(vovworld) – ຕອນເຊົ້າວັນທີ 12/12, ກຸ່ມຄົນແຫ່ຂະບວນຕ້ານລັດຖະບານໄທ ໄດ້ບຸກເຂົ້າສຳນັກງານລັດຖະບານ, ເຊິ່ງແມ່ນຫ້ອງວ່າການຂອງທ່ານນາງນາຍົກລັດຖະມົນຕີ ຍິງຣັກ ສິນນິວັດ ແຕ່ຫຼັງຈາກນັ້ນໄດ້ອອກໄປໂດຍໄວ. ບັນດາຕົວພະຍານໃຫ້ຮູ້ວ່າ ກຸ່ມຄົນດັ່ງກ່າວໄດ້ນຳໃຊ້ຂັ້ນໄດເພື່ອປິນຂ້າມກຳແພງເຂົ້າສຳນັກງານລັດຖະບານ. ເຂົາເຈົ້າຮຽກຮ້ອງໃຫ້ຕຳຫຼວດເວັ້ນຍາມຢູ່ນີ້ກັບຄືນສຳນັກງານ. ແຕ່ວ່າ, ພາຍຫຼັງບຸກເຂົ້າພຽງ 2 – 3 ນາທີ ກຸ່ມຄົນນີ້ໄດ້ອອດຈາກສຳນັກງານ ແລະ ບໍ່ກໍ່ໃຫ້ເກີດການປະທະກັນໃດໆລະຫວ່າງກຸ່ມຄົນນີ້ ກັບ ກຳລັງຕຳຫຼວດ.
ແລະກໍ່ໃນວັນດຽວກັນ, ໂຄສົກຂອງຫ້ອງການລັດຖະມົນຕີກະຊວງຍຸຕິທຳໄທ ນັນທະສັກ ພູນສຸ ໃຫ້ຮູ້ວ່າ ອະດີດນາຍົກລັດຖະມົນຕີ ອະພິສິດ ເວດຊາຊີວະ ໄດ້ກ່າວຜູກໂທດເຂັ່ນຂ້າຄົນຢ່າງເປັນທາງການທີ່ກ່ຽວຂ້ອງເຖິງການປາບປາມຜູ້ແຫ່ຂະບວນປະທ້ວງຢູ່ນະຄອນຫຼວງບາງກອກ ກ່ອນນີ້ 3 ປີ.