ໄຂເວທີປາໄສເຊື່ອມຕໍ່ວິສາຫະກິດເຈລະຈາຮ່ວມມືອາຊີ
ທ່ານນາຍົກລັດຖະມົນຕີ ໄທ ປາຣາຢຸດ ຈັນໂອຈາ
(vovworld) - ວັນທີ 10/10, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ນຳໜ້າຄະນະປະຕິບັດງານ ຫວຽດນາມ ເຂົ້າຮ່ວມກອງປະຊຸມຂັ້ນສູງເຈລະຈາ ອາຊີ ຄັ້ງທີ 2 ຢູ່ ບາງກອກ, ປະເທດ ໄທ. ກ່ອນໜ້ານັ້ນ, ວັນທີ 09/10 ຢູ່ ບາງກອກ, ເວທີປາໄສເຊື່ອມຕໍ່ວິສາຫະກິດເຈລະຈາຮ່ວມມື ອາຊີ, ເຊິ່ງແມ່ນເຫດການໜຶ່ງຢູ່ນອກກອງປະຊຸມຂັ້ນສູງເຈລະຈາ ອາຊີ ຄັ້ງທີ 2 ໄຂຂຶ້ນ. ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີ ໄທ ປາຣາຢຸດ ຈັນໂອຈາ ເນັ້ນໜັກວ່າ ບົດບາດເປັນເຈົ້າພາທາງຂອງວິສາຫະກິດຄືແມ່ນ ກຳລັງໜູນຕົ້ນຕໍໃຫ້ການເຕີບໂຕຂອງພາກພື້ນ ອາຊີ. ຜູ້ນຳໜ້າລັດຖະບານ ໄທ ເນັ້ນໜັກວ່າ: ເວທີປາໄສແມ່ນບ່ອນທີ່ສະແດງແນວຄວາມຄິດຈະແຈ້ງ “ອາຊີ, ທ່າແຮງຫລາຍຢ່າງ” ພ້ອມກັນຮ່ວມມືເພື່ອພັດທະນາ ໃນນັ້ນ ບໍ່ມີສະມາຊິກໃດ ຖືກຖອຍຫລັງ.
ທີ່ເວທີປາໄສ, ຜູ້ຕາງໜ້າບັນດາວິສາຫະກິດແຖວໜ້າຂອງ 34 ປະເທດສະມາຊິກເວທາປາໄສເຈລະຈາພັດທະນາ ອາຊີ ໄດ້ປຶກສາຫາລືກ່ຽວກັບ 2 ເນື້ອໃນຕົ້ນຕໍແມ່ນ ເຕັກໂນໂລຢີການເງິນ ແລະ ໂຄງລ່າງການເງິນ. ໝາກຜົນແຫ່ງການປຶກສາຫາລື ແລະ ບັນດາຂໍ້ສະເໜີຂອງຜູ້ຕາງໜ້າຂອງກຸ່ມວິສາຫະກິດຖືກສົ່ງມາກອງປະຊຸມຂັ້ນສູງເຈລະຈາພັດທະນາ ອາຊີ ທີ່ດຳເນີນໃນວັນທີ 10/10.