ບັນດາຜູ້ແທນເຂົ້າຮ່ວມເວທີປາໄສ
(ພາບ: Dương Giang/TTXVN)
(vovworld) – ເວທີປາໄສ ພາກພື້ນກ່ຽວກັບການຮ່ວມມືເສດຖະກິດອົງການໃຊ້ພາສາຝຣັ່ງ ໂດຍກະຊວງການຕ່າງປະເທດ ຫວຽດນາມ ສົມທົບກັບອົງການໃຊ້ພາສາຝຣັ່ງ (OIF) ສົມທົບກັນຈັດຕັ້ງ. ເຂົ້າຮ່ວມເວທີປາໄສມີຜູ້ແທນປະມານ 150 ທ່ານທັງຢູ່ພາຍໃນ ແລະ ຕ່າງປະເທດ.
ນີ້ແມ່ນການເຄື່ອນໄຫວທຳອິດໃນແຜນການເຄື່ອນໄຫວສູ້ຊົນເພື່ອປະຊາຄົມເສດຖະກິດກຸ່ມປະເທດໃຊ້ພາສາ ຝຣັ່ງ ຂະຫຍັນຂັນເຄື່ອນ, ວັດທະນາຖາວອນ, ຮັບໃຊ້ຈຸດໝາຍພັດທະນາມະນຸດແບບຍືນຍົງ. ກ່າວຄຳເຫັນໄຂເວທີປາໄສ, ທ່ານຮອງລັດຖະມົນຕີການຕ່າງປະເທດຫວຽດນາມ ຮ່າກິມງອກ ຢືນຢັນເລື່ອງຈັດຕັ້ງເວທີປາໄສຈະຊ່ວຍໃຫ້ອົງການສາກົນໃຊ້ພາສາ ຝຣັ່ງ ສືບຕໍ່ໄດ້ຮັບບັນດາການປະກອບສ່ວນທີ່ມີຜົນປະໂຫຍດໃຫ້ແກ່ການກໍ່ສ້າງຍຸດທະສາດເສດຖະກິດ ຝຣັ່ງ ຈາກ ອາຊີ - ປາຊີຟິກ. ທ່ານຮອງລັດຖະມົນຕີການຕ່າງປະເທດ ຮ່າກິມງອກ ຊີ້ແຈ້ງວ່າ:
“ຂ້າພະເຈົ້າປາດຖະໜາວ່າ: ເວທີປາໄສຈະມີການປະກອບບັນດາຄຳເຫັນລະອຽດ, ຈະແຈ້ງໃຫ້ແກ່ການສ້າງຍຸດທະສາດເສດຖະກິດກຸ່ມປະເທດໃຊ້ພາສາຝຣັ່ງເວົ້າສະເພາະ ແລະ ໃຫ້ການຮ່ວມມືເສດຖະກິດໃນຂອບເຂດກຸ່ມປະເທດໃຊ້ພາສາ ຝຣັ່ງ ເວົ້າລວມ. ຂ້າພະເຈົ້າກໍ່ເຊື່ອໝັ້ນວ່າ: ບັນດາຜູ້ຕາງໜ້າຈາກບັນດາພາກພື້ນ ອາຊີ - ປາຊີຟິກ ຈະມີບັນດາຂໍ້ສະເໜີສະແດງໃຫ້ເຫັນຈຸດພິເສດສະເພາະຂອງພາກພື້ນ, ເພື່ອພ້ອມກັນປະກອບສ່ວນຈາກບັນດາພາກພື້ນອື່ນ ເຮັດໃຫ້ຍຸດທະສາດເສດຖະກິດກຸ່ມປະເທດ ໃຊ້ພາສາ ຝຣັ່ງ ກາຍເປັນຮອບດ້ານ, ຄົບຖ້ວນກ່ວາ.”
ໃນ 2 ວັນດຳເນີນເວທີປາໄສ, ບັນດາຜູ້ແທນໄດ້ສະເໜີການປະກອບສ່ວນ ແລະ ການຕີລາຄາກໍ່ຄືຂໍ້ສະເໜີຂອງບັນດາການນຳອົງການໃຊ້ພາສາຝຣັ່ງ, ບັນດາອົງການພັດທະນາສຳຄັນທີ່ພວມເຄື່ອນໄຫວຢູ່ ຫວຽດນາມ, ບັນດາອົງການພັດທະນາຂອງ ເອີລົບ, ຜູ້ຕາງໜ້າບັນດາເຄືອຂ່າຍບັນດາອົງການຮັບຜິດຊອບພາສາ ຝຣັ່ງ, ບັນດາອົງການ ແລະ ວິສາຫະກິດຂອງ ຫວຽດນາມ.