ໄທໃຫ້ຄຳໝັ້ນສັນຍາຈັດຕັ້ງການເລືອກຕັ້ງທົ່ວປະເທດໃນຕົ້ນປີ2017
ຊວນຮູ່ງ,ນັກຂ່າວVOVປະຈຳໄທ -
ປະທານກຳມາທິການຮຽບຮຽງລັດຖະທຳມະນູນ
(ພາບ: AFP/TTXVN)
(vovworld) – ວັນທີ 4/4, ທ່ານ ປຣະວິດ ວົງສຸວັນ, ຮອງນາຍົກລັດຖະມົນຕີ, ຮັບຜິດຊອບບັນຫາປ້ອງກັນຄວາມສະຫງົບ ໄທ ໄດ້ຢັ້ງຢືນວ່າ: ການເລືອກຕັ້ງທົ່ວປະເທດຂອງປະເທດນີ້ຈະໄດ້ຮັບການຈັດຕັ້ງໃນປີ 2017 ເຖິງວ່າຮ່າງລັດຖະທຳມະນູນສະບັບໃໝ່ຈະໄດ້ຮັບການສະໜັບສະໜູນຈາກປະຊາຊົນໃນການລົງປະຊາມະຕິຈະມາເຖິງຫຼືບໍ່? ກ່າວຄຳເຫັນທີ່ວົງການນັກຂ່າວ, ທ່ານ ປຣະວິດ ວົງສຸວັນ ໃຫ້ຮູ້ວ່າ: ກຳມາທິການປົກປ້ອງຄວາມລະບຽບຮຽບຮ້ອຍແຫ່ງຊາດ (NCPO) ໄດ້ມີບັນດາວິທີການ, ແຜນການລະອຽດເພື່ອຮັບມືກັບບໍ່ວ່າໝາກຜົນແຫ່ງການລົງປະຊາມະຕິຂອງປະຊາຊົນກ່ຽວກັບຮ່າງລັດຖະທຳມະນູນສະບັບໃໝ່, ເພື່ອຮັບປະກັນການເລືອກຕັ້ງຈະໄດ້ດຳເນີນໃນປີ 2017.
ກ່ອນໜ້ານັ້ນ, ກຳມາທິການຮຽບຮຽງລັດຖະທຳມະນູນ ໄທ ໄດ້ສ້າງສຳເລັດຮ່າງລັດຖະທຳມະນູນສະບັບສຸດທ້າຍ ແລະ ສົ່ງໃຫ້ທ່ານນາຍົກລັດຖະມົນຕີ ປຣາຢຸດ ຈັນໂອຊາ ເມື່ອວັນທີ 29/3. ປະຈຸບັນ, ກຳມາທິການເລືອກຕັ້ງພວມສົມທົບກັບບັນດາອົງການກ່ຽວຂ້ອງເພື່ອກະກຽມຈັດຕັ້ງການລົງປະຊາມະຕິສຳລັບຮ່າງລັດຖະທຳມະນູນໃນວັນທີ 7/8 ຈະມາເຖິງ.
ຊວນຮູ່ງ,ນັກຂ່າວVOVປະຈຳໄທ