ປະທານາທິບໍດີ ຟີລີບປີນ Rodrigo Duterte ແລະ ທ່ານນາຍົກລັດຖະມົນຕີໄທ ປຣາຢຸດ ຈັນໂອຊາ
ພາບ:TTXVN
|
(vovworld)- ວັນທີ 21/3, ປະທານາທິບໍດີ ຟີລີບປີນ Rodrigo Duterte ພວມຢ້ຽມຢາມໄທ ໄດ້ມີການເຈລະຈາກັບທ່ານນາຍົກລັດຖະມົນຕີໄທ ປຣາຢຸດ ຈັນໂອຊາ, ປຶກສາຫາລືຫລາຍບັນຫາຊື່ງສອງຝ່າຍຕ່າງມີຄວາມສົນໃຈ, ໃນນັ້ນ ມີການຂັດແຍ້ງຢູ່ທະເລຕາເວັນອອກ. ກ່າວຄຳເຫັນທີ່ການປະຊຸມຂ່າວພາຍຫລັງການເຈລະຈາ, ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຊາ ແລະ ປະທານາທິບໍດີ ຟີລີບປີນ Rodrigo Duterte ເນັ້ນຫນັກວ່າ ຄວນປະຕິບັດຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ປີ 2002 ກໍ່ຄື ສ້າງຂອບເຂດຂອງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ສຳເລັດ ໃນປີນີ້. ສອງຝ່າຍກໍເຫັນດີຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມເສລີໃນການເດີນເຮືອ ແລະ ການບິນຢູ່ທະເລຕາເວັນອອກ ເພື່ອຜົນປະໂຫຍດຂອງທຸກປະເທດພາຍໃນ ແລະ ນອກພາກພື້ນ. ປະທານາທິບໍດີ ຟີລີບປີນ Rodrigo Duterte ຢືນຢັນຄຳໝັ້ນສັນຍາຈະຮ່ວມມືກັບໄທ ແລະ ບັນດາຝ່າຍກ່ຽວຂ້ອງເພື່ອເພີ່ມທະວີການຮ່ວມມືການເດີນເຮືອ, ຮັກສາສັນຕິພາບ ແລະ ສະຖຽນລະພາບບົນທະເລ. ການນຳສອງທ່ານ ຍັງປຶກສາຫາລືກ່ຽວກັບບັນດາມາດຕະການເພື່ອແນໃສ່ຊຸກຍູ້ດ້ານການຄ້າ ແລະ ການລົງທຶນລະຫວ່າງສອງປະເທດກໍຄືບົດບາດປະທານໝູນວຽນ ອາຊຽນ ຊື່ງມານີລາ ພວມເປັນປະທານ.