(vovworld)- ພາຍຫລັງຜົນສຳເລັດຂອງລາຍການຄົ້ນຫາ ສເກົາຫລີ ແລະ ມາເລເຊຍ ໃນປີ 2013, ລາຍການໂຄສະນາສະຖານທີ່ທ່ອງທ່ຽວໃຫມ່ໃຫ້ແກ່ນັກທ່ອງທ່ຽວຫວຽດນາມ ປີ 2014 ດ້ວຍຊື່ເອີ້ນວ່າ: Amazing Photo Tour ສືບຕໍ່ແນະນຳບັນດາ ທັດສະນີຍະພາບທີ່ລືຊື່ຢູ່ ມານີລາ ແລະ ເຊບູ ຂອງ ຟິລີບປີນ.
ນະຄອນ ມານີລາ-ຟິລິບປີນ
ພາບ:internet
|
Amazing Photo Tour ແມ່ນບັນດາລາຍການທ່ອງທ່ຽວ ໂດຍວາລະສານ Travellive ຈັດຕັ້ງຂຶ້ນ ເພື່ອແນໃສ່ຮ່ວມມື ແລະ ແນະນຳຂໍ້ມູນຂ່າວສານ, ສົ່ງເສີມການໂຄສະນາບັນດາສະຖານທ່ອງທ່ຽວໃຫມ່ໃຫ້ແກ່ນັກທ່ອງທ່ຽວຫວຽດນາມ ດ້ວຍເລື່ອງຈັດໃຫ້ບັນດານັກຖ່າຍຮູບ, ນັກຂ່າວທ່ອງທ່ຽວໄປຢ້ຽມຢາມສະຖານທີ່ທ່ອງທ່ຽວທີ່ລືຊື່. ຄາດວ່າ ຈະຈັດຂຶ້ນ 3 ເດືອນ/ເທື່ອຫນຶ່ງ, Amazing Photo Tour ສະຫນອງບັນດາຂໍ້ມູນດ້ານວັດທະນະທຳ, ທ່ອງທ່ຽວ,ສະຖານທີ່ທ່ອງທ່ຽວໃຫມ່, ການບໍລິການ ແລະ ຜະລິດຕະພັນຕົ້ນຕໍຢູ່ຫວຽດນາມ ແລະ ສາກົນ ຊ່ວຍໃຫ້ນັກທ່ອງທ່ຽວມີຄວາມຮູ້ສຶກທີ່ໃຫມ່ອ່ຽມກ່ຽວກັບການທ່ອງທ່ຽວ ດ້ວຍການຮັບຮູ້ຂອງບັນດານັກຖ່າຍຮູບ ແລະ ນັກຂ່າວໂທລະພາບ. ຜ່ານໂຄງການ Amazing Photo Tour, Travellive ຢາກປະກອບສ່ວນຊຸກຍູ້ຄວາມສາມາດບົ່ມຊ້ອນດ້ານການທອ່ງທ່ຽວຂອງບັນດາເຂດພາກ, ສົ່ງເສີມກາລະໂອກາດດຳເນີນທຸລະກິດທ່ອງທ່ຽວ. ພາຍຫລັງການທ່ອງທ່ຽວແຕ່ລະເທື່ອ, ປະຊາຊົນ ແລະ ຜູ້ນິຍົມການທ່ອງທ່ຽວ ຈະມີບັນດາຂໍ້ມູນຂ່າວທີ່ມີປະໂຫຍດກ່ຽວກັບບັນດາສະຖານທີ່ທ່ອງທ່ຽວຜ່ານງານວາງສະແດງພາບ, video ແບ່ງປັນບົດຮຽນ ແລະ ຄວາມຮູ້ສຶກກ່ຽວກັບການທ່ອງທ່ຽວຜ່ານບັນດາພາຫະນະສື່ມວນຊົນ, ການເສັງພາບທ່ອງທ່ຽວຜ່ານ Facebook.
ງານວາງສະແດງ Amazing Photo Tour
|
ໃນປີ 2013, Amazing Photo Tour ໄດ້ສຳເລັດຜົນໃນການແນະນຳບັນດາສະຖານທີ່ທ່ອງທ່ຽວທີ່ລືຊື່ຄື: Busan, Ulsan, Jeju ຂອງ ສເກົາຫລີ ແລະ ເກາະ Sabah ຂອງມາເລເຊຍ. ຮູບການທ່ອງທ່ຽວບັນດາສະຖານທີ່ໃຫມ່ ໄດ້ນຳມາໃຫ້ຊາວຫວຽດນາມ ຂໍ້ມູນຂ່າວຫລາຍຢ່າງກ່ຽວກັບການທອ່ງທ່ຽວ. ທ່ານນາງ ເລມີງເຟື້ອງ, ຜູ້ຕາງຫນ້າຄະນະຈັດຕັ້ງລາຍການທ່ອງທ່ຽວ Amazing Photo Tour, ຜູ້ອຳນວຍການວາລະສານ Travellive ໃຫ້ຮູ້ວ່າ:
“ພາຍຫລັງ Amazing Photo Tour ລົງເຄື່ອນໄຫວຕົວຈິງ ແລະ ໂຄສະນາສະຖານທີ່ທ່ອງທ່ຽວນີ້ ບັນດາຜູ້ອ່ານວາລະສານ Travellife, ປະຊາຄົມນັກທ່ອງທ່ຽວຫວຽດນາມ ໄດ້ຮູ້ຈັກແລະ ສົນໃຈເຖິງສະຖານທີ່ທ່ອງທ່ຽວເຫຼົ່ານັ້ນຫຼາຍກວ່າ.”
ເຂົ້າຮ່ວມລາຍການທ່ອງທ່ຽວ ສເກົາຫລີ, ນັກຖ່າຍຮູບ ທາຍຟຽນ ແບ່ງປັນວ່າ: “Amazing Photo Tour” ແມ່ນລາຍການທ່ອງທ່ຽວພິເສດທີ່ສຸດ ແລະ ໄດ້ຮັບການຈັດຕັ້ງລອບຄອບຖິ່ຖ້ວນທີ່ສຸດ ໃນຈຳນວນລາຍການຄ້າຍຄືກັນ ທີ່ທ່ານເຄີຍເຂົ້າຮ່ວມ. ສະຖານທີ່ທ່ອງທ່ຽວເຊິ່ງທ່ານຮູ້ສຶກປະທັບໃຈທີ່ສຸດນັ້ນແມ່ນ ສວນສາລະນະແຫ່ງຄວາມຮັກ - Love Land ຢູ່ ເກາະ Jeju ເພາະວ່າ ມັນເຮັດໃຫ້ທ່ານຮູ້ສຶກຮັກແພງຊີວິດ ແລະ ສິ່ງແວດລ້ອມກວ່າ.
ລາຍການທ່ອງທ່ຽວເຖິງ ມານີລາ ແລະ ເຊບູ ຢູ່ ຟິລີບປີນ ແມ່ນລາຍການທ່ອງທ່ຽວທີ 3 ເຊິ່ງນອນໃນບັນດາການເຄື່ອນໄຫວຂອງລາຍການໂຄສະນາສະຖານທີ່ທ່ອງທ່ຽວແຫ່ງໃຫມ່ໃຫ້ແກ່ນັກທ່ອງທ່ຽວຫວຽດນາມ ໂດຍ ວາລະສານ Travellive ແລະ ກົມໃຫຍ່ທ່ອງທ່ຽວ ຟິລີບປີນ ສົມທົບກັນຈັດຕັ້ງ. ໃນເວລາ 7 ມື້, ບັນດານັກຖ່າຍຮູບ,ນັກຂ່າວ ເຂົ້າຮ່ວມລາຍການ ໄດ້ໄປຢ້ຽມຊົມທັດສະນີຍະພາບທີ່ລືຊື່ຫລາຍແຫ່ງຢູ່ຟີລີບປີນ. ທ່ານນາງ ເຈີນບີກຫວຽດ, ຫົວຫນ້າພະແນກ marketing Travellive ໃຫ້ຮູ້ວ່າ:
“ໃນລາຍການທ່ອງທ່ຽວທີ 3 ການຄົ້ນຫາ ສະຖານທີ່ທ່ອງທ່ຽວ 2 ແຫ່ງຄື: ມານີລາ ແລະ ເກາະ ເຊບູ ຂອງຟິລີບປີນ. ມື້ທຳອິດ ພາຍຫລັງຂີ່ຍົນຈາກ ຮ່າໂນ້ຍ ເຖິງ ມານີລາ, ບັນດາສະມາຊິກໃນຄະນະໄດ້ໄປຢ້ຽມຢາມບັນດາສະຖານທີ່ຄື: ປ້ອມໝັ້ນ Santiago ທີ່ມີຊື່ສຽງ ເຊິ່ງຕັ້ງຢູ່ແຄມແມ່ນ້ຳ ໂດຍແອດສະປາຍກໍ່ສ້າງເມື່ອປີ 1571 . ຟິລິບປີນ ມີຊື່ສຽງດ້ວຍບັນດາກິດຈະກຳສະຖາປັດຕະຍະກຳຫລາຍແຫ່ງທີ່ໄດ້ຮັບການກໍ່ສ້າງມາແຕ່ດົນນານ. ມື້ທີສອງ ແລະ ທີສາມ, ບັນດາສະມາຊິກໃນຄະນະໄດ້ໄປຢ້ຽມຢາມ ແລະ ເຂົ້າຮ່ວມການເຄື່ອນໄຫວຕ່າງໆຄື: ໄປ shopping ຢູ່ບັນດາສູນການຄ້າໃຫຍ່, ຢ້ຽມຢາມບັນດາໂຮງແຮມ, resort ແຫ່ງໃຫຍ່ກວ່າໝູ່ຢູ່ ມານີລາ ຊື່ງແມ່ນນະຄອນຟົດຟື້ນທີ່ສຸດ ແຕ່ກໍ່ມີສິ່ງມະຫັດສະຈັນດ້ານວັດທະນະທຳທີ່ມີມາແຕ່ດົນນານແລ້ວ. ”
ພິເສດ, ໃນລາຍການນີ້ ມີການເຂົ້າຮ່ວມຂອງບັນດານັກປະພັນ ຈາງຮ້າ .ພາຍຫລັງການໄປທ່ອງທ່ຽວຄັ້ງນີ້, ປະຊາຊົນ ແລະ ຜູ້ນິຍົມການທ່ອງທ່ຽວ ຈະມີບັນດາຂໍ້ມູນທີ່ມີປະໂຫຍດກ່ຽວກັບປະເທດ ຟິລີບປີນ, ປະເທດທີ່ໄດ້ຮັບການຂະຫນານນາມວ່າ ແມ່ນເພັດມະນີຂອງທະເລຕາເວັນອອກ ຜ່ານງານວາງສະແດງຮູບພາບຢູ່ ໂຮງແຮມ Intercontinential Hanoi Westlake. ນອກນັ້ນ ວາລະສານ Travellive ຈະຈັດຕັ້ງງານປະກວດຮູບພາບທ່ອງທ່ຽວ ມານີລາ - ເຊບູ ຜ່ານ Facebook ດ້ວຍບັນດາລາງວັນທີ່ມີຄຸນຄ່າໃຫ້ຜູ້ເຂົ້າຮ່ວມທຸກຄົນ.