ໜັງສືພິມລັດເຊຍ: ລັດຖະບານຫວຽດນາມນຳໃຊ້ມາດຕະການປ້ອງກັນ, ສະກັດກັ້ນໂລກລະບາດCovid - 19ຢ່າງວ່ອງໄວແລະຂ້ຽວຂາດ
(VOVWORLD) -ຫວຽດນາມ - “ແບບຢ່າງ” ກ່ຽວກັບວິທີການຄວບຄຸມໂລກລະບາດ Covid -19 ໃນເງື່ອນໄຂຈຳກັດ, ໃນຂະນະທີ່ມີປະຊາຊົນ 10.000 ຄົນຈຶ່ງມີທ່ານໝໍ8ຄົນ. ນີ້ແມ່ນເນື້ອໃນບົດຂຽນໄດ້ເອົາລົງໃນເວັບໄຊ zen.yandex.ru ຂອງລັດເຊຍ, ໃນນັ້ນໄດ້ຕີລາຄາສູງຕໍ່ຄວາມມານະພະຍາຍາມສະກັດກັ້ນໂລກລະບາດ Covid – 19 ຂອງຫວຽດນາມ.
 ພະນັກງານການແພດວັດແທກອຸນຫະພຸມ (ພາບ: TTXVN) |
ຕາມບົດຂຽນດັ່ງກ່າວ, ຫວຽດນາມໄດ້ຄວບຄຸມສະພາບການແຜ່ລາມຂອງໂລກລະບາດ Covid – 19ໄດ້ເປັນຢ່າງດີນັບແຕ່ຊ່ວງເວລາທ້າຍເດືອນມີນາຢັ້ງຢືນມີຜູ້ຕິດເຊື້ອພະຍາດ Covid - 19 ກ່ວາ 200 ຄົນແລະຍັງບໍ່ທັນມີຜູ້ເສຍຊີວິດ, ບົດຂຽນໄດ້ຊີ້ແຈ້ງເຖິງບັນດາມາດຕະການເຊິ່ງລັດຖະບານຫວຽດນາມປະຕິບັດຢ່າງວ່ອງໄວແລະຂ້ຽວຂາດລວມມີ: ປິດໂຮງຮຽນ, ຢຸດຕິຊົ່ວຄາວບັນດາຖ້ຽວບິນທັງໝົດ, ບັງຄັບຕ້ອງແຍກຕົວເປັນເວລາ 14 ວັນສຳລັບຜູ້ທີ່ກັບມາຈາກຕ່າງປະເທດ …
ນັກຂຽນໄດ້ໃຫ້ຂໍ້ສັງເກດວ່າຫວຽດນາມໄດ້ກາຍເປັນແບບຢ່າງທີ່ດີໃຫ້ແກ່ຫຼາຍປະເທດໃນໂລກກ່ຽວກັບວິທີການສະກັດກັ້ນໂລກລະບາດຢ່າງມີປະສິດທິຜົນດ້ວຍຄ່າໃຊ້ຈ່າຍຕ່ຳທີ່ສຸດ.