(vovworld)- ກ່ອນນີ້ 40 ປີ, ຄືວັນທີ 6/8/1976, ຫວຽດນາມ ແລະ ໄທ ໄດ້ສ້າງຕັ້ງສາຍພົວພັນທາງການທູດຢ່າງເປັນທາງການ. ຫວຽດນາມ ແລະ ໄທ ແມ່ນສອງປະເທດ ທຳອິດ ໃນ ອາຊຽນ ສ້າງການພົວພັນຄູ່ຮ່ວມມືຍຸດທະສາດ. ສິ່ງນີ້ເປັນການພິສູດໃຫ້ເຫັນຢ່າງຈະແຈ້ງວ່າ ການພົວພັນສອງຝ່າຍ ຫວຽດນາມ -ໄທ ໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງ ຄືດັ່ງຄຳຢືນຢັນຂອງທ່ານ ມານົບໄຊ ວົງພັກດີ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງລາຊະອານາຈັກໄທປະຈຳຫວຽດນາມວ່າ : “ການພົວພັນສອງຝ່າຍຫວຽດນາມ - ໄທ ໃນ 40 ປີຜ່ານມາໄດ້ມີບັນດາບາດກ້າວພັດທະນາໃຫ້ນັບມື້ນັບໝັ້ນຄົງໃນທຸກຂົງເຂດ: ການເມືອງ, ການເງິນ, ເສດຖະກິດ, ຄວາມໝັ້ນຄົງ, ການລົງທຶນ, ວັດທະນະທຳ, ການພົບປະແລກປ່ຽນປະຊາຊົນ.
ມານົບໄຊ ວົງພັກດີ, ເອກອັກຄະລັດຖະທູດ ໄທ ປະຈຳຫວຽດນາມ
|
ເດືອນ 6/2013, ສອງປະເທດໄດ້ເຫັນດີ ຍົກການພົວພັນຂຶ້ນສູ່ລະດັບຄູ່ຮ່ວມມືຍຸດທະສາດເນື່ອງໃນໂອກາດການຢ້ຽມຢາມ ໄທ ຂອງທ່ານເລຂາທິການໃຫຍ່ ຫງວຽນຟູຈ້ອງ. ເດືອນ 11/2014, ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຊາ ມາຢ້ຽມຢາມຫວຽດນາມ ຢ່າງເປັນທາງການ ແລະ ເປັນສັກຂິພິຍານພິທີລົງນາມໂຄງການດຳເນີນງານຜັນຂະຫຍາຍການພົວພັນຄູ່ຮ່ວມມືຍຸດທະສາດ ຫວຽດນາມ -ໄທ ໄລຍະ 2014-2018. ນີ້ແມ່ນພື້ນຖານສຳຄັນເພື່ອຜັນຂະຫຍາຍການພົວພັນຮ່ວມມືສອງຝ່າຍຫວຽດນາມ - ໄທ ນັບທັງລວງກວ້າງ ແລະ ລວງເລິກຢ່າງແຮງ. ທ່ານ ມານົບໄຊ ວົງພັກດີ,ເອກອັກຄະລັດຖະທູດໄທ ປະຈຳຫວຽດນາມ ໃຫ້ຮູ້ວ່າ:
ສຽງທ່ານເອກອັກຄະລັດຖະທູດໄທ, ມານົບໄຊ ວົງພັກດີ
ການພົວພັນດ້ານການຄ້າ ຫວຽດນາມ -ໄທ ໄດ້ເພີ່ມທະວີກວ່າ 40% ໃນຕະຫລອດ 5 ປີ ແຕ່ປີ 2010 – 2015 ເຖິງວ່າເສດຖະກິດທົ່ວໂລກປະຈຸບັນ ພວມມີການຜັນແປຍາກທີ່ຄາດຄະເນໄດ້. ປີ 2015 ລະດັບເຕີບໂຕສືບຕໍ່ບັນລຸ 10% ດ້ວຍຍອດວົງເງິນການຄ້າໄດ້ຂຶ້ນເຖິງ ເກືອບ 13 ຕື້ USD. ແລະ ຄາດໝາຍວົງເງິນການຄ້າສອງຝ່າຍບັນລຸ 20 ຕື້ USD ໃນປີ 2020 ແມ່ນຕົວເລກອາດສາມາດຈະປະຕິບັດໄດ້. ນອກຈາກການຮ່ວມມືຢູ່ໃນລະດັບສູນກາງ, ການຮ່ວມມືລະຫວ່າງບັນດາທ້ອງຖິ່ນ ລ້ວນແຕ່ໄດ້ຮັບຖືເປັນສຳຄັນຈາກສອງຝ່າຍ. ປະຈຸບັນ ມີ 14 ທ້ອງຖິ່ນຂອງສອງປະເທດ ມີໂຄງການຮ່ວມສຳພັນເພື່ອຮ່ວມມື. ທ່ານ ມານົບໄຊ ວົງພັກດີ, ເອກອັກຄະລັດຖະທູດ ໄທ ປະຈຳຫວຽດນາມ ໃຫ້ຮູ້ວ່າ:
ສຽງທ່ານ ມານົບໄຊ ວົງພັກດີ
ວິສາຫະກິດໄທ ໄດ້ລົງທຶນຈຳນວນເງິນ 8 ຕື້ USD ເຂົ້າຫວຽດນາມ ແລະ ຢືນອັນດັບທີ 11 ໃນຈຳນວນບັນດາປະເທດ ແລະ ເຂດແຄ້ວນລົງທຶນເຂົ້າຫວຽດນາມ. ມີກວ່າ 300 ໂຄງການລົງທຶນຂອງບັນດາວິສາຫະກິດ ໄທ ພວມເຄື່ອນໄຫວຢູ່ຫວຽດນາມ, ໃນນັ້ນ ມີບັນດາບໍລິສັດແຖວຫນ້າຂອງໄທ ຄື: ກຸ່ມບໍລິສັດ SCG, CP, AMATA, ບໍລິສັດນ້ຳມັນອາຍແກສ ໄທ ແລະ ມີວິສາຫະກິດຫລາຍແຫ່ງດຳເນີນທຸລະກິດໃນຂົງເຂດໂຮງແຮມ, ທ່ອງທ່ຽວ, ກະສິກຳ, ປຸງແຕ່ງຜະລິດຕະພັນເພື່ອສົ່ງອອກນຳເຂົ້າ. ຕາມທ່ານເອກອັກຄະລັດຖະທູດໄທ ແລ້ວ, ເລື່ອງສອງປະເທດເຂົ້າຮ່ວມປະຊາຄົມເສດຖະກິດ ອາຊຽນ ດ້ວຍພົນລະເມືອງກວ່າ 600 ລ້ານຄົນ ແລະ ຍອດ GDP ຂຶ້ນເຖິງ 3.000 ຕື້ USD ໄດ້ຮັດແຫນ້ນການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ ກວ່າ
ສຽງທ່ານ ມານົບໄຊ ວົງພັກດີ
ທ່ານ ມານົບໄຊ ວົງພັກດີ, ເອກອັກຄະລັດຖະທູດ ໄທ ປະຈຳຫວຽດນາມ
ຕອບສຳພາດຕໍ່ນັກຂ່າວ VOV 5
|
ຄຽງຄູ່ບັນດາຈຸດພົ້ນເດັ່ນໃນຂົງເຂດເສດຖະກິດ, ສອງປະເທດ ກໍເອົາໃຈໃສ່ເຖິງຂົງເຂດການທູດວັດທະນະທຳ, ທ່ານເອກອັກຄະລັດຖະທູດ ມານົບໄຊ ວົງພັກດີ,ໃຫ້ຮູ້ວ່າ:
ສຽງທ່ານ ມານົບໄຊ ວົງພັກດີ
ຄຽງຄູ່ກັບການຮ່ວມມືລະດັບສອງຝ່າຍ, ສອງຝ່າຍກໍເພີ່ມທະວີການຮ່ວມມືຢ່າງແຫນ້ນແຟ້ນຢູ່ລະດັບຫລາຍຝ່າຍໃນຂອບເຂດບັນດາອົງການພາກພື້ນ ແລະ ສາກົນ ຄື: ການຮ່ວມມືແລວເສດຖະກິດຕາເວັນອອກຕາເວັນຕົກ, ສາຍທາງບົກເຊື່ອມຕໍ່ອາຊີ, ອະນຸພາກພື້ນແມ່ນ້ຳຂອງເປີດກວ້າງ, ການຮ່ວມມືເສດຖະກິດແມ່ນ້ຳສາມສາຍ Ayeyarwady, ເຈົ້າພະຢາ ແລະ ແມ່ຂອງ (ACMECS). ຍ້ອນມີການຮ່ວມມືນີ້ໄດ້ປະກອບສ່ວນເພີ່ມທະວີການພົວພັນສອງຝ່າຍລະຫວ່າງສອງປະເທດ ເພື່ອຄວາມວັດທະນາຖາວອນຂອງສອງຊາດກໍຄືຄວາມຈະເລີນຮຸ່ງເຮືອງລວມຂອງອາຊຽນ.