(vovworld) - ດ້ວຍຫົວຂໍ້ວ່າ “ກຳລັງພັດທະນາໃໝ່ຈາກການປະຕິຮູບລະບອບເສດຖະກິດ” ເວທີປາໄສເສດຖະກິດລະດູບານໃໝ່ 2014 ຖືກຈັດຂຶ້ນໃນຕອນເຊົ້າວັນທີ 28/04, ຢູ່ນະຄອນຮ້າລອງ, ແຂວງກວາງນິງ, ນີ້ແມ່ນໂອກາດເພື່ອໃຫ້ບັນດາຜູ້ຊ່ຽວຊານຕີລາຄາຄືນສະພາບເສດຖະກິດ, ນະໂຍບາຍມະຫາພາກຂອງປີ 2013 ແລະ ຍົກອອກບັນດາຄຳສະເໜີນະໂຍບາຍໃຫ້ປີ 2014. ການຕີລາຄາທີ່ເວທີປາໄສນີ້ ຈະເປັນພື້ນຖານສຳຄັນເພື່ອໃຫ້ກຳມາທິການເສດຖະກິດຂອງສະພາແຫ່ງຊາດ ມີຄຳເຫັນ, ຕີລາຄາ, ເພີ່ມເຕີມການປະຕິບັດມະຕິຂອງສະພາແຫ່ງຊາດ ກ່ຽວກັບແຜນການພັດທະນາເສດຖະກິດສັງຄົມປີ 2013 ແລະ ຜັນຂະຫຍາຍມະຕິຂອງສະພາແຫ່ງຊາດກ່ຽວກັບແຜນການພັດທະນາເສດຖະກິດສັງຄົມປີ 2014. ເວທີປາໄສຄັ້ງນີ້ ໄດ້ເລືອກບາງຫົວຂໍ້ທີ່ກ່ຽວຂ້ອງເຖິງການປະຕິຮູບລະບຽບເສດຖະກິດ ຍ້ອນລັດຖະທຳມະນູນ ສະບັບປັບປຸງ ມີຜົນສັກສິດແຕ່ວັນທີ 01/01/2014 ໄດ້ວາງອອກຄວາມຕ້ອງການທີ່ຈຳເປັນຮີບດ່ວນຕ້ອງສືບຕໍ່ປ່ຽນໃໝ່ປັບປຸງລະບຽບເສດຖະກິດການຕະຫຼາດຕາມທິດກຳນົດສັງຄົມນິຍົມ ໃນໄລຍະປ່ຽນໃໝ່ຢ່າງຮອບດ້ານ, ຄົບຊຸດນັບທັງດ້ານເສດຖະກິດ ແລະ ການເມືອງ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ... ເວທີປາໄສດຳເນີນໄປເປັນເວລາ 2 ວັນ, ແຕ່ວັນທີ 28 – 29/04/2014.