ຄົ້ນຫາຮ້ານອາຫານລາວຢູ່ ຮ່າໂນ້ຍ
Minh Duc -
(vovworld)- ຢູ່ຮ່າໂນ້ຍ, ຮ້ານອາຫານໄທ, ຍີ່ປຸ່ນ, ສເກົາຫລີ…ຫລາຍພໍສົມຄວນ, ແຕ່ສຳລັບບັນດາຜູ້ມັກອາຫານລາວແລ້ວ, ເລື່ອງຊອກໄດ້ຮ້ານອາຫານລາວແຫ່ງຫນຶ່ງ ບໍ່ແມ່ນເລື່ອງງ່າຍ. ໂດຍຖືກຕັ້ງຢູ່ແຄມຖະຫນົນ ເກົາໄຢ ຫ່າງຈາກໃຈກາງນະຄອນຫລວງ ຮ່າໂນ້ຍ ທາງທິດຕາເວັນຕົກປະມານ 6 ກີໂລແມັດ, ຮ້ານອາຫານລາວນຳມາໃຫ້ທ່ານບັນດາເຍື່ອງອາຫານທີ່ເຂັ້ມຂົ້ນໄປດ້ວຍລົດຊາດພື້ນເມືອງຂອງປະເທດລ້ານຊ້າງ ພ້ອມກັບບັນຍາກາດຢູ່ທີ່ນີ້ສະຫງົບງຽບ ສະນັ້ນ ຜູ້ໃດມາຮັບປະທານຢູ່ຮ້ານອາຫານນີ້ເທື່ອຫນຶ່ງແລ້ວ ອາດຈະຢາກມາອີກຫລາຍຄັ້ງ.
ເມື່ອມາຮອດຮ້ານອາຫານລາວ, ຄວາມປະທັບໃຈທຳອິດ ນັ້ນແມ່ນປະຕູເຂົ້າຮ້ານອາຫານລາວ ໄດ້ຮັບການປະດັບປະດາດ້ວຍຮູບແບບທີ່ເປັນເອກະລັກສະເພາະຂອງລາວ ແລະ ທ່ານຈະໄດ້ຮັບຟັງສຽງດົນຕີລາວທີ່ມ່ວນອ່ອນຊອນ. ໃນເນື້ອທີ່ເກືອບ 1000 ຕາແມັດ, ຮ້ານອານຫານລາວ ຖືກຈັດແບ່ງເປັນ 3 ເຂດ. ເຂດກາງແຈ້ງ ໄດ້ສັບຊ້ອນໂຕະຕັ່ງເປັນລະບຽບງາມຕາ ແລະປະດັບປະດາດ້ວຍຕົ້ນພ້າວ, ຕົ້ນໄມ້ໄຜ່, ຕົ້ນດອກຈຳປາ ທີ່ງາມຕາ ເຮັດໃຫ້ທ່ານຮູ້ສຶກສະຫວາດສະເຫວີຍທີ່ສຸດ; ເຂດໃນຮົ່ມກໍໄດ້ຮັບການປະດັບປະດາດ້ວຍຮູບຊ້າງຊື່ງເປັນສັນຍາລັກຂອງລາວ ແລະ ສາມາດບັນຈຸແຂກມາຮັບປະທານອາຫານໄດ້ປະມານ 200 ຄົນ. ນອກນັ້ນ ຍັງມີຫ້ອງກາເຟ, ດົນຕີກໍສາມາດບັນຈຸແຂກໄດ້150 ຄົນ.ເພື່ອນ ຫງວຽນຮ່າເຟືອງ ຜູ້ມັກ ອາຫານລາວ ແບ່ງປັນວ່າ:
“ຂ້າພະເຈົ້າໄດ້ຍິນໝູ່ເພື່ອນເວົ້າວ່າ ຮ້ານອາຫານລາວ ຢູ່ ຖະຫນົນ ເກົາໄຢ ຮ່າໂນ້ຍ ແຊບຫລາຍ. ສະນັ້ນ ມື້ນີ້ ຂ້າພະເຈົ້າຈຶ່ງພາໝູ່ເພື່ອນມາ ທົດລອງຊີມອາຫານຢູ່ຮ້ານນີ້. ແລະ ເມື່ອໄດ້ມານັ່ງຮັບປະທານອາຫານລາວຢູ່ຮ້ານນີ້ແລ້ວ ຂ້າພະເຈົ້າຮູ້ສຶກວ່າຄືດັ່ງພວມຢູ່ລາວ.”
ເພື່ອນ ຜາດອນ ຊື່ງແມ່ນຫນຶ່ງໃນຈຳນວນ 3 ຄົນລົງທຶນຮ່ວມກັນສ້າງຕັ້ງຮ້ານອາຫານລາວ ແບ່ງປັນວ່າ: ນອກຈາກຢາກໃຫ້ແຂກມາຮັບປະທານອາຫານແລ້ວ, ເຈົ້າຂອງຮ້ານຍັງຢາກໃຫ້ແຫ່ງນີ້ແມ່ນບ່ອນພົບປະລື້ງເຄີຍຂອງເພື່ອນລາວ ແລະ ຫວຽດນາມນຳກັນ.
ເຍື່ອງອາຫານທຸກປະເພດຢູ່ທີ່ນີ້ທີ່ເຕັມໄປດ້ວຍລົດຊາດລາວ ລ້ວນແຕ່ແມ່ນພໍ່ຄົວລາວປຸງແຕ່ງ, ໃນນັ້ນ ເຍື່ອງອາຫານທີ່ແຂກຄົນມັກທີ່ສຸດນັ້ນແມ່ນ: ລາບ, ເຂົ້າຫນຽວລາວ,ຕ່ຳໝາກຮຸ່ງ, ປີ້ງໄກ່ ແລະ ຈຸ່ມປະເພດຕ່າງໆ. ເຈົ້າຂອງຮ້ານໃຫ້ຮູ້ວ່າ, ເຄື່ອງປຸງແຕ່ງອາຫານປະເພດຕ່າງໆ 80% ລ້ວນແຕ່ເອົາມາຈາກລາວ. ວິທີປຸງແຕ່ງບັນດາເຍື່ອງອາຫານຕ້ອງເໝາະສົມກັບລົດຊາດຂອງຊາວຕ່າງປະເທດ. ເພື່ອນ ຜາດອນ ໃຫ້ຮູ້ວ່າ:
ເພື່ອນ ປາລະມີ ຜາສຸ້ຍໄຊງາມ, ນັກສຶກສາປີທີ 2 ມະຫາວິທະຍາໄລບໍ່ແຮ່ ທໍລະນີສາດ ແບ່ງປັນວ່າ:
ທ່ານຜູ້ຟັງທີເຄົາລົບ? ຮ້ານອາຫານຕ່າງປະເທດຢູ່ ຮ່າໂນ້ຍ ມີຫລາຍ, ແຕ່ເມື່ອທ່ານມາຮັບປະທານຮ້ານອາຫານລາວຢູ່ເຮືອນເລກທີ 110, ຖະໜົນເກົາໄຢ ຮ່າໂນ້ຍ ທ່ານຈະຮູ້ສຶກປະທັບໃຈຫລາຍຢ່າງ ດ້ວຍເຍື່ອງອາຫານທີ່ແຊບນົວ, ລົດຊາດທີ່ເປັນເອກະລັກສະເພາະຂອງລາວ ກໍຄືເຂົ້າໃຈຕື່ມອີກກ່ຽວກັບປະເທດລາວທີ່ສວຍງາມ.
Minh Duc