(vovworld)-ກຸ່ມຕືກອາຄານ Trongsan ລວມມີ ຕືກອາຄານຫລາຍຊັ້ນໃຫ້ເຊົ່າຫ້ອງການ, ສູນການຄ້າ ແລະ ໂຮງແຮມ ຫາກໍ່ເປີດສະຫລອງຢູ່ສິງກະໂປ ໄດ້ຍົກຍອດຈຳນວນຫ້ອງການໃຫ້ເຊົ່າ ແລະ ຫ້ອງພັກໂຮງແຮມຢູ່ທີ່ນີ້ເພີ່ມຂຶ້ນສູງ. ໂດຍບໍ່ຫົວຊາຕໍ່ຄວາມຕ້ອງການບໍລິການນີ້ພວມເພີ່ມຂຶ້ນນັ້ນ, ຂະແຫນງອຸດສາຫະກຳໂຮງແຮມຂອງສິງກະໂປ ອາດຈະສືບຕໍ່ພັດທະນາໃນໄລຍະຈະມາເຖິງ.
ຂະແຫນງອຸດສາຫະກຳໂຮງແຮມຂອງສິງກະໂປ ສືບຕໍ່ເຕີບໂຕ
photo:internet
|
ກຸ່ມຕືກອາຄານ Trongsan ຫາກໍ່ໄດ້ຮັບການເປີດສະຫລອງ ຊື່ງລວມມີ: ຕືກອາຄານໃຫ້ເຊົ່າຫ້ອງການ Hi ap ho, ສູນການຄ້າ Trong san ແລະ ໂຮງແຮມສອງແຫ່ງ. ທ່ານ Teo Ho Beng, ຜູ້ອຳນວຍການໃຫຍ່ກຸ່ມບໍລິສັດ Hi ap Ho ໃຫ້ຮູ້ວ່າ: ໄດ້ຮັບໃບສະເຫນີເຊົ່າຫ້ອງການ ແລະ ຫ້ອງພັກ ຢູ່ ກຸ່ມຕືກອາຄານນີ້ຢ່າງຫລວງຫລາຍ.
“ພວກຂ້າພະເຈົ້າມີແຜນການເພີ່ມທະວີການພັດທະນາ ກຸ່ມຕືກອາຄານນີ້. ຈຸດໝາຍຂອງພວກຂ້າພະເຈົ້າແມ່ນລົງທຶນດຳເນີນທຸລະກິດຫ້ອງການ ແລະ ໂຮງແຮມ. ຫວັງວ່າ ບ້ວງເງິນລົງທຶນນີ້ຈະນຳມາເຊິ່ງລາຍຮັບໃຫຍ່ ແລະ ຊ່ວຍເພີ່ມອັດຕາສ່ວນຕະຫລາດ.”
ບັນດາຫ້ອງການຢູ່ ຕືກອາຄານ Hi ap Ho ສ່ວນຫລາຍມີຜູ້ມາເຊົ່າໝົດແລ້ວ, ໃນຂະນະສູນການຄ້າ Trongsan ໄດ້ໃຫ້ເຊົ່າກວ່າ 90% ຍອດຈຳນວນຮ້ານຄ້າແລ້ວ. ສ່ວນໂຮງແຮມ 2 ແຫ່ງຄື: “Ramada Singapore Hotel” ແລະ Here Hotel” ກໍດຶງດູດຜູ້ມາເຊົ່າເປັນຈຳນວນຫລວງຫລາຍ. ໂຮງແຮມ ສອງແຫ່ງດັ່ງກ່າວ ມີ ຫ້ອງພັກ ເກືອບ 800 ຫ້ອງ, ກວມປະມານ 1/3 ຍອດຈຳນວນຫ້ອງພັກໂຮງແຮມຢູ່ເຂດ Toa Payoh ແລະ Novena.
ກຸ່ມຕືກອາຄານTrongsan ຕັ້ງໃກ້ກັບໂຮງໝໍເອກະຊົນຫລາຍແຫ່ງ ແລະ ໂຮງໝໍ Tan Tock Seng. ເຖິງຢ່າງໃດກໍຕາມ, ພ້ອມກັບການຮັບໃຊ້ຈຳນວນແຂກທ່ອງທ່ຽວມາຢ້ຽມຢາມ ສິງກະໂປ ເພື່ອໄປທ່ອງທ່ຽວທັງກວດພະຍາດແລ້ວ, ໂຮງແຮມສອງແຫ່ງນີ້ ຍັງດຶງດູດນັກກິລາສາກົນມາຝືກແອບ ແລະ ແຂ່ງຂັນຢູ່ສິງກະໂປຫລາຍສົມຄວນ. ເລື່ອງນຳ ກຸ່ມຕືກອາຄານປ Trongsan ເຂົ້າເຄື່ອນໄຫວຈະສ້າງກຳລັງແກ້ງແຍ້ງຕໍ່ຂະແຫນງອຸດສາຫະກຳໂຮງແຮມຂອງສິງກະໂປ. ເຖິງຢ່າງໃດກໍຕາມ, ບັນດາຜູ້ຊ່ຽວຊານຍັງມີຄວາມປະເອີບໃຈກ່ຽວກັບການພັດທະນາຂອງຂົງເຂດໂຮງແຮມ. ທ່ານ Robert Mcintosh, ຜູ້ອຳນວຍການບໍລິຫານໂຮງແຮມ CBRE ຖືວ່າ: ໃນທ້າຍປີ 2013 ຢູ່ ສິງກະໂປ ໄດ້ມີໂຮງແຮມທັງໝົດ 15 ແຫ່ງ ດ້ວຍ ຫ້ອງພັກ 3600 ຫ້ອງ.
“ຕືກອາຄານປະສົມ Trongsan ເປັດຂີດໝາຍການເພີ່ມຂຶ້ນຫລາຍພໍສົມຄວນກ່ຽວກັບການສະຫນອງບໍລິການໂຮງແຮມ. ສິ່ງດັ່ງກ່າວຈະຕອບສະຫນອງໄດ້ຄວາມຕ້ອງການກ່ຽວກັບຫ້ອງການ ແລະ ໂຮງແຮມນັບມື້ນັບເພີ່ມຂຶ້ນຢູ່ສິງກະໂປ, ພ້ອມທັງຮັບໃຊ້ຄວາມຕ້ອງການຕ້ອນຮັບນັກທ່ອງທ່ຽວຕ່າງປະເທດມາຢ້ຽມຢາມ ສິງກະໂປ.”
ດ້ວຍຈຸດປະສົງຢາກເຮັດໃຫ້ສິງກະໂປກາຍເປັນສູນກອງປະຊຸມ, ວາງສະແດງ, ຂະແຫນງອຸດສາຫະກຳໂຮງແຮມປະເທດນີ້ ຈະສືບຕໍ່ພັດທະນາ. ບັນດາໂຮງແຮມຫລັງໃຫມ່ທີ່ຫາກໍນຳເຂົ້າເຄື່ອນໄຫວ ເສຍເວລາພຽງ 1 ປີເພື່ອສ້າງບັນຊີລາຍຊື່ລູກຄ້າ ແທນທີ 3 ປີຄືກ່ອນນີ້. ເຖິງວ່າ ພື້ນຖານເສດຖະກິດທົ່ວໂລກມີການຜັນແປຫລາຍຢ່າງໃນໄລຍະຜ່ານມາກໍຕາມ ແຕ່ຈຳນວນນັກທ່ອງທ່ຽວມາຢ້ຽມຢາມ ສິງກະໂປຍັງສືບຕໍ່ເພີ່ມຂຶ້ນ, ອັດຕາສ່ວນຜູ້ເຊົ່າຫ້ອງພັກຢູ່ບັນດາໂຮງແຮມບັນລຸສະເລ່ຍກວ່າ 85%.
ຕາມສະພາທ່ອງທ່ຽວໂລກແລ້ວ, ຂະແຫນງອຸດສາຫະກຳໂຮງແຮມກວມ 11,3% GDP ແລະ ສ້າງ 9,1% ວຽກເຮັດງານທຳໃຫ້ແກ່ຄົນງານຢູ່ ສິງກະໂປໃນປີ 2012. ບໍລິສັດສະຫນອງບັນດາມາດຕະການສື່ສານ ແລະ ເຕັກໂນໂລຊີ Timetric ຄາດຄະເນວ່າ: ຂະແຫນງອຸດສາຫະກຳນີ້ຈະນຳມາເຊິ່ງ 6,7 ຕື້ USD ໃຫ້ແກ່ສິງກະໂປໃນປີ 2017. ເຖິງຢ່າງໃດກໍຕາມ, ການພັດທະນາຢ່າງວ່ອງໄວຂອງຂະແຫນງອຸດສຫາະກຳໂຮງແຮມເປັນສິ່ງທ້າທາຍບໍ່ແມ່ນຫນ້ອຍໃຫ້ແກ່ສິງກະໂປ. ນັ້ນແມ່ນການຂາດແຄນແຫລ່ງຊັບພະຍາກອນມະນຸດ.ເພື່ອແກ້ໄຂບັນຫາດັ່ງກ່າວ,ໂຮງແຮມຫລາຍແຫ່ງໄດ້ຈັດຕັ້ງບັນດາຊຸດບຳລຸງສ້າງພາລະກອນ, ໃຫ້ບຸລິມະສິດແກ່ບັນດາພາລະກອນມີທັກສະ, ມຸ່ງໄປເຖິງເພີ່ມສະມັດຕະພາບແຮງງານ. ນອກນັ້ນ ລັດຖະບານກໍຫນູນຊ່ວຍບັນດາໂຮງແຮມນຳໃຊ້ມາດຕະການເຕັກໂນໂລຊີຈຳນວນຫນຶ່ງຄື: ລະບົບຄຸ້ມຄອງຕາມຄວາມຕ້ອງການຂອງລູກຄ້າ. ຕາມນັ້ນແລ້ວ ຄຳສະເຫນີຂອງລູກຄ້າຈະຖືກເຕົ້າໂຮມ ແລະ ສົ່ງເຖິງພາລະກອນໂຮງແຮມຜ່ານ ອະປະກອນບໍລິການບໍ່ມີສາຍ ແລະ ລະບົບຄຸ້ມຄອງການເຄື່ອນໄຫວຫ້ອງພັກສັບຊ້ອນຕາຕະລາງປະຕິບັດເພື່ອນຳໃຊ້ແຫລ່ງຊັບພະຍາກອນມະນຸດຂອງໂຮງແຮມຢ່າງດີສຸດ. ປະຈຸບັນ, ເຕັກໂນໂລຊີຂໍ້ມູນຂ່າວສານໄດ້ຮັບຖືວ່າແມ່ນກຸນແຈສຳຄັນເພື່ອຊຸກຍູ້ຂະແຫນງອຸດສາຫະກຳໂຮງແຮມຂອງສິງກະໂປ ພັດທະນາ.