(VOVWORLD) -ຕອນບ່າຍວັນທີ 28 ຕຸລາ ເວທີປາໄສລະຫວ່າງລັດຖະບານກ່ຽວກັບການ ຄົມທະນາຄົມ ຂົນສົ່ງ ແບບຍືນຍົງ ຢູ່ພາກພື້ນອາຊີ ຄັ້ງທີ 12 ໄດ້ໄຂຂຶ້ນຢູ່ຮ່າໂນ້ຍ (ເວທີປາໄສ EST12).
 ໄຂເວທີປາໄສລະຫວ່າງລັດຖະບານກ່ຽວກັບການ ຄົມທະນາຄົມ ຂົນສົ່ງ ແບບຍືນຍົງ ຢູ່ພາກພື້ນອາຊີ ຄັ້ງທີ 12ຢ່າງເປັນທາງການ (ພາບ: congthuong.vn/) |
ກ່າວຄຳເຫັນທີ່ພິທີໄຂເວທີປາໄສ, ທ່ານຈິ້ງດິ່ງຢຸ໋ງ ຮອງນາຍົກລັດຖະມົນຕີ ຫວຽດນາມ ຖືວ່າ:ໂຄງປະກອບພື້ນຖານໂຄງລ່າງເວົ້າລວມ, ພິເສດແມ່ນພື້ນຖານໂຄງລ່າງຄົມມະນາຄົມ ແລະ ພື້ນຖານໂຄງລ່າງຕົວເມືອງໃຫຍ່ ເຖິງແມ່ນວ່າ ໄດ້ຮັບການບຸລິມະສິດລົງທຶນພັດທະນາແລ້ວກໍ່ຕາມ, ແຕ່ຍັງຄົງແມ່ນຈຸດຄົງຄ້າງອັນໃຫຍ່ຫຼວງ, ກີດຂວາງການພັດທະນາແບບຍືນຍົງຂອງ ຫວຽດນາມ. ທ່ານ ຈິ້ງດິ່ງຢຸ໋ງ ປາດຖະໜາວ່າ ທີ່ເວທີປາໄສນີ້, ບັນດາຜູ້ແທນຈະປຶກສາຫາລື, ປະກອບຄຳເຫັນທີ່ກ່ຽວຂ້ອງເຖິງບັນດານະໂຍບາຍ, ການວາງແຜນຝັງ ແລະ ການພັດທະນາພື້ນຖານໂຄງລ່າງຂອງບັນດານະຄອນອັດສະລິຍະ ເພື່ອປັບປຸງປະສິດທິຜົນຂອງ ເສດຖະກິດ, ສັງຄົມ ແລະ ສິ່ງແວດລ້ອມຢູ່ບັນດານະຄອນ, ຊຸກຍູ້ບັນດາມາດຕະການຄົມມະນາຄົມອັດສະລິຍະໂດຍວິທີການນຳໃຊ້ເຄືອຂ່າຍຄຸ້ມຄອງການຄົມມະນາຄົມໃຫ້ມີປະສິດທິຜົນ, ຊຸກຍູ້ການພົວພັນຄູ່ຮ່ວມມືພາກລັດ - ເອກະຊົນ ເພື່ອດຶງດູດແຫຼ່ງກຳລັງລົງທຶນເຂົ້າພື້ນຖານໂຄງລ່າງການຄົມມະນາຄົມ. ທ່ານກ່າວວ່າ:
ອາຊີແມ່ນພາກພື້ນທີ່ມີພື້ນຖານເສດຖະກິດໃຫຍ່, ພັດທະນາຢ່າງຂະຫຍັນຂັນເຄື່ອນ, ມີຄວາມສາມາດບົ່ມຊ້ອນອັນຍິ່ງໃຫຍ່ກ່ຽວກັບການພັດທະນານະໂຍບາຍ, ການລົງທຶນພັດທະນາຄົມມະນາຄົມ. ໃນສະພາບການດັ່ງກ່າວ, EST 12 ຈະແມ່ນເວທີປາໄສສຳຄັນເພື່ອໃຫ້ບັນດານັກວາງແຜນນະໂຍບາຍກໍ່ຄືບັນດານັກອຸປະຖຳໄດ້ແລກປ່ຽນ, ປຶກສາຫາລືຊຸກຍູ້ລະບົບຄົມມະນາຄົມຂົນສົ່ງ ແບບຍືນຍົງກັບສິ່ງແວດລ້ອມ, ປະກອບສ່ວນເຂົ້າການປະຕິບັດເປົ້າໝາຍກ່ຽວກັບການພັດທະນາແບບຍືນຍົງ.
ເວທີປາໄສໄດ້ດຳເນີນໃນລະຫວ່າງ ວັນທີ 28 – 30 ຕຸລາ, ດ້ວຍເຫດການຕ່າງໆໃນນັ້ນມີບັນດາການປຶກສາຫາລືບັນດານະໂຍບາຍ ກ່ຽວກັບ ຄົມມະນາຄົມຂົນສົ່ງແບບຍືນຍົງກັບສິ່ງແວດລ້ອມ, ຫຼຸດຜ່ອນມົນລະພິດອາກາດສິ່ງແວດລ້ອມ ຢູ່ ບັນດາຕົວເມືອງ, ຍົກສູງບັນດາການບໍລິການຂົນສົ່ງ ແລະ ໂຄງປະກອບພື້ນຖານໂຄງລ່າງຄົມມະນາຄົມ.