(vovworld) – ໃນຖະແຫຼງການໜຶ່ງທີ່ໄດ້ຍົກອອກມາໃນວັນທີ 08/02, ໂຄສົກສະພາສັນຕິພາບ ແລະ ຄວາມເປັນລະບຽບຮຽບຮ້ອຍແຫ່ງຊາດ (NCPO) ວິນໄທ ສຸວາຣີ ຊີ້ແຈ້ງວ່າຄຳສະເໜີຂອງທ່ານນາງອະດີດນາຍົກລັດຖະມົນຕີ ຍິງຣັກ ຊີນນະວັດ ບໍ່ໄດ້ຮັບຄວາມເຫັນດີຈາກ NCPO ຍ້ອນເລີ່ມດຳເນີນວິວັດການດ້ານກົດໝາຍຂອງຄະດີແລ້ວ, ໃນນັ້ນທ່ານນາງ ຍິງຣັກ ຖືກກ່າວຫາບໍ່ປະຕິບັດສຳເລັດໜ້າທີ່ໃນໂຄງການໜູນຊ່ວຍລາຄາເຂົ້າສານທີ່ກໍ່ຄວາມໂຕ້ຖຽງກັນ. ທ່ານເນັ້ນໜັກວ່າ NCPO ຕ້ອງພິຈາລະນາຢ່າງລະມັດລະວັງຄຳສະເໜີດັ່ງກ່າວເພື່ອບໍ່ໃຫ້ຄະດີຖືກສົ່ງຜົນສະທ້ອນ ແລະ NCPO ຕ້ອງຮ່ວມມືກັບບັນດາອົງການກ່ຽວຂ້ອງ ແລະ ແກ້ໄຂບັນຫາໃຫ້ຖືກຕາມກົດໝາຍ. ກ່ອນທີ່ຍົກອອກຂໍ້ຕົກລົງດັ່ງກ່າວ, NCPO ຕ້ອງຄິດໄລ່ຊັ່ງຊາຫຼາຍປັດໄຈ, ໃນນັ້ນມີເຫດຜົນໄປຕ່າງປະເທດ, ກໍ່ຄືບັນດາລະບຽບດ້ານກົດໝາຍ.
ແຕ່ວ່າ, ທະນາຍຄວາມຂອງທ່ານນາງ ຍິງຮັກ ຖືວ່າ, ບໍ່ມີພື້ນຖານດ້ານກົດໝາຍໃດໆ ເພື່ອປະຕິເສດຄຳສະເໜີຂອງທ່ານນາງຍິງຣັກ ຍ້ອນຫ້ອງການໄອຍະການ (OAG) ຍັງຢູ່ໃນວິວັດການສ້າງຮ່າງກ່າວໂທດ ແລະ ເອກະສານຍັງບໍ່ທັນໄດ້ຍື່ນຕໍ່ສານສູງສຸດ.