(vovworld) – ວັນທີ 14/09, ທ່ານຮອງນາຍົກລັດຖະມົນຕີໄທ ສົມກິດ ຈະຕູສີພິທັກ, ໃຫ້ຮູ້ວ່າ, ປະເທດນີ້ພວມພິຈາລະນາເລື່ອງເຂົ້າຮ່ວມການເຈລະຈາສັນຍາການຄ້າຂ້າມປາຊີຟິກ (TPP) ຕາມຂໍ້ລິເລີ່ມຂອງອາເມລິກາ, ແຕ່ບາງກອກ ຈະຕ້ອງຄົ້ນຄວ້າບັນດາຂໍ້ມາດຕາ ແລະ ເງື່ອນໄຂຂອງກຸ່ມການຄ້າເສລີ ນີ້ຕື່ມອີກ. ທ່ານຮອງນາຍົກລັດຖະມົນຕີ ສົມກິດ ຈະຕູສີພິທັກ, ເປັນນັກຊ່ຽວຊານດ້ານເສດຖະກິດອາວຸໂສ ຖືວ່າ, ການເຄື່ອນໄຫວດ້ານເສດຖະກິດຂອງກຸ່ມການຄ້າ ປະຈຸບັນມີ 12 ປະເທດສະມາຊິກ ທີ່ເຂົ້າຮ່ວມການເຈລະຈານີ້ ກວມເອົາ 40% ພື້ນຖານເສດຖະກິດທົ່ວໂລກ, ສະນັ້ນ ເລື່ອງໄທ ພິຈາລະນາເຂົ້າຮ່ວມ TPP ຈະຊ່ວຍໃຫ້ປະເທດນີ້ດຶງດູດຄວາມເອົາໃຈໃສ່ຂອງວົງການນັກລົງມທຶນສາກົນ.