ວທີປາໄສເສດຖະກິດລະດູບານໃຫມ່ປີ 2013
ພາບ:internet
|
(vovworld)- ເວທີປາໄສເສດຖະກິດລະດູບານໃຫມ່ປີ 2013 ຖືກໄຂຂຶ້ນໃນຕອນເຊົ້າວັນທີ 5/4 ຢູ່ ນະຄອນ ຍາຈາງແຂວງແຄງຮ່ວາ. ກ່າວຄຳເຫັນໄຂເວທີປາໄສ, ທ່ານ ຫງວຽນວັນເຢົາ, ຫົວຫນ້າກຳມາທິການເສດຖະກິດຂອງສະພາແຫ່ງຊາດ ຖືວ່າ: ການສ້າງໂຄງປະກອບພື້ນຖານເສດຖະກິດຄືນໃຫມ່, ຫັນປ່ຽນຮູບແບບການເຕີບໂຕແມ່ນບັນຫາໃຫຍ່ຂອງປະເທດຫນຶ່ງ ແລະ ໄດ້ຮັບການປະຕິບັດໃນໄລຍະຍາວ. ໃນປີຜ່ານມາ, ຫວຽດນາມ ໄດ້ສຸມໃສ່ສ້າງໂຄງປະກອບການລົງທຶນຄືນໃຫມ່, ສ້າງໂຄງປະກອບລະບົບການເງິນເງິນຕາຄືນໃຫມ່, ສ້າງໂຄງປະກອບລັດວິສາຫະກິດຄືນໃຫມ່, ແລະ ບັນຫາຈະມາເຖິງນັ້ນແມ່ນ ນຳແຜນນະໂຍບາຍ, ນະໂຍບາຍກາຍເປັນການກະທຳລະອຽດ, ສ້າງບາດກ້າວບຸກທະລຸໃຫ້ແກ່ພື້ນຖານເສດຖະກິດ. ກ່ຽວກັບບັນຫາສ້າງໂຄງປະກອບລະບົບການເງິນເງິນຕາ, ດຣ ຫງວຽນດີ່ງກູງ, ຮອງຫົວຫນ້າສະຖາບັນຄົ້ນຄ້ວາ ແລະ ບໍລິຫານເສດຖະກິດສູນກາງຖືວ່າ:
“ການສ້າງໂຄງປະກອບລະບົບທະນາຄານ, ສິນເຊື່ອຄືນໃຫມ່, ໃນນັ້ນພວກເຮົາໄດ້ສ້າງໂຄງປະກອບບັນດາທະນາຄານອ່ອນດ້ອຍຄືນໃຫມ່. ແລະ ປະຈຸບັນ ພວກເຮົາໄດ້ມີວິທີການສ້າງໂຄງປະກອບທະນາຄານອ່ອນດ້ອຍ 9 ແຫ່ງຄືນໃຫມ່. ນອກນັ້ນ ໃນໄລຍະຈະມາເຖິງການແກ້ໄຂສະພາບຫນີ້ເສຍ ພວກເຮົາຄວນຍູ້ແຮງກວ່າອີກ.”
ເວທີປາໄສເສດຖະກິດລະດູບານໃຫມ່ປີ 2013 ເພື່ອແນໃສ່ນະໂຍບາຍເສດຖະກິດຢ່າງແທດຈິງໃຫ້ແກ່ປີ 2013. ບັນດາຄຳເຫັນປະກອບຂອງຜູ້ຊ່ຽວຊານທີ່ເວທີປາໄສຈະແມ່ນຂໍ້ມູນຂ່າວສານສຳຄັນເພື່ອໃຫ້ກຳມາທິການເສດຖະກິດ ພ້ອມກັບບັນດາອົງການຂອງສະພາແຫ່ງຊາດສ້າງບົດລາຍງານກວດກາທີ່ມີຄຸນນະພາບຍື່ນສະເຫນີຕໍ່ສະພາແຫ່ງຊາດໃນກອງປະຊຸມຄັ້ງຈະມາເຖິງ.