(vovworld)- “ຄວາມປະທັບໃຈ, ເປັນເອກະລັກສະເພາະ ແລະ ແມ່ນລາຍການສະແດງດົນຕີພິເສດ” ນັ້ນແມ່ນການຕີລາຄາຂອງນັກສິປະລິນຫລາຍຄົນທີ່ມາຈາກ 30 ປະເທດໃນໂລກ ເມື່ອເຂົ້າຮ່ວມ Festival ດົນຕີໃຫມ່ ອາຊີ - ເອີລົບ 2014 ຊື່ງຖືກຈັດຂຶ້ນແຕ່ວັນທີ 8-12/10 ຢູ່ ຮ່າໂນ້ຍ ແລະ ນະຄອນ ຮ້າລອງ ແຂວງ ກວ໋າງນີງ ຂອງຫວຽດນາມ. ໃນຈຳນວນນັກສິລະປິນສາກົນ 200 ຄົນນັ້ນ, ມີການປະກອບສ່ວນຂອງນັກສິລະປິນມາຈາກບັນດາປະເທດ ອາຊຽນ ຄື: ກຳປູເຈຍ, ລາວ, ໄທ ແລະ ຟິລິບປີນ.
Festival ດົນຕີ ອາຊີ - ເອີລົບ
photo:vov
|
ມາຍແອງໃຫ້ຮູ້ວ່າ: “ນ້ອງເຫັນວ່າ ບັນດາລາຍການດົນຕີລ້ວນແຕ່ມີທ່າອ່ຽງຂອງຍຸກສະໄຫມ, ແມ່ນສິ່ງທີ່ໃຫມ່ອ່ຽມ, ໃກ້ຊິດກັບຊີວິດ”
ຫາຍລອງໃຫ້ຮູ້ວ່າ “ບັນດາລາຍການດົນຕີ ລ້ວນແຕ່ເຮັດໃຫ້ມະນຸດຮູ້ສຶກຮັກແພງຊີວິດກວ່າ.
ໃນຊຸມມື້ຜ່ານມາ, ຜູ້ນິຍົມດົນຕີໄດ້ຮັບຊົມ Festival ດົນຕີຂອງອາຊີ - ເອີລົບໃນຍຸກປະຈຸບັນ ດ້ວຍຄວາມປະທັບໃຈຫລາຍຢ່າງ. Festival ດົນຕີຄັ້ງນີ້ ປະກອບດ້ວຍດົນຕີປະສານສຽງ, ດົນຕີລະຄອນ, ດົນຕີພື້ນເມືອງ…. ທັງໝົດເຫຼົ່ານັ້ນໄດ້ສ້າງເປັນດົນຕີປະສານສຽງດ້ວຍຫລາຍຮູບຫລາຍແບບ, ສ່ອງແສງເຖິງຊີວິດອັນດີງາມ, ກໍ່ຄືແນວຄິດຈິດໃຈຂອງປະຊາຊົນຢູ່ຫລາຍປະເທດໃນໂລກ. ຈຸດເດັ່ນຂອງFestival ດົນຕີ ຄັ້ງນີ້ ແມ່ນລາຍການປະສານສຽງດົນຕີພື້ນເມືອງ ຫວຽດນາມ ທີ່ສະແດງຢູ່ ຖ້ຳ ເດົາໂກ ອ່າວຮ້າລອງ. ລາຍການປະສານສຽງໄດ້ສ້າງຄວາມປະທັບໃຈທີ່ສຸດໃຫ້ແກ່ບັນດານັກສິລະປິນ. ນັກດົນຕີ Rasid Kalimulin, ປະທານສະມາຄົມດົນຕີ ສ Tatarstan ສະຫະພັນລັດເຊຍ ຊື່ງແມ່ນຜູ້ສະແດງດົນຕີ overture Ho Chi Minh ໃຫ້ຮູ້ວ່າ:
“ນີ້ເປັນຄັ້ງທີສອງ ທີ່ຂ້າພະເຈົ້າມາຢ້ຽມຢາມ ແລະສະແດງຢູ່ຫວຽດນາມ ຕາມຄຳເຊີນຂອງປະທານສະມາຄົມດົນຕີຫວຽດນາມ, ນັກປະພັນດົນຕີທີ່ລືຊື່ ໂດຮົ່ງກວນ. Festival ດົນຕີ ໃຫມ່ ອາຊີ - ເອີລົບ ເຕັມໄປດ້ວຍວັດທະນະທຳທີ່ມີຫລາຍຮູບຫລາຍແບບ. ນີ້ແມ່ນລາຍການດົນຕີທີ່ສ້າງຄວາມປະທັບໃຈຫລາຍຢ່າງໃຫ້ແກ່ຜູ້ນິຍົມດົນຕີ. ໃນນັ້ນ ວັດທະນະທຳຫວຽດນາມ ແມ່ນຂົວຕໍ່ແນະນຳໃຫ້ຜູ້ນິຍົມດົນຕີເຂົ້າໃຈແຈ້ງກ່ຽວກັບປະເທດຊາດ ແລະ ຊາວຫວຽດນາມ ກໍຄືບັນດາປະເທດອື່ນໆກວ່າອີກ.”
ນັກສິລະປິນ violon ບູ່ຍກົງຢີ ຂອງຫວຽດນາມ
photo:vov
|
ເຂົ້າຮ່ວມ Festival ດົນຕີຄັ້ງນີ້, ນັກດົນຕີ Rin Ean ທັງແມ່ນຄູສອນຢູ່ ກົມສິລະປະການສະແດງ, ສັງກັດກະຊວງວັດທະນະທຳ ແລະ ສິລະປະ ກຳປູເຈຍ, ຕາງຫນ້າໃຫ້ປະເທດຕົນ ສົ່ງເຖິງຜູ້ນິຍົມດົນຕີບົດເພງ “Bopha Bodolchat” ຜ່ານການສະແດງຂອງນັກດົນຕີກຳປູເຈຍ Som Som ang.
“ຂ້າພະເຈົ້າມີຄວາມປິຕິຊົມຊື່ນເມື່ອໄດ້ເຂົ້າຮ່ວມ Festival ດົນຕີຄັ້ງນີ້. ພາຍຫລັງກັບຄືນເມືອປະເທດ ຂ້າພະເຈົ້າຈະແບ່ງປັນໃຫ້ພວກນ້ອງນັກຮຽນວ່າ: ນີ້ແມ່ນ Festival ດົນຕີ ມີຂອບຂະຫນາໃຫຍ່ສຸດຢູ່ ຫວຽດນາມ ແລະ ແມ່ນໂອກາດເພື່ອໃຫ້ນັກສິລະປິນໃນທົ່ວໂລກ ພົບປະກັນ ແບ່ງປັນບົດຮຽນນຳກັນ, ກໍຄືມີຄວາມເຂົ້າໃຈຕື່ມອີກກ່ຽວກັບດົນຕີ ແລະ ວັດທະນະທຳຂອງກັນ.”
ດ້ວຍຄາດໝາຍນຳດົນຕີໃກ້ຊິດກັບຜູ້ນິຍົມດົນຕີຢູ່ບັນດາປະເທດ ອາຊຽນ ກວ່າ, ນັກດົນຕີ Kahchun Wong, ຜູ້ອຳນວຍການຮັບຜິດຊອບດ້ານສິລະປະຂອງອົງການດົນຕີອາຊີ ຍຸກປະຈຸບັນ ຢູ່ ສິງກະໂປ ໄດ້ແບ່ງປັນບົດຮຽນຂອງປະເທດຕົນໃນບັນຫານີ້ວ່າ:
“ຄວາມຈິງ, ບັນດາລາຍການດົນຕີປະສານສຽງຍາກທີ່ຂາຍປີ້ໄດ້ຫລາຍ. ປະຊາຊົນ ສິງກະໂປ ບໍ່ມັກຊົມລາຍການດົນຕີປະສານສຽງທີ່ທັນສະໄຫມ. ຫາກມັກຊົມບັນດາລາຍການດົນຕີທີ່ລືຊື່ຄື: Bethoven, Mozart, Chaikovsky ຫລື Brahm. ແຕ່ 3-4 ປີມານີ້ ດ້ວຍຄວາມມານະພະຍາຍາມຈັດຕັ້ງລາຍການດົນຕີປະສານສຽງເປັນປະຈຳ, ໄດ້ດຶງດູດປະຊາຊົນມາຊົມນັບມື້ນັບຫຼາຍ.ດັ່ງນັ້ນເຂົາເຈົ້າຈຶ່ງສາມາດເຂົ້າໃຈດົນຕີປະເພດນີ້ກວ່າ. ຂ້າພະເຈົ້າຄິດວ່າ ໃນໄລຍະ 4-5 ປີຂ້າງຫນ້າ, ປະຊາຊົນຫວຽດນາມ ເວົ້າສະເພາະ ແລະ ບັນດາປະເທດ ອາຊຽນ ເວົ້າລວມ ຈະລື້ງເຄີຍກັບລາຍການດົນຕີປະສານສຽງທີ່ທັນສະໄຫມນີ້. Festival ດົນຕີໃຫມ່ ອາຊີ - ເອີລົບ ຄັ້ງນີ້ ແມ່ນກຳລັງຫນູນເພື່ອສ້າງເປັນສິ່ງດັ່ງກ່າວ.”
ລາຍການສະແດງຂັບກວານຫໍ້ “ອຳລາເພື່ອນ” ໄດ້ເປັນການປີດທ້າຍFestival ດົນຕີ ໃຫມ່ ອາຊີ - ເອີລົບ 2014 ໃນຕອນຄ່ຳວັນທີ 12/10/2014. ບັນດານັກສິລະປິນ ອຳລາກັນ ແຕ່ບັນດາລາຍການດົນຕີໃນFestival ຍັງຝັງເລິກໃນດວງໃຈຂອງເຂົາເຈົ້າຢູ່ , ນີ້ກໍ່ເປັນຂົວຕໍ່ວັດທະນະທຳລະຫວ່າງບັນດາປະເທດ ອາຊຽນ ກັບໂລກອີກ.