົ້າໃນການຊຸກຍູ້ປະຊາທິປະໄຕຢູ່ໃນທົ່ວໂລກ, ພ້ອມທັງມີຄວາມປະເອີບໃຈກ່ຽວກັບອະນາຄົດຈະບັນລຸໄດ້ບັນດາຈຸດໝາຍທີ່ໄດ້ວາງອອກ