ທ່ານນາຍົກລັດຖະມົນຕີ ລາວ ທອງສິງ ທຳມະວົງ ຕ້ອນຮັບ ທ່ານ Nguyen Bac Son ລັດຖະມົນຕີກະຊວງຖະແຫລງຂ່າວ ແລະ ສື່ສານ ຫວຽດນາມ.
ພາບ:vietnamplus.vn
|
(vovworld)- ໃນຂອບເຂດການຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 10 -11/4, ຕອນບ່າຍວັນທີ 11/4 ຢູ່ ນະຄອນຫລວງ ວຽງຈັນ, ຄະນະຜູ້ແທນຂັ້ນສູງກະຊວງຖະແຫລງຂ່າວ ແລະ ສື່ສານ ຫວຽດນາມ ໂດຍທ່ານ Nguyen Bac Son ລັດຖະມົນຕີກະຊວງດັ່ງກ່າວນຳຫນ້າ ໄດ້ເຂົ້າຢ້ຽມຂຳ່ນັບທ່ານນາຍົກລັດຖະມົນຕີ ລາວ ທອງສິງ ທຳມະວົງ. ທ່ານລັດຖະມົນຕີ ກະຊວງຖະແຫລງຂ່າວ ແລະ ສື່ສານ ຫວຽດນາມ Nguyen Bac Son ໄດ້ລາຍງານກ່ຽວກັບເລື່ອງຄະນະຜູ້ແທນຫວຽດນາມ ໄດ້ສົມທົບກັບກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ລາວ ຈັດຕັ້ງ ງານວາງສະແດງສື່ ສິ່ງພິມລະດູບານໃຫມ່ແຫ່ງຄວາມສາມັກຄີມິດຕະພາບ ຫວຽດນາມ - ລາວ ປະສົບຜົນສຳເລັດ ເພື່ອຂຳ່ນັບຮັບຕ້ອນ 50 ປີ ແຫ່ງວັນສ້າງສາຍພົວພັນທາງການທູດ ຫວຽດນາມ ແລະ ລາວ (1962 - 2012), 35 ປີ ແຫ່ງວັນລົງນາມໃນສົນທິສັນຍາມິດຕະພາບ, ການຮ່ວມມື (1977-2012) ລະຫວ່າງ ຫວຽດນາມ - ລາວ ທ່ານນາຍົກ
ລັດຖະມົນຕີ ລາວ ທອງສິງ ທຳມະວົງ ປາດຖະຫນາວ່າ ສອງຝ່າຍສືບຕໍ່ຈັດຕັ້ງບັນດາການເຄື່ອນໄຫວຮ່ວມມືເປັນຫລາຍຮູບຫລາຍແບບ ແລະ ອຸດົມສົມບູນກວ່າໃນປີແຫ່ງຄວາມສາມັກຄີມິດຕະພາບ ລາວ ຫວຽດນາມ ປີ 2012, ເພີ່ມທະວີການຮ່ວມມືແລກປ່ຽນບົດຮຽນ, ຊ່ວຍເຫລືອເຊິ່ງກັນ ແລະ ກັນ, ປະກອບສ່ວນເພີ່ມພູນຄູນສ້າງຄວາມສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານ ຫວຽດນາມ ລາວ ໃຫ້ນັບມື້ນັບມີປະສິດທິຜົນ.