(vovworld) - ຢາງກຸ້ງ ເຊິ່ງແມ່ນກຸງເກົ່າຂອງປະເທດມ້ຽນມາ ແມ່ນສະຖານທີ່ດຶງດູດນັກທ່ອງທ່ຽວດ້ວຍຄວາມງາມທີ່ເກົ່າແກ່ ແລະ ວັດທະນະທຳທີ່ເຂັ້ມຄົ້ນໄປດ້ວຍຫລາຍຮູບຫລາຍແບບ ທີ່ບໍ່ເຄີຍມີມາຢູ່ອາຊີ . ກຸງເກົ່າ ຢາງກຸງ ແມ່ນນະຄອນທີ່ກ້ວາງໃຫຍ່ ມີເຮືອນຊານແບບເກົ່າແກ່ຫລາຍຫລັງ, ດ້ວຍສະຖາປັດຕະຍະກຳທີ່ອຸດົມສົມບູນຂອງສະໄຫມລ່າເມືອງຂຶ້ນ ແລະ ມີກິດຈະກຳສາສະຫນາເປັນຫລາຍຮູບຫລາຍແບບ. ບັນດາສະຖາປັດຕະຍະກຳດັ່ງກ່າວໄດ້ສ້າງຄວາມດຶງດູດນັກທ່ອງທ່ຽວສາກົນມາຢ້ຽມຢາມປະເທດອາຊີຕາເວັນອອກສຽງໃຕ້ນີ້ເປັນຈຳນວນຫລວງຫລາຍ. ແຕ່ເພື່ອເຮັດໄດ້ສິ່ງນັ້ນ, ນັບແຕ່ດົນນານມາແລ້ວ, ມ້ຽນມາ ໄດ້ມີນະໂຍບາຍຮຽກຮ້ອງປະຊາຊົນພ້ອມກັບບັນດາອົງການຈັດຕັ້ງສາກົນ ສົມທົບກັນຮັກສາ ແລະ ເສີມຂະຫຍາຍຄຸນຄ່າການທ່ອງທ່ຽວຂອງມໍລະດົກ.
ວັດວາອາຮາມ ຢູ່ ຢາງກຸ້ງ
ພາບ: internet |
ບັນດາອາຄານເກົ່າແກ່ທີ່ມີອາຍຸ 1880 ປີ ຕັ້ງກະແຈກກະຈາຍຢູ່ເທດສະບານທີ່ຄັບຄາຫນາແຫນ້ນກວ່າ 20 ແຫ່ງຢູ່ ຢາງກຸ້ງ, ສ່ວນຫລາຍແມ່ນສຳນັກງານຫ້ອງວ່າການລັດຖະບານ, ໂຮງຮຽນ, ໂຮມແຮມ, ວິຫານຫໍບູຊາ ແລະອື່ນໆ. ອາຄານເຫົຼ່ານັ້ນ ລ້ວນແຕ່ແມ່ນບັນດາສະຖາປັດຕະຍະກຳເກົ່າແກ່ຊຶ່ງໄດ້ຮັບການກໍ່ສ້າງໃນສະໄຫມລ່າເມືອງຂຶ້ນ. ຕາມບັນດານັກສະຖາປະນິກນະຄອນ ຢາງກຸ້ງ ແລ້ວ, ບັນດາອາຄານດັ້ງເດ່ີມດັ່ງກ່າວຍັງຄົງນຳໃຊ້ຢູ່ ແຕ່ກໍ່ຮອດຈຸດເວລາຕ້ອງໄດ້ຮັບການບຸລະນະປະຕິສັງຂອນຢ່າງໃຫ້ເປັນລະບົບກວ່າ. ກ່ອນຈຸດເວລາທີ່ມ້ຽນມາດຳເນີນການປະຕິຮູບຮອບດ້ານໃນໄລຍະຕົ້ນປີ, ອຳນາດການປົກຄອງ ຢາງກຸ້ງ ໄດ້ມີນະໂຍບາຍຫັນວຽກງານບຸລະນະປະຕິສັງຂອນມໍລະດົກເປັນວຽກງານສັງຄົມ, ເພື່ອທັງຫລຸດຜ່ອນລາຍຈ່າຍງົບປະມານຂອງນະຄອນ ທັງຮັກສາບັນດາກິດຈະກຳວັດທະນະທຳແນໃສ່ດຶງດູດນັກທ່ອງທ່ຽວ. ມາຮອດຈຸດເວລານີ້ ມີບໍລິສັດລົງທຶນຫລາຍແຫ່ງພວມມຸ່ງໄປເຖິງ ມ້ຽນມາ ແລະ ມີບາງບໍລິສັດຕ່າງປະເທດຢາກລົງທຶນເຂົ້າໃນຂົງເຂດທ່ອງທ່ຽວ ແລະ ສະຖານທີ່ທ່ອງທ່ຽວຂອງເຂົາເຈົ້າແມ່ນບັນດາກິດຈະກຳວັດທະນະທຳທີ່ເກົ່າແກ່ຢູ່ກຸງເກົ່າ ຢາງກຸ້ງ. ເຂົາເຈົ້າຖືວ່າ ນີ້ແມ່ນກາລະໂອກາດດຳເນີນທຸລະກິດລົງທຶນຢູ່ປະເທດອາຊີຕາເວັນອອກສຽງໃຕ້ນີ້. ທ່ານ Jon Park ຜູ້ຕາງຫນ້າບໍລິສັດລົງທຶນເອກະຊົນ Barton Hill ພວມມີຫນ້າຢູ່ ມ້ຽນມາໃຫ້ຮູ້ວ່າ: ດ້ວຍການເຕີບໂຕຂອງຂະແຫນງທ່ອງທ່ຽວ ແລະ ການດຳເນີນທຸລະກິດ, ບັນດາອາຄານເຫົຼ່ານັ້ນອາດຈະນຳໃຊ້ເຂົ້າໃນການບໍລິການຮັບໃຊ້ຂະແຫນງທ່ອງທ່ຽວໃນຊຸມປີຕໍ່ໜ້າໄດ້.
“ຂ້າພະເຈົ້າເຫັນວ່າ ບັນດາອາຄານນີ້ແມ່ນເໝາະສົມກັບການດຳເນີນທຸລະກິດໂຮງແຮມ, ບັນດາບໍລິການເຊົ່າເຮືອນຢູ່ ແລະ ອາຄານຫຼາຍຊັ້ນ. ຊ້ຳບໍ່ໜຳ ສາມາດໃຫ້ເຊົ່າເພື່ອຂາຍສິນຄ້າຍ່ອຍຢູ່ຊັ້ນລຸ່ມ. ພວກເຮົາອາດຈະນຳໃຊ້ບັນດາອາຄານດັ່ງກ່າວຄືນໃຫມ່ໄດ້.”
ນີ້ໄດ້ຮັບຖືວ່າ ແມ່ນສັນຍານຕັ້ງຫນ້າ ທີ່ຊ່ວຍໃຫ້ກຸງເກົ່າ ຢາງກຸ້ງ ພັດທະນາ. ເຖິງຢ່າງໃດກໍຕາມ, ບັນຫາທີ່ວາງອອກນັ້ນແມ່ນ ການບຸລະນະປະຕິສັງຂອນໄປຄຽງຄູ່ກັບການຊຸກຍູ້ການພັດທະນາເສດຖະກິດ. ກອງທຶນສິນເຊື່ອມໍລະດົກຢາງກຸ້ງ ຊື່ງແມ່ນອົງການບໍ່ຂຶ້ນກັບລັດຖະບານຂອງ ມ້ຽນມາ ໃຫ້ຮູ້ວ່າ: ໃນໄລຍະຈະມາເຖິງ ກອງທຶນດັ່ງກ່າວຈະພິຈາລະນາເພື່ອຕົກລົງລະດັບລົງທຶນໃຫ້ແກ່ການບຸລະນະປະຕິສັງຂອນບັນດາອາຄານດັ່ງກ່າວ. ທ່ານ Xon ni Ny un Then ຜູ້ອຳນວຍການກອງທຶນສິນເຊື່ອ ມໍລະດົກ ຢາງກຸ້ງ ໃຫ້ຮູ້ວ່າ:
“ພວກຂ້າພະເຈົ້າໄດ້ເລີ່ມຕົ້ນການກວດກາອາຄານທັງໝົດ ແລະ ເຊີນບັນດາສະຖາປະນິກ ຈາກອັງກິດມາ. ພວກຂ້າພະເຈົ້າມີເຈດຈຳນົງຈະອະນຸລັກຮັກສາ ອາຄານ 187 ຫລັງ, ລວມມີບັນດາວິຫານ, ຫໍບູຊາ, ວັດວາອາຮາມ, ໂຮງຮຽນ ແລະ ເຮືອນສ່ວນຕົວກໍຄືສຳນັກງານລັດຖະບານຢູ່ທີ່ນີ້.”
ອາຄານເກົ່າແກ່ຢູ່ ນະຄອນ ຢາງກຸ້ງ
ພາບ:kienviet.net
|
ຜ່ານໄລຍະເວລານັບຮ້ອຍປີ, ບັນດາອາຄານທີ່ເກົ່າແກ່ຢູ່ ຢາງກຸ້ງ ຕ້ອງປະເຊີນໜ້າກັບພະຍຸ, ແຜ່ນດິນໄຫວເປັນຫລາຍຄັ້ງ, ແຕ່ລະເທື່ອເມື່ອໄພທຳມະຊາດຜ່ານໄປ ອຳນາດການປົກຄອງນະຄອນໄດ້ຊ່ວຍເຫລືອທາງດ້ານວັດຖຸສ່ວນໃດຫນຶ່ງໃຫ້ແກ່ບັນດາຄອບຄົວໃນເຂດມໍລະດົກຢູ່ນະຄອນເພື່ອໃຫ້ເຂົາເຈົ້າສ້ອມແປງກໍຄືຮັກສາສະຖາປັດຕະຍະກຳຂອງອາຄານໄວ້.