ກອງປະຊຸມສຳມະນາ ໄດ້ຈັດຕັ້ງໃນວັນທີ 8/7
(vovworld) - ຕາມກົມພັດທະນາວິສາຫະກິດ, ກະຊວງແຜນການ ແລະ ການລົງທຶນແລ້ວ, ວິສາຫະກິດຂະໜາດກາງ ແລະ ນ້ອຍກວມກວ່າ 97% ຈຳນວນວິສາຫະກິດຈົດທີ່ທະບຽນ ແລະ ສ້າງຕັ້ງຢູ່ຫວຽດນາມ, ມີບົດບາດສຳຄັນໃນການສ້າງວຽກເຮັດງານທຳ, ເພີ່ມລາຍຮັບໃຫ້ຜູ້ອອກແຮງງານ, ລະດົມທຸກແຫຼ່ງກຳລັງໃນສັງຄົມໃຫ້ແກ່ການລົງທຶນພັດທະນາ, ປະກອບສ່ວນເຂົ້າງົບປະມານແຫ່ງລັດ. ແຕ່ເຖິງຢ່າງໃດກໍ່ຕາມ, ຍ້ອນປະສິດທິຜົນແຫ່ງການປະຕິບັດນະໂຍບາຍໜູນຊ່ວຍຍັງຕຳ່, ດັ່ງນັ້ນ, ອັດຕາສ່ວນ ວິສາຫະກິດຂະໜາດກາງ ແລະ ນ້ອຍເຂົ້າຮ່ວມ ແລະ ຊົມໃຊ້ບັນດາໂຄງການໜູນຊ່ວຍຍັງຖືກຈຳກັດຢູ່. ທີ່ກອງປະຊຸມສຳມະນາດ້ວຍຫົວຂໍ້ວ່າ “ກົດໝາຍວ່າດ້ວຍການໜູນຊ່ວຍ ວິສາຫະກິດຂະໜາດກາງ ແລະ ນ້ອຍ - ປະສົບການສາກົນ ແລະ ບົດຮຽນສຳລັບຫວຽດນາມ“, ໂດຍກະຊວງແຜນການ ແລະ ການລົງທຶນຈັດຕັ້ງໃນວັນທີ 8/7, ຢູ່ຮ່າໂນ້ຍ, ທ່ານ ໂຮສີຮຸ່ງ. ຫົວໜ້າກົມພັດທະນາວິສາຫະກິດ, ກະຊວງແຜນການ ແລະ ການລົງທຶນເວົ້າວ່າ:
“ວິທີຮັບຮູ້ກ່ຽວກັບ ວິສາຫະກິດຂະໜາດກາງ ແລະ ນ້ອຍ ຂອງຍີ່ປຸ່ນ ແລະ ສເກົາຫຼີມີການປ່ຽນແປງຕາມແຕ່ລະໄລຍະ, ສິ່ງດັ່ງກ່າວສະແດງໃຫ້ເຫັນບົດບາດຂອງ ວິສາຫະກິດຂະໜາດກາງ ແລະ ນ້ອຍ ນັບມື້ນັບສຳຄັນໃນຊີວິດທາງດ້ານເສດຖະກິດ, ສັງຄົມຂອງປະເທດເຫຼົ່ານັ້ນ; ຈາກນັ້ນຈະມີບັນດານະໂຍບາຍທີ່ເໝາະສົມເພື່ອໜູນຊ່ວຍບັນດາ ວິສາຫະກິດຂະໜາດກາງ ແລະ ນ້ອຍ . ຂ້າພະເຈົ້າຄິດວ່ານີ້ແມ່ນບົດຮຽນທີ່ດີໃຫ້ຫວຽດນາມ. ປະຈຸບັນ, ຖ້າຫາກພວກເຮົາມີກົດໝາຍວ່າດ້ວຍການໜູນຊ່ວຍ ວິສາຫະກິດຂະໜາດກາງ ແລະ ນ້ອຍ ຈະແມ່ນເຄື່ອງມື, ມາດຕະການແກ້ໄຂດ້ານກົດໝາຍຢ່າງແຮງ ເພື່ອໃຫ້ບັນດາອົງການແຫ່ງລັດກໍ່ຄືທ້ອງຖີ່ນ ສະຫງວນແຫຼ່ງກຳລັງຢ່າງແຮງ ແລະ ພັດທະນາການເຄື່ອນໄຫວຢ່າງເດັດຂາດກວ່າເພື່ອໜູນຊ່ວຍ ວິສາຫະກິດຂະໜາດກາງ ແລະ ນ້ອຍ “