(ພາບປະກອບ: vtv.vn)
(vovworld) - ວັນທີ 16/3, ຢູ່ແຂວງ ອຸບົນ ຣັດຈະທະນີ, ໄດ້ຈັດໃຫ້ມີກອງປະຊຸມສຳມະນາວິທະຍາສາດກ່ຽວກັບຮ່າງລັດຖະທຳມະນູນ ປີ 1992 ສະບັບປັບປຸງຂອງຫວຽດນາມ ໂດຍມີການເຂົ້າຮ່ວມຂອງທ່ານເລຂາທິການໃຫ່ຍສະພາເລືອກຕັ້ງສູນກາງໄທ ພ້ອມດ້ວຍບັນດານັກຄົ້ນຄ້ວາ, ຜູ້ຊ່ຽວຊານ, ປັນຍາຊົນເປັນຈຳນວນຫຼວງຫຼາຍ ແລະ ນັກສຶກສາກົດໝາຍຂອງສອງປະເທດຫວຽດນາມ-ໄທ ລວມ 400 ຄົນ. ບັນດາຜູ້ເຂົ້າຮ່ວມກອງປະຊຸມສຳມະນາໄດ້ວິເຄາະ ແລະ ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ພາຍຫຼັງບັນດານັກຄົ້ນຄ້ວາກົດໝາຍຫວຽດນາມ ສະເໜີບັນດາເນື້ອໃນພື້ນຖານຂອງຮ່າງລັດຖະທຳມະນູນປີ 1992 ສະບັບປັບປຸງ, ປຽບທຽບບັນດາຈຸດໃໝ່ໃນຮ່າງລັດຖະທຳມະນູນສະບັບປັບປຸງຄັ້ງນີ້ ແລະ ຂັ້ນຕອນການສ້າງຮ່າງລັດຖະທຳມະນູນສະບັບປັບປຸງ,ບັນດານັກຄົ້ນຄ້ວາໄທ ໄດ້ຍົກອອກບັນດາຄຳຖາມກ່ຽວກັບບັນຫາສິດທິມະນຸດ, ລະບອບການເມືອງ, ລະບົບນິຕິບັນຍັດ, ສານ ແລະ ບັນດາບັນຫາສິດກຳມະສິດເສດຖະກິດຂອງຮ່າງລັດຖະທຳມະນູນປີ 1992 ສະບັບປັບປຸງ. ໄທ ໄດ້ຕີລາຄາສູງຄວາມມານະພະຍາຍາມໃນການສ້າງຮ່າງລັດຖະທຳມະນູນສະບັບປັບປຸງ ໃຫ້ສອດຄ່ອງກັບເງື່ອນໄຂເສດຖະກິດ-ສັງຄົມຂອງຫວຽດນາມ ໃນວິວັດທະນາການເຊື່ອມໂຍງເຂົ້າກັບໂລກ ແລະ ສ້າງປະຊາຄົມເສດຖະກິດອາຊຽນໃນປີ 2015.