ທ່ານ ສຸຣາພົງ ລັດຖະມົນຕີການຕ່າງປະເທດໄທ |
(vovword) - ວັນທີ 3/7, ທ່ານ ສຸຣາພົງ ລັດຖະມົນຕີການຕ່າງປະເທດໄທ ໃຫ້ຮູ້ວ່າ: ທ່ານພວມຕັ້ງຫນ້າກະກຽມການເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 45 ຊຶ່ງດຳເນີນໄປແຕ່ວັນທີ 8 - 13/7 ຢູ່ ນະຄອນຫລວງ ພະນົມເປັນ ປະເທດ ກຳປູເຈຍ. ຕາມທ່ານ ລັດຖະມົນຕີການຕ່າງປະເທດໄທ ສຸຣາພົງ ແລ້ວ, ກອງປະຊຸມຄັ້ງນີ້ ຈະສຸມໃສ່ຍູ້ໄວບັນດາບັນຫາສຳຄັນໃນວິວັດທະນາການສ້າງປະຊາຄົມ ອາຊຽນ. ໃນໝວດບັນຫາດັ່ງກ່າວ, ໄທ ຖືການຊຸກຍູ້ຂໍ້ລິເລິ່ມ ອາຊຽນປອດຢາເສບຕິດ ໃນປີ 2015 ເປັນສຳຄັນ. ພ້ອມກັນນັ້ນ ໄທຈະສະເຫນີເປັນເຈົ້າພາບກອງປະຊຸມລັດຖະມົນຕີ ອາຊຽນ ກ່ຽວກັບບັນຫາຕ້ານຢາເສບຕິດໃນວັນທີ 30/8 ຈະມາເຖິງ. ຖ້າຫາກໄດ້ຮັບການຮັບຮູ້, ກະຊວງການຕ່າງປະເທດໄທ ແລະ ຄະນະກຳມະການປ້ອງກັນ ແລະ ປາບປາມຢາເສບຕິດໄທ ຈະເປັນເຈົ້າພາບຮ່ວມຈັດຕັ້ງກອງປະຊຸມດັ່ງກ່າວຢູ່ນະຄອນຫລວງ ບາງກອກ.
Xuan Son ນັກຂ່າວ VOV ປະຈຳໄທ