ພາບປະກອບ
(vovworld)- ຫວຽດນາມ ມີທຸກໂອກາດ ເພື່ອກາຍເປັນເລື່ອງລາວປະສົບຜົນສຳເລັດ ຢູ່ອາຊີ. ນັ້ນແມ່ນຂໍ້ສັງເກດ ໃນບົດຂຽນລົງພີມ ເມື່ອວັນທີ 8/8 ໃນໜັງສືພີມສະເພາະຂະແໜງການເງິນ ແລະ ເສດຖະກິດ vestifinance ຂອງລັດເຊຍ. ດ້ວຍຫົວຂໍ້ “ຫວຽດນາມ ອາດກາຍເປັນເສືອອາຊີໃໝ່ ຫຼື ບໍ່” ໜັງສືພີມໄດ້ປຽບທຽບວ່າ: ຖ້າຫາກໃນໜຶ່ງທົດຕະວັດຈະມາເຖິງ ປະເທດຊາດສາມາດຮັກສາການເຕີບໂຕທຸກປີ ຢູ່ລະດັບ 7% ນັ້ນແມ່ນເສັ້ນທາງພັດທະນາ ຂອງຫວຽດນາມ ຈະຄ້າຍຄືກັນກັບ “ເສືອ” ອາຊີໂຕອື່ນໆ. ຍິ່ງກວ່ານັ້ນ, ຖ້າຫາກລະດັບເຕີບໂຕ ຫຼຸດລົງ 4%, ຫວຽດນາມ ກໍ່ຈະຖືກຈັດຢູ່ໃນແຖວດຽວ ດ້ວຍລະດັບເຕີບໂຕ ຂອງບັນດາພື້ນຖານເສດຖະກິດຊັ້ນກາງຂອງໂລກ ເຊັ່ນ: ບຣາຊິນ, ໄທ. ບັນດາທ່າແຮງ ຂອງຫວຽດນາມ ໃນການເຕີບໂຕທີ່ 1 ແມ່ນທີ່ຕັ້ງທາງດ້ານພູມສາດ ແລະ ຈຳນວນພົນລະເມືອງໜຸ່ມ. ພິເສດ, ນະໂຍບາຍເປີດກວ້າງ ດ້ານການຄ້າ ແລະ ການລົງທຶນ ທີ່ຫວຽດນາມ ໄດ້ດຳເນີນການ ນັບແຕ່ຕົ້ນຊຸມ ປີ 1990 ນັ້ນແມ່ນຂໍ້ກຸນແຈເພື່ອສ້າງຄວາມເຊື່ອໝັ້ນ ໃຫ້ແກ່ນັກລົງທຶນ, ຊຸກຍູ້ເຂົາເຈົ້າເປີດວິສາຫະກິດຢູ່ນີ້. ໜັງສືພີມໄດ້ສະຫຼຸບ: ເຖິງວ່າຫວຽດນາມ ພວມຕ້ອງປະເຊີນໜ້າ ດ້ວຍບັນຫາກົດໜ່ວງການເຕີບໂຕຫຼາຍຢ່າງ, ແຕ່ຫວຽດນາມ ໄດ້ບັນລຸບັນດາຂໍ້ກຸນແຈບົນເສັ້ນທາງການພັດທະນາ. ໂອກາດໄດ້ມີຢ່າງຄົບຖ້ວນ, ຫວຽດນາມ ພຽງແຕ່ຕ້ອງເພີ່ມຄວາມກ້າຫານ ເພື່ອບັນລຸຄາດໝາຍເຕີບໂຕ.