ໄພນຳຖ້ວມຢູ່ພາກກາງຫວຽດນາມ
(ພາບ:hotday.vn)
( vovworld ) – ຕໍ່ໜ້າບັນດາຜົນເສຍຫາຍຍ້ອນໄພທຳມະຊາດ, ຝົນຕົກ, ນ້ຳຖ້ວມກໍ່ຂຶ້ນຢູ່ເຂດທິດເໜືອຂອງພາກກາງຫວຽດນາມ, ສູນກາງສະພາກາແດງຫວຽດນາມ ໄດ້ສົ່ງສິນຄ້າ, ເຄື່ອງໃຊ້ສອຍຈຳເປັນທີ່ມີມູນຄ່າທັງໝົດ 420 ລ້ານດົ່ງໃຫ້ແກ່ບັນດາແຂວງ Thanh Hoa, Nghe An, Ha Tinh ຢ່າງຮີບດ່ວນ, ພ້ອມກັນນັ້ນ, ສູນກາງສະພາກາແດງຫວຽດນາມ ໄດ້ແຕ່ງຕັ້ງຄະນະປະຕິບັດງານລົງໄປສຳຫຼວດ, ຕີລາຄາສະພາບເສຍຫາຍຢູ່ທ້ອງຖິ່ນຕ່າງໆ.
ປະຈຸບັນ, ສະພາບຝົນຕົກນ້ຳຖ້ວມຢູ່ບັນດາແຂວງທາງທິດເໜືອຂອງພາກກາງຫວຽດນາມ ຍັງມີການຜັນແປ່ຢ່າງສັບສົນ. ຢູ່ແຂວງ Thanh Hoa, ຝົນຕົກນ້ຳຖ້ວມໄດ້ເຮັດໃຫ້ 9 ຄົນເສຍຊີວິດ ແລະ 2 ຄົນຖືກຫາຍສາບສູນ, ເນື້ອທີ່ດິນປູກຝັງຫຼາຍແຮັກຕາ ແລະ ເຮືອນຊານຂອງປະຊາຊົນຖືກນ້ຳຖ້ວມ. ຄາດວ່າຄວາມເສຍຫາຍປະມານ 637 ຕື້ດົ່ງ. ກ່າວຄຳເຫັນກັບການນຳແຂວງ, ທ່ານ Hoang Van Thang ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຊື່ງພວມມີໜ້າຢູ່ແຂວງ Thanh Hoa ເພື່ອກວດກາ ແລະ ຊີ້ນຳແກ້ໄຂຜົນຮ້າຍຢ້ອນຫຼັງຈາກຝົນຕົກນ້ຳຖ້ວມເນັ້ນໜັກວ່າ:
“ຂ້າພະເຈົ້າສະເໜີໃຫ້ມີການແກ້ໄຂຢ່າງຮີບດ່ວນສຳລັບລະບົບຄັນຄູຕອນຖືກພັງເຈື່ອນ ແລະ ຖືກນ້ຳເສາະເຈື່ອນ, ພວກເຮົາຕ້ອງກວດກາຢູ່ລຽບຕາມລະບົບຄັນຄູ, ກົມຮັບຜິດຊອບວຽກງານຄັນຄູຕ້ອງສົ່ງຜູ້ຊ່ຽວຊານມາເພື່ອພ້ອມກັບແຂວງໃຫ້ຂໍ້ສັງເກດຕີລາຄາກ່ຽວກັບແມ່ນ້ຳ Chu ແລະ ສະເໜີໃຫ້ແຂວງ ດຳເນີນການກວດກາຄືນແຜນຮ່າງຕີລາຄາສະພາບນ້ຳເສາະເຈື່ອນຢູ່ແມ່ນ້ຳ Chu, ແມ່ນ້ຳ Ma“
ໃນຂະນະນັ້ນ, ຢູ່ເມືອງ Yen Thanh, ຊື່ງແມ່ນ 1 ໃນບັນດາເມືອງຂອງແຂວງ Nghe An ໄດ້ຮັບຜົນສະທ້ອນຢ່າງໜັກໜ່ວງທີ່ສຸດຈາກຝົນຕົກນ້ຳຖ້ວມຫ່ວາງແລ້ວນີ້ຍັງມີ 11 ຕາແສງຖືກນ້ຳຖ້ວມ. ທ່ານ Nguyen Sy Hung ຮອງປະທານຄະນະກຳມະການປະຊາຊົນເມືອງ Yen Thanh ໃຫ້ຮູ້ວ່າ:
“ພວກຂ້າພະເຈົ້າພວມກວດກາລະບົບຄົມມະນາຄົມທັງໝົດ, ບ່ອນໃດຖືກເປເພຈະລະດົມປະຊາຊົນມາສ້າງໜ້າພຽງ ຕິດປ້າຍປະກາດ ເພື່ອໃຫ້ການຈະລາຈອນເປັນປົກກະຕິ“.