ໄວໜຸ່ມທົ່ວປະເທດຕອບ ສະໜອງ ສັບປະດາຕອບ ບຸນແທນຄຸນ
ວຽກງານຕອບບຸນແທນຄຸນຢູ່ແຂວງ Ha Tinh
(ພາບ:baohatinh.vn)
( vovworld ) – ໂດຍຕອບສະໜອງແຜນການປະຕິບັດສັບປະດາຈຸດສຸມກ່ຽວກັບການຕອບບຸນແທນຄຸນເນື່ອງໃນໂອກາດ 65 ປີແຫ່ງວັນທະຫານເສຍຄົງຄະ ນັກຮົບເສຍ ສະຫຼະຊີວິດເພື່ອຊາດ (ຄືວັນທີ 27/7) ຂອງສູນກາງຊາວໜຸ່ມກອມມູນິດໂຮ່ຈິມິນ, ໄວໜຸ່ມທົ່ວປະເທດຫວຽດນາມ ພວມຜັນຂະຫຍາຍການເຄື່ອນໄຫວຕ່າງໆທີ່ມີຄວາມໝາຍເພື່ອຊ່ວຍເຫຼືອບັນດາຄອບຄົວທະຫານເສຍຄົງຄະນັກຮົບເສຍສະຫຼະ ຊີວິດເພື່ອຊາດ, ຄອບຄົວນະໂຍບາຍ, ແມ່ຫວຽດນາມ ວິລະຊົນ…. ຄະນະຊາວໜຸ່ມແຂວງ Ha Tinh ໄດ້ໄປຢື້ຢາມຖາມຂ່າວ, ມອບຂອງຂວັນໃຫ້ຄອບຄົວມີຄຸນງາມຄວາມດີ, ແມ່ຫວຽດນາມ ວິລະຊົນ…. ຊື່ງຂອງຂວັນແຕ່ລະພູດມີມູນຄ່າ 300.000 ດົ່ງ. ເອື້ອຍ Hai Viet ຫົວໜ້າຫ້ອງການໂຄສະນາສຶກສາ ຄະນະຊາວໜຸ່ມແຂວງ Ha Tinh ເວົ້າວ່າ: “ໃນທົ່ວແຂວງ Ha Tinh ມີສຸສານ 8 ແຫ່ງ, , ຊາວໜຸ່ມໃນແຂວງຈະຈັດການໃຕ້ທຽນເພື່ອສະແດງຄວາມຮູ້ບຸນຄຸນບັນດານັກວິລະຊົນ, ນັກຮົບທີ່ເສຍສະຫຼະຊີວິດເພື່ອຊາດໃນເວລາ 19 ໂມງ 30 ນາທີຂອງວັນທີ 26/7 ທີ່ຈະມາເຖິງ. ໃນສັບປະດາຕອບບຸນແທນຄຸນ, ພວກຂ້າພະເຈົ້າຈະຜັນຂະຫຍາຍບັນດາວຽກງານຄື: ອະນາໄມທຳຄວາມສະອາດຢູ່ເຂດສຸສານແຫ່ງຕ່າງໆ, ມອບຂອງຂວັນ, ກໍ່ສ້າງ, ສ້ອມແປງເຮືອນຢູ່ໃຫ້ບັນດາຄອບຄົວນະໂຍບາຍ….“
ໄວໜຸ່ມແຂວງ Quang Ninh ກັບວຽກງານຕອບບຸນແທນຄຸນ
(ພາບ:ansinhxahoi.thanhgiong.vn)
ສ່ວນອົງການຊາວໜຸ່ມແຂວງ Quang Ninh ກໍພວມຜັນຂະຫຍາຍບັນດາການເຄື່ອນໄຫວຊາວໜຸ່ມອາສາສະໝັກຄື: ເຂົ້າຮ່ວມການເຮັດອະນາໄມ, ບູລະນະຢູ່ເຂດສຸສານທຸກແຫ່ງໃນບໍລິເວນແຂວງ, ໄປຢ້ຽມຢາມ, ມອບຂອງຂວັນ 1800 ພູດໃຫ້ຄອບຄົວມີຄຸນງາມຄວາມດີຕໍ່ການປະຕິວັດ. ໃນຄຳ່ຄືນຂອງວັນທີ 26/7 ທີ່ຈະມາເຖິງ, ໄວໜຸ່ມແຂວງ Quang Ninh ຈະຈັດພິທີຍ້ອງຍໍຊົມເຊີຍລູກຫຼານຄອບຄົວທະຫານເສຍຄົງຄະ ນັກຮົບເສຍສະຫຼະຊີວິດເພື່ອຊາດໃນທົ່ວແຂວງ ລວມ 65 ຄົນ . ອ້າຍ Hoang Ba Nam ເລຂາຄະນະຊາວໜຸ່ມແຂວງ Quang Ninh ເວົ້າວ່າ:
“ນີ້ແມ່ນວຽກງານທີ່ມີຄວາມໝາຍທີ່ສຸດ ສະແດງໃຫ້ເຫັນລັກສະນະສຶກສາອົບຮົມສູງ, ໂດຍຜ່ານການເຄື່ອນໄຫວຕ່າງໆ ຈະສະແດງໃຫ້ເຫັນຄວາມຮູ້ບຸນຄຸນຂອງລຸ້ນໜຸ່ມ ກໍ່ຄືຄວາມຮັບຜິດຊອບຂອງລຸ້ນໜຸ່ມຕໍ່ຄອບຄົວນະໂຍາບາຍ, ຄອບຄົວມີຄຸນງາມຄວາມດີຕໍ່ການປະຕິວັດ ໃນການປະຕິບັດໜ້າທີ່ການເມືອງຂອງທ້ອງຖິ່ນ. ນອກຈາກນັ້ນແລ້ວ, ມັນຍັງສະແດງໃຫ້ເຫັນໜ້າທີ່ການເມືອງຂອງອົງການຊາວໜຸ່ມ, ການເຂົ້າຮ່ວມຂອງທົ່ວສັງຄົມ, ໃນນັ້ນຊາວໜຸ່ມສວມບົດບາດຕົ້ນຕໍໃນສັບປະດາຕອບບຸນແທນຄຸນ“.