(vovworld) - ສິລະປະວັດທະນະທຳ ແມ່ນຫນຶ່ງໃນບັນດາຂົວເຊື່ອມຕໍ່ຢ່າງມີປະສິດທິຜົນທີ່ສຸດ ຊ່ວຍໃຫ້ປະເທດຕ່າງໆຫຍັບມໍ່ເຂົ້າໃກ້ກັນກວ່າ ແລະ ນັ້ນກໍແມ່ນຈຸດປະສົງຂອງລາຍການສິລະປະທີ່ມີຫົວຂໍ້ວ່າ: “ບົດເພງມິດຕະພາບ ຫວຽດນາມ - ໄທ” ຊຶ່ງໄດ້ດຳເນີນໄປໃນຊຸມມື້ຕົ້ນຂອງປີ 2013 ນີ້. ອາດຈະເວົ້າໄດ້ວ່າ ບັນດາລາຍການສະແດງສິປະລະດົນຕີທີ່ເຕັມໄປດ້ວຍສີສັນຊາດໄດ້ສະແດງໃຫ້ເຫັນນ້ຳໃຈມິດຕະພາບ ລະຫວ່າງ ຫວຽດນາມ ແລະ ໄທ ໂດຍນັກສິລະປິນສອງປະເທດ ສະແດງນັ້ນ ໄດ້ຊ່ວຍໃຫ້ຜູ້ຊົມມີກາລະໂອກາດເຂົ້າໃຈກ່ຽວກັບສີສັນວັດທະນະທຳຂອງແຕ່ລະປະເທດຕື່ມອີກ.
ນັກສິລະປິນໄທສະແດງລາຍການຟ້ອນ
ພາບ:internet
|
ລາຍການຟ້ອນ “ສີສັນລະດູບານໃຫມ່” ໂດຍບັນດານັກສິລະປິນຂອງໂຮງລະຄອນສິລະປະດົນຕີຫວຽດນາມ ສະແດງ ໄດ້ເປີດສາກໃຫ້ລາຍການແລກປ່ຽນສິລະປະ “ບົດເພງມິດຕະພາບ ຫວຽດນາມ - ໄທ”. ບັນດານັກສິລະປິນໄດ້ນຸ່ງຊຸດອາພອນພື້ນເມືອງຫວຽດນາມ ດ້ວຍວາດຟ້ອນທີ່ອອນຊອນ ເຮັດໃຫ້ຜູ້ຊົມຮູ້ສຶກໄດ້ບັນຍາກາດອົບອູ່ນຂອງລະດູບານໃຫມ່ທີ່ພວມປົກຄຸມໄປທົ່ວ, ຕົ້ນໄມ້ໃບຫຍ້າພວມອອກຫນໍ່ຈໍ່ດອກຂຽວສົດງົດງາມ ແລະ ດອກໄມ້ນາໆຊະນີດພວມເບັ່ງບານດ້ວຍສີສັນຫຼາກຫຼາຍ. ນອກນັ້ນ, ບັນດາບົດເພງມ່ວນໆກ່ຽວກັບ ຮ່າໂນ້ຍ ຄື: ຮ່າໂນ້ຍ ໝາກຫົວໃຈຂອງຊາດຫວຽດນາມ”, ຮ່າໂນ້ຍແຫ່ງສັກກະລະບູຊາ… ໂດຍບັນດານັກສິລະປິນ ຫວຽດນາມ ສະແດງ ໄດ້ເຮັດໃຫ້ຜູ້ຊົມ, ພິເສດ ແມ່ນແຂກຕ່າງປະເທດມີຄວາມເຂົ້າໃຈຕື່ມອີກກ່ຽວກັບ ຮ່າໂນ້ຍ ດິນແດນແຫ່ງອະລິຍະທຳນັບພັນປີ.
ລາຍການສະແດງສິລະປະໄດ້ກາຍເປັນງານພົບປະແລກປ່ຽນວັດທະນະທຳ ຜ່ານບັນດາສິ່ງທີ່ຍອດຢ້ຽມຂອງດົນຕີ ໄທ ແລະ ຫວຽດນາມ. ພິເສດ ບົດເພງ “ຝົນຕົກ” ຂອງພະບາດສົມເດັດ ພະເຈົ້າມະຫາຊີວິດ ພູມີພົນ ອະດຸນຍະເດັດ ໂດຍນັກສິລະປິນດີເດັ່ນ ທາຍບ໋າວ ສະແດງ ໄດ້ວາດພາບບັນຍາກາດທ່າມກາງຫ່າຝົນທີ່ສວຍງາມຜ່ານສຽງເພງທີ່ອອນຊອນເຕັມໄປດ້ວຍອາລົມຈິດ.
ນັກຮ້ອງ ທາຍບ໋າວ ຂອງ ຫວຽດນາມ
ພາບ:internet
|
ຄຽງຄູ່ກັນນັ້ນ ບັນດານັກສິລະປິນມາຈາກສະຖາບັນພັດທະນາສິລະປະ ຂຶ້ນກັບກະຊວງວັດທະນະທຳໄທ ໄດ້ສະແດງບັນດາວາດຟ້ອນພື້ນເມືອງຂອງໄທ ຄື: ສີໄຊຍາສິງຫາ ແລະ ກິຣິດສະດາ ນີ້ແມ່ນວາດຟ້ອນທີ່ເຄີຍສະແດງໃນບັນດາວັນບຸນພິເສດຂອງຊາວໄທ ຄື: ອວຍພອນປີໃຫມ່.. ລາຍການສະແດງສິລະປະ ພ້ອມດ້ວຍວາດຟ້ອນທີ່ອ່ອນໄຫວປະສານສຽງດົນຕີ ໃນຊຸຸດອາພອນທີ່ມີສີສັນຫລາກຫລາຍ, ທີ່ເປັນເອກະລັກສະເພາະ ໄດ້ເຮັດໃຫ້ວາດຟ້ອນພື້ນເມືອງຂອງໄທ ມີຄວາມດູດດື່ມກວ່າອີກ ແລະ ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຜູ້ຊົມ. ອ້າຍ ຫງວຽນນາມຈູງ, ຜູ້ຊົມນະຄອນຫລວງ ຮ່າໂນ້ຍ ເວົ້າວ່າ:
“ນີ້ເປັນຄັ້ງທຳອິດທີ່ຂ້າພະເຈົ້າໄດ້ຮັບຊົມໂດຍກົງ ລາຍການຟ້ອນຂອງປະເທດໄທ ເຊິ່ງກ່ອນນີ້ ພຽງແຕ່ໄດ້ຮັບຊົມທາງໂທລະທັດເທົ່ານັ້ນ. ນາງສາວໄທງາມຫລາຍ, ຟ້ອນງາມ. ລາຍການໄດ້ຊ່ວຍໃຫ້ຜູ້ຊົມມີຄວາມເຂົ້າໃຈກ່ຽວກັບວັດທະນະທຳ, ວາດຟ້ອນພື້ນເມືອງຂອງຊາດໄທຕື່ມອີກ. ຂ້າພະເຈົ້າປາດຖະຫນາວ່າ ຈະມີຫລາຍລາຍການສະແດງສິລະປະຄືແນວນີ້ ແລະ ອວຍພອນໃຫ້ນ້ຳໃຈມິດຕະພາບລະຫວ່າງສອງປະເທດ ຫວຽດນາມ - ໄທ ຈ່ົງນັບມື້ນັບພັດທະນາ.”
ລາຍການຟ້ອນດອກບົວມິດຕະພາບ
ພາບ:internet
|
ຍັງມີລາຍການສະແດງສິລະປະໜຶ່ງອີກທີ່ໄດ້ສ້າງຄວາມປະທັບໃຈຢ່າງເລິກເຊິ່ງຈາກຜູ້ຊົມ ນັ້ນແມ່ນຟ້ອນ “ດອກບົວມິດຕະພາບ” ໂດຍບັນດານັກສຶກສາ ໄທ ນຸ່ງຊຸດອາພອນພື້ນເມືອງ ສະແດງ. ເຂົາເຈົ້າ ກໍແມ່ນລຸ້ນໄວຫນຸ່ມທີ່ໄດ້ສືບທອດ ແລະ ເສີມຂະຫຍາຍມູນເຊື້ອມິດຕະພາບ ແລະ ສາຍພົວພັນສະຫນິດຕິດພັນລະຫວ່າງປະຊາຊົນສອງປະເທດ. ເພື່ອນ ຈິີດາ ບົວໃຫຍ່ຮັກສາ, ນັກສຶກສາໄທ ພວມຮ່ຳຮຽນຢູ່ ຫວຽດນາມ ໃຫ້ຮູ້ວ່າ:
ລາຍການສະແດງສິລະປະ “ບົດເພງມິດຕະພາບ ຫວຽດນາມ - ໄທ” ໄດ້ອັດລົງ ແຕ່ຄວາມປະທັບໃຈກ່ຽວກັບບັນດາຈຸດວັດທະນະທຳ ແລະ ສິ່ງຍອດຢ້ຽມໃນພື້ນຖານດົນຕີຂອງທັງສອງປະເທດຍາມໃດກໍສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຜູ້ຊົມ ປະກອບສ່ວນເພີ່ມທະວີນ້ຳໃຈມິດຕະພາບລະຫວ່າງປະຊາຊົນສອງປະເທດ ຄືຄຳຢືນຢັນຂອງທ່ານອະນຸສອນ ຈີນວັນໂນ ເອກອັກຄະລັດຖະທູດ ໄທປະຈຳ ຫວຽດນາມ ໃນສູນທອນພົດໄຂລາຍການສະແດງສິລະປະທີ່ມີຫົວຂໍ້ວ່າ: “ບົດເພງມິດຕະພາບ ຫວຽດນາມ - ໄທ” ແມ່ນປະກົດການທີ່ມີຊີວິດຊີວາແຫ່ງສາຍພົວພັນສະຫນິດຕິດພັນລະຫວ່າງສອງປະເທດສະມາຊິກ ອາຊຽນ ./.