ຜູ້ແຫ່ຂະບວນປະທ້ວງຢູ່ນອກສຳນັກງານຕຳຫຼວດ
(ພາບ: AFP/TTXVN)
(vovworld)- ວັນທີ 1/12, ລັດຖະບານໄທ ໄດ້ຈັດວາງກົດໄອຍະການເສິກທີ່ແກ່ຍາວ ໃນເວລາ 7 ຊົ່ວໂມງ ຄືມັບແຕ່ 22 ໂມງຂອງວັນທີ 1/12 ຮອດ 5 ໂມງເຊົ້າຂອງວັນທີ 2/12 ຢູ່ນະຄອນຫຼວງບາງກອກ ແລະ ເຂດອ້ອມແອ້ມໃນສະພາບການຄວາມເຄັ່ງຕຶງປິນຂັ້ນໄດ. ທ່ານຮອງນາຍົກລັດຖະມົນຕີໄທ ປຣະຈາ ປຣົມນອກ ປະກາດວ່າ: ກົດໄອຍະການເສິກໄດ້ຖືກຈັດວາງຍ້ອນຄວາມປອດໄພຂອງທຸກຄົນ ຂະນະທີ່ສະພາບການໃນທ່າມກາງການແຫ່ຂະບວນປະທ້ວງຂະໜາດໃຫ່ຍຕ້ານຄືນລັດຖະບານພວມມີການຜັນແປທີ່ເຄັ່ງຕຶງ. ຫາງສຽງພວມມີຄວາມວິຕົກກັງວົນວ່າຈະເກີດການໃຊ້ຄວາມຮຸນແຮງຢູ່ບາງກອກ ໃນວັນທີ 2/12 ໃນຂະນະທີ່ຕຳຫຼວດຕ້ານການຈະລາຈົນ ແລະ ກຳລັງປະຕິກິລິຍາໄວຈະດຳເນີນການເລີກຜູ້ແຫ່ຂະບວນປະທ້ວງພວມປິດລ້ອມຍຶດຄອງສຳນັກງານແຫ່ງຕ່າງໆຂອງລັດຖະບານ. ຕອນບ່າຍວັນທີ 1/12, ທ່ານສຸເທບເທືອກສຸບັນ, ຫົວໜ້າຂະບວນການຕ້ານລັດຖະບານ ໄດ້ຮຽກຮ້ອງໃຫ້ລັດຖະກອນຈົ່ງລົງຖະໜົນເຂົ້າຮ່ວມການແຫ່ຂະບວນປະທ້ວງໃນວັນທີ 2/12.
ຝ່າຍຄ້ານໄທທຽກຮ້ອງທ່ານນາງນາຍົກລັດຖະມົນຕີໄທ ຍິງຮັກຊີນນະວັດ ລາອອກຈາກຕຳແໜ່ງ
(ພາບ: AFP)
ໃນວັນທີ 1/12, ທ່ານສຸເທບ ເທືອກສຸບັນ, ຫົວໜ້າຂະບວນການຕ້ານລັດຖະບານຢູ່ໄທ ໄດ້ມີການພົບປະລັບ ແລະ ອອກຄຳຂາດຮຽກຮ້ອງໃຫ້ທ່ານນາງ ນາຍົກລັດຖະມົນຕີໄທ ຍິງຮັກຊີນນະວັດ ຕ້ອງລາອອກຈາກຕຳແໜ່ງ ພ້ອມທັງຍຸກບເລີກສະພາຜູ້ແທນລາຊະດອນໄທ. ກ່າວຄຳເຫັນຕໍ່ໜ້າຜູ້ແຫ່ຂະບວນປະທ້ວງເມື່ອຄ່ຳຄືນວັນທີ 1/12, ທ່ານສຸເທບ ເທືອກສຸບັນ ໄດ້ເວົ້າວ່າ: ການພົບປະກັບ ທ່ານນາງ ນາຍົກລັດຖະມົນຕີໄທ ຍິງຮັກຊີນນະວັດ ໄດ້ດຳເນີນໂດຍພາຍໃຕ້ການອາລັກຂາຂອງທະຫານ ແລະ ຢືນຢັນວ່າ: ການພົບປະຄັ້ງດຽວ ແລະ ສຸດທ້າຍນີ້ບໍ່ແມ່ນການເຈລະຈາ. ຕອບສຳພາດນັກຂ່າວ, ທ່ານສຸເທບ ເນັ້ນໜັກວ່າ: ມາດຕະການດຽວແມ່ນມອບໂອນສິດອຳນາດໃຫ້ແກ່ ປຊຊ.
ຄວາມເຄັ່ງຕຶງໄດ້ປິນຂັ້ນໄດຢູ່ໄທ ຂະນະທີ່ເກີດການປະທຳກັນເມື່ອຕອນຄ່ຳວັນທີ 30/11 ລະຫວ່າງຜູ້ແຫ່ຂະບວນປະທ້ວງຄັດຄ້ານລັດຖະບານ ແລະ ບັນດາສະມາຊິກຝ່າຍ “ເສື້ອແດງ“ ສະໜັບສະໜູນລັດຖະບານ ຊື່ງໄດ້ເຮັດໃຫ້ 4 ຄົນເສຍຊີວິດ ແລະ ອີກ 57 ຄົນຖືກບາດເຈັບ. ຄາດວ່າ, ມີ ປຊຊ ປະມານ 70.000 ຄົນລົງຖະໜົນເຂົ້າຮ່ວມການແຫ່ຂະບວນປະທ້ວງຄັ້ງຕ່າງໆຕ້ານລັດຖະບານໃນວັນທີ 1/12.
ນາຍົກລັດຖະມົນຕີໄທກຽມພ້ອມລາອອກຈາກຕຳແໜ່ງເພື່ອສັນຕິພາບ
ວັນທີ 2/12, ທ່ານນາງນາຍົກລັດຖະມົນຕີ ໄທ ຍິງຣັກ ຊິນນະວັດ ໃຫ້ຮູ້ວ່າ: ທ່ານນາງກຽມພ້ອມທີ່ລາອອກຈາກຕຳແໜ່ງ ຫຼື ຍຸບເລີກສະພາແຫ່ງຊາດ ເພື່ອນຳມາເຊິ່ງຄວາມສະຫງົບໃຫ້ແກ່ປະເທດຊາດ. ເຖິງຢ່າງໃດກໍ່ຕາມ, ທ່ານນາງນາຍົກລັດຖະມົນຕີ ໄທ ຍິງຣັກ ຊິນນະວັດ ໄດ້ປະຕິເສດຂໍ້ສະເໜີຂອງຫົວໜ້າຄະນະແຫ່ຂະບວນປະທ້ວງ ສຸເທບ ເທືອກສຸບັນ ກ່ຽວກັບເລື່ອງມອບໂອນສິດອຳນາດໃຫ້ແກ່ສະພາປະຊາຊົນ ຍ້ອນຖືວ່າ: ຂໍ້ສະເໜີດັ່ງກ່າວບໍ່ຖືກກັບລັດຖະທຳມະນູນ. ທ່ານນາງນາຍົກລັດຖະມົນຕີ ຍິງຣັກ ຊິນນະວັດ ເນັ້ນໜັກວ່າ: ຂໍ້ສະເໜີຂອງທ່ານ ສຸເທບ ເທືອກສຸບັນ ກ່ຽວກັບເລື່ອງສ້າງຕັ້ງສະພາປະຊາຊົນແທນໃຫ້ລັດຖະບານແມ່ນບໍ່ເໝາະສົມກັບລັດຖະທຳມະນູນໃນປະຈຸບັນ. ທ່ານນາງນາຍົກລັດຖະມົນຕີ ຍິງຣັກ ຊິນນະວັດ ກໍ່ຮຽກຮ້ອງໃຫ້ປະຊາຊົນຊອກຫາມາດຕະການແກ້ໄຂໂດຍສັນຕິໃຫ້ແກ່ວິກິດການການເມືອງໃນປະຈຸບັນ.