ເວທີປາໄສວິສາຫະກິດຫວຽດນາມ - ມົງໂກນ
photo:internet
|
(vovworld)- ໃນຂອບເຂດການຢ້ຽມຢາມຫວຽດນາມຢ່າງເປັນທາງການ, ຕອນຄຳ່ວັນທີ 22/11, ຢູ່ ນະຄອນໂຮ່ຈິມີນ, ປະທານາທິບໍດີ ມົງໂກນ Tsakhiagiin Elberdoji ເຂົ້າຮ່ວມເວທີປາໄສວິສາຫະກິດຫວຽດນາມ - ມົງໂກນ ແລະ ພົບປະແລກປ່ຽນດ້ານການຄ້າ. ເວທີປາໄສແມ່ນເພື່ອປະກອບສ່ວນສ້າງເງື່ອນໄຂສະດວກໃຫ້ແກ່ບັນດາວິສາຫະກິດມົງໂກນ ຊອກຮູ້ຂໍ້ມູນຂ່າວສານກ່ຽວກັບຕະຫລາດທີ່ມີຄວາມສາມາດບົ່ມຊ້ອນຢູ່ຫວຽດນາມ, ພິເສດແມ່ນນະຄອນ ໂຮ່ຈິມີນ. ກ່າວຄຳເຫັນນະທີ່ນີ້, ທ່ານປະທານາທິບໍດີ ມົງໂກນ Tsakhiagiji ຖືວ່າ:
“ມົງໂກນ ມີເນື້ອທີ່ກວ້າງຫລາຍທົບ 5 ເທົ່າເມື່ອທຽບໃສ່ເນື້ອທີ່ຫວຽດນາມ, ມີສັດລ້ຽງກວ່າ 50 ລ້ານໂຕ, ມີຄວາມສາມາດບົ່ມຊ້ອນກ່ຽວກັບການຂຸດຄົ້ນນຳ້ມັນອາຍແກສ ແລະ ຖ່ານຫີນ. ທີ່ການເຈລະຈາຂັ້ນສູງ ລະຫວ່າງ ການນຳສອງປະເທດ, ສອງຝ່າຍເຫັນດີເປັນເອກະສັນ ສະຫນັບສະຫນູນ ແລະ ສ້າງເງື່ອນໄຂໃຫ້ແກ່ບັນດາວິສາຫະກິດລົງທຶນເພື່ອຊຸກຍູ້ການພົວພັນດ້ານເສດຖະກິດ.”