(ລົດເມເກີດລະເບີດ)
(vovworld) – ໃນເວລາ 4 ໂມງເຊົ້າວັນທີ 2/6, ຢູ່ເມືອງບົວລະພາ, ແຂວງຄຳມ່ວນ, ຫ່າງຈາກດ່ານຊາຍແດນ ຈາລໍ, ແຂວງ ກວາງບິ່ງ ປະມານ 15 ກມ, ໄດ້ເກີດເຫດລົດເມທີ່ມີທະບຽນລົດໝາຍເລກ UN 3897 ລະເບີດ, ເຮັດໃຫ້ 8 ຄົນເສຍຊີວິດ, 3 ຄົນຮັບບາດເຈັບ. ຕາມຂໍ້ມູນຂ່າວໃນເບື້ອງຕົ້ນແລ້ວ, ບັນດາຜູ້ປະສົບເຄາະຮ້າຍດັ່ງກ່າວລ້ວນແຕ່ແມ່ນຊາວ ຫວຽດນາມ, ບ້ານເກີດຢູ່ແຂວງ ເງ້ອານ.
ວັນທີ 2/6, ເມື່ອຕອບສຳພາດຕໍ່ນັກຂ່າວກ່ຽວກັບອຸປັດຕິເຫດດັ່ງກ່າວ, ທ່ານ ເລຫາຍບິ່ງ, ໂຄສົກຊວງການຕ່າງປະເທດ ຫວຽດນາມໃຫ້ຮູ້ວ່າ, ພາຍຫຼັງເກີດເຫດ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ, ໄດ້ຊີ້ນຳໃຫ້ສະຖານທູດ ຫວຽດນາມປະຈຳລາວ ຢູ່ວຽງຈັນ, ແລະ ຫົວໜ້າສະຖານກົງສູນຫວຽດນາມປະຈຳແຂວງ ສະຫວັນນະເຂດສົ່ງພະນັກງານໄປຍັງບ່ອນເກີດເຫດ, ພ້ອມທັງສົມທົບກັບກອງບັນຊາການທະຫານປ້ອງກັນຊາຍແດນແຂວງກວາງບິ່ງ ເພື່ອຊອກຮູ້ຂ່າວ ແລະ ເຫດການ. ປະຈຸບັນ, ຫົວໜ້າສະຖານກົງສູນຫວຽດນາມປະຈຳແຂວງ ສະຫວັນນະເຂດ ໄດ້ລົງໄປຍັງບ່ອນເກີດເຫດແລ້ວ, ແລະໄດ້ສົມທົບກັບບັນດາອົງການກ່ຽວຂ້ອງຂອງລາວຢ່າງແໜ້ນແຟ້ນ ແນໃສ່ໜູນຊ່ວຍຍາດຕິພີ່ນ້ອງຜູ້ປະສົບເຄາະຮ້າຍ ເພື່ອນຳຊາກສົບຜູ້ປະສົບເຄາະຮ້າຍກັບເມືອປະເທດ