(vovworld)-ທ່ອງທ່ຽວແມ່ນຫນຶ່ງໃນບັນດາຂະແຫນງເສດຖະກິດຫລັກແຫລ່ງຂອງລາຊະອານາຈັກໄທ. ຕາມ World Travel&Tourisim Council (WTTC) ແລ້ວ, ໃນປີ 2012 ຂະແຫນງທ່ອງທ່ຽວໄທໄດ້ປະກອບສ່ວນປະມານ 19% GDP ຂອງປະເທດນີ້. ຕາມອົງການທ່ອງທ່ຽວໄທແລ້ວ, ປີ 2012 ຈຳນວນນັກທ່ອງທ່ຽວສາກົນມາຢ້ຽມຢາມໄທບັນລຸເກືອບ 22 ລ້ານເທື່ອຄົນ, ເພີ່ມຂຶ້ນ 19% ເມື່ອທຽບໃສ່ປີ 2011 ແລະ ນຳມາເຊິ່ງ 3,6 ຕື້ USD ໃຫ້ແກ່ຂະແຫນງອຸດສາຫະກຳປອດຄວັນນີ້. ເພື່ອບັນລຸໄດ້ໝາກຜົນດັ່ງກ່າວ, ຂະແຫນງທ່ອງທ່ຽວໄທ ຍາມໃດກໍ່ສ້າງຍຸດທະສາດເປັນປົກກະຕິ, ຍາວນານ ແລະ ມີຫລາຍນະໂຍບາຍໃຫມ່, ບຸລິມະສິດ, ຫນູນຊ່ວຍບັນດາວິສາຫະກິດດຳເນີນທຸລະກິດການທ່ອງທ່ຽວກໍ່ຄືນັກທ່ອງທ່ຽວສາກົນເມື່ອມາຢ້ຽມຢາມໄທ.
ໃນປີ 2011 ເຖິງວ່າຖືກຜົນສະທ້ອນຢ່າງຫນັກຫນ່ວງຈາກໄພນຳ້ຖວ້ມທີ່ເກີດຂຶ້ນຢ່າງຮ້າຍແຮງທີ່ສຸດໃນຮອບເວລາ 50 ປີຜ່ານມາກໍຕາມ, ແຕ່ລາຍຮັບຂອງຂະແຫນງທ່ອງທ່ຽວຍັງຄົງບັນລຸລະດັບສະຖິຕິ ດ້ວຍ 23 ຕື້ USD, ເພີ່ມຂຶ້ນເກືອບ 24%ເມື່ອທຽບໃສ່ປີ 2010. ສ່ວນໃນປີ 2012, ລາຍຮັບຂອງຂະແຫນງທ່ອງທ່ຽວໄທເພີ່ມຂຶ້ນເປັນ 36 ຕື້ USD.
ພະຣາຊະວັງ
ພາບ:vietrantour.com.vn
|
ໃນຍຸດທະສາດພັດທະນາການທ່ອງທ່ຽວ, ໄທ ໄດ້ເອົາໃຈໃສ່ເຖິງການຮ່ວມສຳພັນກັບບັນດາປະເທດ ອາຊຽນ. ນີ້ແມ່ນຫນຶ່ງໃນບັນດາຕະຫລາດບ້ານໃກ້ເຮືອນຄຽງ ໄດ້ນຳ ນັກທ່ອງທ່ຽວມາໃຫ້ຂະແຫນງທ່ອງທ່ຽວໄທ ເປັນຈຳນວນຫລວງຫລາຍ, ໃນນັ້ນນັກທ່ອງທ່ຽວມາຈາກຫວຽດນາມຫລາຍພໍສົມຄວນ. ໃນການຢ້ຽມຢາມຫວຽດນາມ ຫວ່າງແລ້ວນີ້, ທ່ານ ສຸຣະພອນ ເຊຕາເຣນີ, ຫົວຫນ້າກົມໃຫຍ່ທ່ອງທ່ຽວໄທໃຫ້ຮູ້ວ່າ:
ສຽງທ່ານສຸຣະພອນ
ຄຽງຄູ່ກັບການໂຄສະນາການທ່ອງທ່ຽວ, ຍາມໃດ ໄທ ກໍສ້າງບັນດາຜະລິດຕະພັນທ່ອງທ່ຽວທີ່ດູດດື່ມ, ນັ້ນແມ່ນ: ທ່ອງທ່ຽວວັດທະນະທຳສົມທົບກັບທັດສະນະສຶກສາ, ຄົ້ນຄ້ວາ, ທ່ອງທ່ຽວຢ້ຽມຊົມປູຊະນີຍະສະຖານປະຫວັດສາດສົມທົບກັບທ່ອງທ່ຽວທະເລ, ຢ້ຽມຊົມຖ້ຳ ແລະ ພັກຜ່ອນບຳລຸງສຸຂະພາບຢູ່ທະເລ, ທ່ອງທ່ຽວຊີວະພາບ… ນອກນັ້ນ ໄທຍັງເອົາໃຈໃສ່ເຖິງການພັດທະນາພື້ນຖານໂຄງລ່າງ ສ້າງເງື່ອນໄຂດຶງດູດນັກທ່ອງທ່ຽວມາຢ້ຽມຢາມນັບມື້ນັບຫລາຍ. ໄທ ມີທິດກ້າວເດີນຢ່າງໝັ້ນຄົງໃນການຊຸກຍູ້ການບູລະນະ, ຍົກລະດັບ, ກໍ່ສ້າງບັນດາກິດຈະກຳຄົມມະນາຄົມໃໝ່ທີ່ເຊື່ອມຕໍ່ເຂດຕົວເມືອງກັບບັນດາສະຖານທີ່ທ່ອງທ່ຽວ. ເສັ້ນທາງເຊື່ອມຕໍ່ກັບບັນດາປະເທດອາຊຽນກໍໄດ້ນຳເຂົ້າເຄື່ອນໄຫວຢ່າງສະດວກສະບາຍ. ຄຽງຄູ່ກັນນັ້ນ, ຍາມໃດ ລັດຖະບານໄທ ກໍ່ມີນະໂຍບາຍ, ກົນໄກຫນູນຊ່ວຍຂະແຫນງທ່ອງທ່ຽວ. ທ່ານຫງວຽນແມ້ງເກືອງ, ຮອງຫົວຫນ້າກົມໃຫຍ່ທ່ອງທ່ຽວ ຫວຽດນາມ ໃຫ້ຮູ້ວ່າ:
“ໄທແມ່ນປະເທດໃນພາກພື້ນ ທີ່ມີລະດັບພັດທະນາສູງ ຖັດຈາກມາເລເຊຍ. ເຖິງວ່າ ໃນຊຸມປີຜ່ານມາ, ໄທຖືກວິກິດການການເມືອງ ແລະ ປະສົບກັບໄພທຳມະຊາດກໍຕາມ ແຕ່ໄທມີບັນດານະໂຍບາຍທີ່ຂະຫຍັນຂັນເຄື່ອນ. ສະນັ້ນ ລາຍການທ່ອງທ່ອງໄປ ໄທ ມີລາຄາຖືກກວ່າເມື່ອທຽບໃສ່ລາຍການທ່ອງທ່ຽວພາຍໃນປະເທດ. ໄທ ມີນະໂຍບາຍກະຕຸ້ນຄວາມຕ້ອງການ, ສະນັ້ນ ບໍ່ພຽງແຕ່ມີນັກທ່ອງທ່ຽວທີ່ມາຈາກຫວຽດນາມ ເທົ່ານັ້ນ ຫາກຍັງມີນັກທ່ອງທ່ຽວມາຈາກຈີນເປັນຈຳນວນຫລວງຫລາຍອີກ. “
ພັດທະຢາ ສະຖານທີ່ທ່ອງທ່ຽວທີ່ຫນ້າສົນໃຈສຳລັບນັກທອ່ງທ່ຽວ
ຫວຽດນາມ
ພາບ:muchung.vn
|
ຍ້ອນມີບັນດານະໂຍບາຍກະຕຸ້ນຄວາມຕ້ອງການທ່ອງທ່ຽວ, ໄທ ກໍແມ່ນຫນຶ່ງໃນບັນດາສະຖານທີ່ທ່ອງທ່ຽວດຶງດູດນັກທ່ອງທ່ຽວຫວຽດນາມເປັນຈຳນວນຫລວງຫລາຍ. ໃນ 6 ເດືອນຕົ້ນປີ 2013, ຈຳນວນນັກທ່ອງທ່ຽວສາກົນມາຢ້ຽມຢາມໄທ ບັນລຸເກືອບ 13 ລ້ານເທື່ອຄົນ, ເພີ່ມຂຶ້ນ 20% ເມື່ອທຽບໃສ່ໄລຍະດຽວກັນຂອງປີ 2011. ໃນນັ້ນ ນັກທ່ອງທ່ຽວມາຈາກ ຫວຽດນາມ 260.621 ເທື່ອຄົນ, ເພີ່ມຂຶ້ນ 10,4% ເມື່ອທຽບໃສ່ໄລຍະດຽວກັນຂອງປີກາຍ. ປະຈຸບັນ ແຕ່ລະອາທິດ ມີ 104 ຖ້ຽວບິນຈາກຫວຽດນາມໄປໄທ. ທ່ານນາງ ຈູທາທິບ ຈະເຣີນລາບ, ຜູ້ອຳນວຍການອົງການທ່ອງທ່ຽວໄທ, ຫ້ອງການຜູ້ຕາງຫນ້າຢູ່ນະຄອນໂຮ່ຈິມີນ ໃຫ້ຮູ້ວ່າ:
ສຽງທ່ານນາງ ຈູທາທິບ
ຕາມທ່ານນາງ ຈູທາທິບ ຈະເຣີນລາບ ແລ້ວ, ຫວຽດນາມ ແມ່ນຫນຶ່ງໃນບັນດາຕະຫລາດສຳຄັນຂອງໄທ. ດ້ວຍການເຕີບໂຕໃນ 5 ເດືອນຕົ້ນປີ, ຂະແຫນງທ່ອງທ່ຽວໄທປາດຖະຫນາວ່າ ຈຳນວນນັກທ່ອງທ່ຽວມາຈາກຫວຽດນາມ ຈະລ່ືນກາຍລະດັບຂອງປີກາຍແມ່ນ 618.000 ເທື່ອຄົນ.