ຜູ້ບັນຊາການກອງທັບເຮືອໄທ ກ່າວຄຳເຫັນໄຂກອງປະຊຸມ
|
(vovworld)- ຕອນເຊົ້າວັນທີ 27/8 ຢູ່ ບາງກອກ ໄດ້ດຳເນີນກອງປະຊຸມຜູ້ບັນຊາການກອງທັບເຮືອ ອາຊຽນ ຄັ້ງທີ 8. ຄະນະຜູ້ແທນຫວຽດນາມ ໂດຍທ່ານ ຫງວຽນວັນຮຽນ, ລັດຖະມົນຕີຊ່ວຍວ່າການກະຊວງປ້ອງກັນປະເທດ, ຜູ້ບັນຊາການກອງທັບເຮືອເປັນຫົວຫນ້າຄະນະໄດ້ເຂົ້າຮ່ວມກອງປະຊຸມດັ່ງກ່າວ. ຫົວເລື່ອງຂອງກອງປະຊຸມຄັ້ງນີ້ ແມ່ນຍົກສູງບົດບາດຂອງກອງທັບເຮືອ ອາຊຽນ ພາຍຫລັງເຊື່ອມໂຍງເຂົ້າກັບປະຊາຄົມອາຊຽນ ໃນປີ 2015, ສອດຄ່ອງກັບສະພາບການຮ່ວມມືສາກົນ ແລະ ພາກພື້ນ.
ຜູ້ບັນຊາການກອງທັບເຮືອບັນດາປະເທດສະມາຊິກອາຊຽນ
|
ທີ່ກອງປະຊຸມ, ທ່ານຫງວຽນວັນຮຽນ ມີບົດປາໄສສຳຄັນ ຕີລາຄາສູງບັນດາຄວາມມານະພະຍາຍາມ ແລະ ການປະກອບສ່ວນຢ່າງຕັ້ງຫນ້າຂອງກອງທັບເຮືອບັນດາປະເທດອາຊຽນ ໃນວິວັດການສ້າງປະຊາຄົມອາຊຽນ. ທ່ານ ຫງວຽນວັນຮຽນ ຢືນຢັນວ່າ: ກອງທັບເຮືອປະຊາຊົນຫວຽດນາມ ໝັ້ນໝາຍສະຫນັບສະຫນູນຢ່າງແຮງ ແລະ ປະກອບສ່ວນຢ່າງຕັ້ງຫນ້າເຂົ້າໃນວິວັດການຮ່ວມມືຂອງກອງທັບເຮືອ ອາຊຽນ ກໍຄືລະຫວ່າງກອງທັບເຮືອ ອາຊຽນ ກັບບັນດາປະເທດຄູ່ຮ່ວມມື, ຄູ່ເຈລະຈາ.
“ໄລຍະມໍ່ໆມານີ້ ກອງທັບເຮືອຫວຽດນາມ ເຊື່ອມໂຍງເປັນຢ່າງດີ. ຫວຽດນາມ ມີການພົວພັນກັບກອງທັບເຮືອຂອງ 8 ປະເທດສະມາຊີກໃນອາຊຽນ, ເຂົ້າຮ່ວມບັນດາກອງປະຊຸມນັກວິຊາການ, ກອງປະຊຸມຜູ້ບັນຊາການກອງທັບເຮືອ, ແລກປ່ຽນສອງຝ່າຍ,ຫລາຍຝ່າຍໃນບັນດາກອງປະຊຸມ, ການສຳມະນາ ແລະ ອື່ນໆ. ບັນດາປະເທດຕີລາຄາສູງບົດບາດຂອງຫວຽດນາມ ໃນການປົກປັກຮັກສາສັນຕິພາບ, ສະຖຽນລະພາບຢູ່ ອາຊີຕາເວັນອອກສ່ຽງໃຕ້.”