ໄທ:ບໍ່ສາມາດຈັດຕັ້ງການເລືອກຕັ້ງໃນໄລຍະນີ້
ການປະທະກັນລະຫວ່າງປະຊາຊົນກັບທະຫານ
(ພາບ: AP)
(vovworld) – ວັນທີ 29/5, ທ່ານຮອງເສນາທິການກອງທັບ ໄທ, ພົນຕີ ຈັດຈະເລີນ ຈະເຫຼີມສຸກ ຢືນຢັນວ່າ: “ບໍ່ສາມາດຈັດຕັ້ງການເລືອກຕັ້ງໃນໄລຍະນີ້” ຍ້ອນບັນດາການແຫ່ຂະບວນປະທ້ວງຍັງຄົງສືບຕໍ່ເກີດຂຶ້ນຢູ່ນະຄອນຫຼວງ. ເຖິງວ່າ, ບັນດາການແຫ່ຂະບວນປະທ້ວງມີຂອບຂະໜາດນ້ອຍກໍ່ຕາມ ແຕ່ລະດັບຄວາມເຄ່ັງຕຶງພັດເພີ່ມຂຶ້ນ. ຕາມນາຍພົນ ຈັດຈະເລີນ ຈະເຫຼີມສຸກ ແລ້ວ, ແນ່ນອນວ່າ ໄທ ຈະຈັດຕັ້ງການເລືອກຕັ້ງ, ແຕ່ວ່າປະຈຸບັນຍາກທີ່ຈະຍົກອອກແຜນການລະອຽດໄດ້.
ແລະກໍ່ໃນວັນດຽວກັນ, ທ່ານປະທານສະພາສັນຕິພາບ ແລະ ຄວາມເປັນລະບຽບຮຽບຮ້ອຍ (NCPO), ນາຍພົນ ປຣາຢຸດ ຈັນໂອຈາ ໄດ້ປະກາດໃຊ້ຊີ້ນຳວິວັດການຈັດຕັ້ງການເລືອກຕັ້ງເຊິ່ງລວມມີ 3 ບາດກ້າວ. ນັ້ນແມ່ນ: ຟື້ນຟູການຄຸ້ມຄອງຂອງອຳນາດການປົກຄອງໃນທົ່ວປະເທດໂດຍໄວ, ສ້າງເງື່ອນໄຂອຳນວຍຄວາມສະດວກເພື່ອສ້າງຕັ້ງສະພານິຕິບັນຍັດ ແລະ ສະພາເລືອກຕັ້ງ, ສົມທົບກັບທຸກຂັ້ນເພື່ອແນໃສ່ຈັດຕັ້ງການເລືອກຕັ້ງຢ່າງມີປະຊາທິປະໄຕ.