ຊາວຫນຸ່ມຫວຽດນາມ - ໄທຢ້ຽມຢາມສຸສານປະທານໂຮ່ຈິມີນ
|
(vovworld)- ລາຍການພົບປະແລກປ່ຽນຊາວຫນຸ່ມ ຫວຽດນາມ - ໄທ ຄັ້ງທີ 8 ປີ 2016 ດຳເນີນແຕ່ວັນທີ 12-22/7 ຢູ່ ຮ່າໂນ້ຍ ແລະ ແຂວງຈຳນວນຫນຶ່ງຢູ່ພາກເຫນືອຫວຽດນາມ. ໃນເວລານັ້ນ ມີນັກສຶກສາຫວຽດນາມ ແລະ ໄທ 24 ຄົນ ໄດ້ພ້ອມກັນເຂົ້າຮ່ວມການເຄື່ອນໄຫວຫລາຍຢ່າງເປັນຫນ້າປະທັບໃຈຄື: ຊອກຮູ້ຂໍ້ມູນຂ່າວຕາມກຸ່ມ ແລະ ແນະນຳບັນດາຈຸດວັດທະນະທຳ ແລະ ຮີດຄອງປະເພນີຂອງຫວຽດນາມຄື: ວັດທະນະທຳກາເຟ, ອາຫານການກິນຕາມຖະຫນົນ ແລະ ການເຄື່ອນໄຫວ homestay ຢູ່ເຂດຊານນະຄອນ ຮ່າໂນ້ຍ. ບັນດາການເຄື່ອນໄຫວນີ້ໄດ້ເຮັດໃຫ້ເພື່ອນຫນຸ່ມຊື່ງກອ່ນນີ້ບໍ່ລື້ງເຄີຍກັນ ກາຍເປັນໝູ່ເພື່ອນສະຫນິດສະຫນົມຄືດັ່ງອ້າຍນ້ອງໃນຄອບຄົວດຽວກັນ.
ລາຍການສິລະປະທີ່ພິທີໄຂການພົບປະແລກປ່ຽນຊາວຫນຸ່ມ ຫວຽດນາມ-ໄທ
|
ນັບແຕ່ການພົບປະກັນທຳອິດເມື່ອວັນທີ 12/7, ນາງລານແອງ ນັກສຶກສາຫວຽດນາມ ແລະ ນາງພິມ ນັກສຶກສາໄທໄດ້ຊັບຊ້ອນເປັນຄູ່ຫນຶ່ງ. ນອກຈາກລານແອງ ແລະພິມ ແລ້ວ ຍັງມີ 11 ຄູ່ເພື່ອນ ທີ່ຕາງຫນ້າໃຫ້ຊາວຫນຸ່ມສອງປະເທດເຂົ້າຮ່ວມລາຍການພົບປະແລກປ່ຽນຊາວຫນຸ່ມ ຫວຽດນາມ -ໄທ ຄັ້ງທີ 8 ຢູ່ ຫວຽດນາມ. ໃນ 11 ມື້ ເຄື່ອນໄຫວທີ່ຟົດຟື້ນ, ບັນດາເພື່ອນຊາວຫນຸ່ມ ຫວຽດນາມ ແລະ ໄທ ໄດ້ເຂົ້າຮ່ວມບັນດາການເຄື່ອນໄຫວຊອກຮູ້ກ່ຽວກັບດ້ານພາສາ ແລະ ວັດທະນະທຳລະຫວ່າງສອງປະເທດ, ໄປທັດສະນະສຶກສາຢູ່ບັນດາສະຖານທີ່ທ່ອງທ່ຽວຂອງຫວຽດນາມຄື: ສຸສານປະທານໂຮ່ຈິມີນ, ວັນມຽວ ກວກຕືຢາມ, ອ່າວຮ້າລອງ… ເຂົ້າຮ່ວມການເຄື່ອນໄຫວເປັນກຸ່ມ, ບັນລະຍາຍວັດທະນະທຳຖະຫນົນເກົ່າ ຮ່າໂນ້ຍ ຜ່ານພາບຖ່າຍ, ການເຄື່ອນໄຫວ homestay ທີ່ ຟາມບ້ານນາຢູ່ ບາວີ ແລະ ໄປຢ້ຽມຢາມໂຮງງານ CP ຂອງໄທ ຢູ່ ແຂວງ ຫາຍເຢືອງ. ຜ່ານການເຄື່ອນໄຫວນັ້ນ ໄດ້ສ້າງຄວາມຮູ້ສຶກ ແລະ ອະນຸຸສອນຫລາຍຢ່າງ ຊື່ງຊາວຫນຸ່ມສອງປະເທດບໍ່ອາດຫລົງລືມໄດ້. ນາງພິມ ນັກສຶກສາໄທ ໃຫ້ຮູ້ວ່າ:
ສຽງນາງພິມ
ສຳລັບ ມະໂຮ, ນັກສຶກສາມາຈາກ ບາງກອກແລ້ວ, ການຢ້ຽມຢາມຫວຽດນາມ ຄັ້ງນີ້ໄດ້ຊ່ວຍໃຫ້ລາວມີຄວາມເຂົ້າໃຈຫລາຍຢ່າງກ່ຽວກັບຫວຽດນາມ ແລະ ໄທ ຜ່ານການສັງເກດຂອງບັນດາເພື່ອນຫວຽດນາມ, ພິເສດ ແມ່ນນາງລີງ ເພື່ອນຮ່ວມເດີນທາງຂອງລາວ.
ສຽງມະໂຮ
ນອກຈາກບັນດາການເຄື່ອນໄຫວເປັນກຸ່ມ ແລະ ການບັນລະຍາຍຢູ່ຮ່າໂນ້ຍແລ້ວ, ຈຸດພົ້ນເດັ່ນຫນຶ່ງອີກໃນລາຍການພົບປະແລກປ່ຽນປີນີ້ ນັ້ນແມ່ນ ຊ່ວຍໃຫ້ບັນດາຊາວຫນຸ່ມຫວຽດນາມ ແລະ ໄທ ມີພຶດຕິກຳຕົວຈິງເມື່ອເຂົ້າຮ່ວມການເຄື່ອນໄຫວນຳກັນ ຄື ການເຄື່ອນໄຫວ homestay ຢູ່ ຊານນະຄອນຮ່າໂນ້ຍ, ເພື່ອນລອງ ນັກສຶກສາມະຫາວິທະຍາໄລ ຮ່າໂນ້ຍ ແບ່ງປັນວ່າ:
“ອະນຸສອນເປັນຫນ້າຈົດຈ່ຳທີ່ສຸດສຳລັບນ້ອງ ນັ້ນແມ່ນ ການໄປທ່ອງທ່ຽວຢູ່ ບາວີ ໃນເວລາ 3 ວັນ 2 ຄືນ. ຢູ່ທີ່ນີ້ ພວກນ້ອງໄດ້ເຂົ້າຮ່ວມການເຄື່ອນໄຫວນຳກັນຫລາຍຢ່າງ ທີ່ກ່ຽວຂ້ອງເຖິງ ການເຄື່ອນໄຫວຢູ່ເຂດບ້ານນາ ກໍຄືບັນດາການເຄື່ອນໄຫວ ດ້ານວັດທະນະທຳຂອງບັນດາເຜົ່າຢູ່ຫວຽດນາມຄື: ຜະລິດແບນກວນ, ຫາປາ, ຊົມລາຍການສິລະປະ ແລະ ຕີຄ້ອງຂອງຊົນເຜົ່າເມື່ອງ. ພວກນ້ອງໄດ້ພັກອາໄສຢູ່ homestay . ພວກນ້ອງນອນຫ້ອງດຽວ. ຕອນຄ່ຳໂອ້ລົມນຳກັນ ແລະ ຮູ້ສຶກມີຄວາມໃກ້ຊິດ ສະຫນິດສະຫນົມທີ່ສຸດ”.
|
ຊາວຫນຸ່ມຫວຽດນາມ-ໄທ ແລະ ແຂກຖືກເຊີນໃນພິທີໄຂ
|
ລາຍການພົບປະແລກປ່ຽນຊາວຫນຸ່ມ ຫວຽດນາມ -ໄທ ໂດຍສະຖານທູດໄທ ປະຈຳຫວຽດນາມ ຈັດຕັ້ງປະຈຳປີ ແລະ ຜັດປ່ຽນກັນດຳເນີນຢູ່ສອງປະເທດຫວຽດນາມ ແລະ ໄທ. ໄລ່ມາຮອດປີ 2016, ລາຍການດັ່ງກ່າວໄດ້ຈັດຂຶ້ນເປັນ 8 ຄັ້ງແລ້ວ ແລະ ມີນັກສຶກສາຫວຽດນາມ ແລະ ໄທເກືອບ 200 ຄົນ ເຂົ້າຮ່ວມ. ທ່ານ ມະນົບໄຊ ວົງພັກດີ, ເອກອັກຄະລັດຖະທູດຜູ້ມີອຳນາດເຕັມແຫ່ງລາຊະອານາຈັກໄທ ປະຈຳຫວຽດນາມ ຕີລາຄາກ່ຽວກັບໝາກຜົນຂອງລາຍການພົບປະແລກປ່ຽນປີນີ້:
ສຽງທ່ານເອກອັກຄະລັດຖະທູດໄທ
ວີນາທີອຳລາດໄດ້ມາຮອດແລ້ວ, ບັນດາເພື່ອນຫຸນ່ມ ຫວຽດນາມ ແລະ ໄທ ພ້ອມກັນຮ້ອງເພງກ່ຽວກັບອາລົມຈິດຄວາມຮັກແພງ ແລະ ນັດພົບກັນ ໃນ 2 ປີຂ້າງຫນ້າຢູ່ ຫວຽດນາມ ໃນໂອກາດລາຍການພົບປະແລກປ່ຽນຊາວຫນຸ່ມ ຫວຽດນາມ - ໄທ ຄົບຮອບ 10 ປີ. ເວລານັ້ນຈະ ເຊີນພວກນ້ອງນັກສຶກສາທັງໝົດທີ່ເຄີຍເຂົ້າຮ່ວມໃນລາຍການທຳອິດຮອດລາຍການທີ 10 ມາພົບປະແລກປ່ຽນນຳກັນ ຄືຄຳເປີດເຜີຍຂອງທ່ານ ມະນົບໄຊ ວົງພັກດີ ເອກອັກຄະລັດຖະທູດໄທ ປະຈຳຫວຽດນາມ .