ໃນທຸກວັນນີ້, ບັນດາພະນັກງານແພດໝໍເສນາລັກຢູ່ເມືອງເກາະເຈື່ອງຊາ, ແຂວງແຄ້ງຮ່ວາພວມປະຕິບັດ 2 ໜ້າທີ່ໄປພ້ອມກັນ ນັ້ນແມ່ນເບິ່ງແຍງສຸຂະພາບ, ກວດ, ປິ່ນປົວພະຍາດໃຫ້ແກ່ທະຫານ ແລະ ປະຊາຊົນໃນເກາະຕ່າງໆ ແລະ ປິ່ນປົວສຸກເສີນໃຫ້ແກ່ຊາວປະມົງຖືກຮັບເຄາະຮ້າຍເມື່ອພວມຈັບຫາປາຢູ່ທະເລ. ຢູ່ເຂດຫມູ່ເກາະທີ່ຫ່າງໄກ, ບັນດາພະນັກງານແພດໝໍເສນາລັກຍາມໃດກໍຜ່ານຜ່າທຸກຄວາມຫຍຸ້ງຍາກ, ຂາດເຂີນເພື່ອເຮັດຫຼ້ອນໜ້າທີ່ໄດ້ຮັບມອບໝາຍເປັນຢ່າງດີ.
ບັນດາພະນັກງານແພດໝໍເສນາລັກຢູ່ເມືອງເກາະເຈື່ອງຊາ |
ສຸກສາລາເກາະນາມອຽດໃນຊຸມວັນຕົ້ນປີ 2017 ໄດ້ຮັບຂ່າວວ່າ ອ້າຍຝ້າມຮ່ວາ ຊາວປະມົງ ພວມເຮັດວຽກໃນກຳປັ່ນຫ່ປາຖືກອຸປະຕິເຫດ, ໃນທັນທີ່, ຫົວໜ້າສຸກສາລາເກາະນາມອຽດພ້ອມກັບບັນດາພະນັກງານນກຮົບໄດ້ໃຊ້ເຮືອຈັກແລ່ນໄປຮອດບ່ອນຜູ້ຖືກອຸປະຕິເຫດເພື່ອປິ່ນປົວແບບປະຖົມພະຍາບານ, ແລ້ວກໍສົ່ງຄົນເຈັບໄປຍັງເກາະເພື່ອດຳເນີນການຜ່າຕັດ ແລະ ປິ່ນປົວ. ອ້າຍຝ້າມຮ່ວາ ໃຫ້ຮູ້ວ່າ ພວມເກັບມ້ຽນແຫ, ຍ້ອນມີຄວາມປະໝາດ, ດັ່ງນັ້ນຖືກປາໄຫຼກັດດ້ວຍບາດແຜໜັກພໍສົມຄວນ. ແລະ ໂຊກດີທີ່ສຸດເມື່ອໄດ້ຮັບການປິ່ນປົວຈາກແພດໝໍໃນເກາະນາມອຽດຢ່າງທັນການ. ອ້າຍຝ້າມຮ່ວາເວົ້າວ່າ :
“ ປະຈຸບັນ, ຂ້າພະເຈົ້າໄດ້ໄຄແດ່ແລ້ວ. ເມື່ອເຂົ້າສຸກສາລາ, ໄດ້ຮັບການປິ່ນປົວຈາກແພດໝໍຢ່າງສຸດໃຈ, ດັ່ງນັ້ນບໍ່ເປັນຫ່ວງອີກແລ້ວ. ໄລຍະຜ່ານມາ, ເມື່ອເດີນເຮືອໄປຫາປາ, ຖ້າຫາກຊາວປະມົງຖືກອຸປະຕິເຫດ, ເຈັບເປັນຢ່າງກະທັນຫັນ ກໍເຂົ້າປິ່ນປົວໃນເກາະເລີຍ ແລະ ໄດ້ຮັບການເບິ່ງແຍງດູແລ, ຊ່ວຍເຫຼືອຈາກແພດໝໍຢ່າງສຸດໃຈ. ຂ້າພະເຈົ້າຕື້ນຕັນໃຈຕໍ່ໜ້ານ້ຳໃຈຂອງບັນດາແພດໝໍໃນເກາະເຈື່ອງຊາ ແລະ ເກາະນາມອຽດ. ເຖິງວ່າຍັງປະສົບກັບຄວາມຫຍຸ້ງຍາກຫຼາຍຢ່າງ, ແຕ່ບັນດາພະນັກງານແພດໝໍເສນາລັກ ຍາມໃດກໍເປັນຫ່ວງເປັນໄຍໃຫ້ຊາວປະມົງເມື່ອເດີນເຮືອໄປຫາປາຢູ່ເກາະເຈື່ອງຊາ, ເມື່ອຖືກອຸປະຕິເຫດ, ເຂົາເຈົ້າກໍໄດ້ແລ່ນເຮືອໄປຮອດບ່ອນເພື່ອຮັບສົ່ງໄປເກາະ ແລະ ປິ່ນປົວສຸກເສີນ ”
ພາຍຫຼັງດຳເນີນການຜ່າຕັດເປັນເວລາເກືອບ 2 ຊົ່ວໂມງ, ທ່ານໝໍ ຫງວຽນດີງແທງໄດ້ປະກາດດ້ວຍຄວາມພູມໃຈວ່າ ກໍລະນີຜ່າຕັດໄດ້ສຳເລັດຜົນ. ທ່ານໝໍ ຫງວຽນດີງແທງ ແບ່ງປັນວ່າ ພໍ່ແມ່ພີຍ້ອງຊາວປະມົງຫຼາຍຄົນເມື່ອເດີນທະເລໄປຈັບຫາປາ, ຖ້າຫາກຖືກບາດເຈັບຢູ່ກ້າມຊີ້ນ, ໂດຍທົ່ວໄປແລ້ວ ກໍປິ່ນປົວແບບປະຖົມພະຍາບານ, ແລ້ວກໍສືບຕໍ່ເຮັດວຽກ, ດັ່ງນັ້ນ ບາດແຜອາດຈະຖືກໃຄ່ບວມ, ຊຶມເຊື້ອຄື ກໍລະນີອ້າຍຝ້າມຮ່ວາເປັນຕົ້ນ. ທ່ານໝໍ ຫງວຽນດີງແທງ ເວົ້າວ່າ :
“ ຢູ່ສຸກສາລາແຫ່ງນີ້, ພວກຂ້າພະເຈົ້າໄດ້ຮັບການປະກອບພາຫະນະອຸປະກອນການແພດຮັບໃຊ້ການຜ່າຕັດ, ຈາກກໍລະນີຜ່າຕັດທຳມະດາຕະຫຼອດຮອດກໍລະນີຜ່າຕັດສັບສົນຄື: ຜ່າຕັດກະດູດຂາ, ທ້ອງ, ໜ້າເອິກ…ທາງດ້ານວິຊາຊີບ, ສຸກສາລາມີທ່ານໝໍປິ່ນປົວເຂດນອກ 1 ທ່ານ, ເຂດໃນ 1 ທ່ານ ພ້ອມກັບພະນັກງານແພດຢູ່ຂະແໜງຕ່າງໆ ”
ຕາແສງເກາະ ຊອງຕືໄຕ ແມ່ນນອນໃນກຸ່ມເກາະທາງທິດເໜືອຂອງມູ່ເກາະເຈື່ອງຊາ. ສຸກສາລາ ຊອງຕືໄຕ ໄດ້ຮັບການລົງທຶນກໍ່ສ້າງຢ່າງຄົບຊຸດ ແລະ ທັນສະໄໝຊຶ່ງປະກອບດ້ວຍບັນດາຫ້ອງກວດເຂດນອກ, ເຂດໃນ ແລະ ລະບົບເຄື່ອງສ່ອງລັງສີ. ໃນປີ 2016 ທີ່ຜ່ານມາ, ສຸກສາລາໄດ້ກວດ ແລະ ປິ່ນປົວໃຫ້ຄົນເຈັບກວ່າ 1.300 ເທື່ອຄົນ. ແພດຊັ້ນສູງ ຮ່ວາງຈີ້ຈຸງ ສັງກັດ ສຸກສາລາ ຊອງຕືໄຕ ໃຫ້ຮູ້ວ່າ : ຜ່ານໄລຍະປະຕິບັດງານຢູ່ເກາະເປັນເວລາ 4 ເດືອນ, ລາວຈືດີທີ່ສຸດກ່ຽວກັບກໍລະນີປິ່ນປົວສຸກເສີນໃຫ້ຄົນເຈັບຖືກອຸປະຕິເຫດໃນການອອກແຮງງານຊຶ່ງທັງທິມງານແພດໝໍພັດປ່ຽນກັນເບິ່ງແຍງ, ປິ່ນປົວໃນຕະຫຼອດຄືນ.
“ ກໍລະນີຄົນເຈັບນີ້, ຖ້າຫາກຢູ່ດິນຕໍ່ແຜ່ນ ອາດຈະໃຊ້ເຄື່ອງຈັກກະຕຸ້ນລະບົບຫາຍໃຈສຸກເສີນໃຫ້ຄົນເຈັບຢ່າງວ່ອງໄວ. ແຕ່ຢູ່ສຸກສາລາບໍ່ມີເຄື່ອງຈັກ, ດັ່ງນັ້ນພວກຂ້າພະເຈົ້າຕ້ອງໃຊ້ມືເພື່ອກະຕຸ້ນລະບົບຫາຍໃຈໃຫ້ຄົນເຈັບ, ຮອດຕອນທ່ຽງຈຶ່ງມີເຮືອບິນເອລີກອບເຕີມາຮັບໄປປິ່ນປົວຢູ່ດິນຕໍ່ແຜ່ນ ”
ທ່ານໝໍຈິ້ງດີງຢຸ້ງ ຫົວໜ້າສຸກສາລາ ຊອງຕືໄຕໃຫ້ຮູ້ວ່າ ວຽກງານຢູ່ເກາະແມ່ນແຕກຕ່າງກັບວຽກງານຢູ່ດິນຕໍ່ແຜ່ນ, ບັນດາແພດໝໍຢູ່ນີ້ຕ້ອງກວດ ແລະ ປິ່ນປົວໃຫ້ບັນດາຄົນເຈັບດ້ວຍອາການຕ່າງໆເຊັ່ນ: ເປັນໄຂ້, ອຸປະຕິເຫດ, ອັກເສບໄສ້ຕີງ….ເຖິງວ່າມີຄວາມລຳບາກກໍຕາມ, ແຕ່ທ່ານໝໍຈິ້ງດີງຢຸ້ງແບ່ງປັນວ່າ : ຈາກບັນດາກໍລະນີປິ່ນປົວສຸກເສີນນັ້ນ, ລະດັບວິຊາສະເພາະຂອງຖັນແຖວແພດໝໍຢູ່ນີ້ໄດ້ຮັບການຍົກສູງຂຶ້ນ. ທ່ານໝໍຈິ້ງດີງຢຸ້ງເວົ້າວ່າ :
“ ໄປປະຕິບັດງານຢູ່ເກາະ, ພວກຂ້າພະເຈົ້າຕ່າງກໍຕັດສິນໃຈ, ພະຍາຍາມເຮັດຫຼ້ອນໜ້າທີ່ວຽກງານໃນເກາະ. ເຖິງວ່າຢູ່ຫ່າງໄກຈາກຄອບຄົວກໍຕາມ, ແຕ່ບັນດາອ້າຍນ້ອງໃນເກາະ ກໍລ້ວນແຕ່ລະດົມໃຈກັນເພື່ອຜ່ານຜ່າຄວາມຫຍຸ້ງຍາກ, ເຮັດຫຼ້ອນໜ້າທີ່ ”
ດ້ວຍໜ້າທີ່ ແລະ ລະດັບວິຊາຊີບຂອງຕົນ, ບັນດາແພດໝໍເສນາລັກຢູ່ເມືອງເກາະເຈື່ອງຊາຍັງຄົງເບິ່ງແຍງດູແລເພື່ອຮັບປະກັນສຸຂະພາບໃຫ້ແກ່ພະນັກງານ, ນັກຮົບ, ປະຊາຊົນ ແລະ ຊາວປະມົງໃນແຕ່ລະວັນ, ແຕ່ລະຊົ່ວໂມງ ເພື່ອໃຫ້ເຂົາເຈົ້າມີຄວາມໝັ້ນໃຈປະຕີບັດວຽກງານໃນເກາະ, ເດີນເຮືອໄປຫາປາ, ປະກອບສ່ວນປົກປັກຮັກສາອະທິປະໄຕທີ່ສັກກະຫຼະບູຊາຂອງປະເທດຊາດ.