(ພາບປະກອບ)
(vovworld) – ໜັງສືພິມ “ມິງບ໋າວ” ຮົ່ງກົງ (ຈີນ) ຫາກໍລົງພິມບົດຂຽນດ້ວຍຫົວຂໍ້ “ຫວຽດນາມ ໄດ້ຮັບຜົນປະໂຫຍດຫລາຍກ່ວາຈາກ TPP”, ໃນນັ້ນຊີ້ແຈ້ງວ່າ: ສັນຍາການຄ້າຄູ່ຮ່ວມມືຂ້າມປາຊີຟິກ (TPP) ເຊິ່ງ 12 ປະເທດເຂົ້າຮ່ວມ ຫາກໍສິ້ນສຸດການເຈລະຈາໃນຕົ້ນເດືອນ 10 ນີ້, ເມື່ອໄດ້ຮັບການປະຕິບັດ ຈະນຳມາໃຫ້ ຫວຽດນາມ, ປະເທດທີ່ພວມພັດທະນາ, ຜົນປະໂຫຍດ ແລະ ທ່າໄດ້ປຽບຫລາຍຢ່າງ. ບົດຂຽນໃຫ້ຂໍ້ສັງເກດວ່າ: ໃນ 10 ປີຈະມາເຖິງ, GDP ຂອງ ຫວຽດນາມ ຈະເພີ່ມ 36 ຕື້ USD ຕືມອີກ ຍ້ອນໄດ້ຮັບຜົນປະໂຫຍດຈາກ TPP. ບົດຂຽນເນັ້ນໜັກວ່າ: ຂະແໜງອຸສາຫະກຳຕັດຫຍິບຂອງ ຫວຽດນາມ ຈະໄດ້ຮັບຜົນປະໂຫຍດ ຍ້ອນບັນດາປະເທດ TPP ຫລຸດພາສີນຳເຂົ້າ. ກຸ່ມບໍລິສັດ ເອີຣົບ - ອາຊີ (Eurasia Group) ຂຶ້ນກັບບໍລິສັດຄົ້ນຄວ້າ ແລະ ໃຫ້ຄຳປຶກສາຄວາມສ່ຽງດ້ານການເມືອງທົ່ວໂລກຄາດຄະເນວ່າ ໃນ 10 ປີຈະມາເຖິງ, ການສົ່ງອອກຜະລິດຕະພັນຕັດຫຍິບ ແລະ ເກີບຂອງ ຫວຽດນາມ ຈະເພີ່ມຂຶ້ນເຕີມອີກ 50%. ນອກຈາກຂະແໜງຕັດຫຍິບ, ຂະແໜງສິນໃນນ້ຳຂອງ ຫວຽດນາມ ກໍສາມາດໄດ້ຮັບຜົນປະໂຫຍດຈາດບັນດາຕະຫລາດສະມາຊິກ TPP ເມື່ອລົບລ້າງພາສີນຳເຂົ້າ.