(vovworld)- ພາຍຫລັງຝືກອົບຮົມ ແລະ ໄປທັດສະນະສຶກສາບັນດາຮູບແບບດີເດັ່ນກ່ຽວກັບການເຄື່ອນໄຫວມະນຸດສະທຳຢູ່ແຂວງ, ນະຄອນຈຳນວນຫນຶ່ງທາງພາກເຫນືອຫວຽດນາມ ມາເປັນເວລາກວ່າ 20 ວັນ, ສະມາຊິກແຕ່ລະຄົນໃນຄະນະພະນັກງານອົງການກາແດງລາວ ລ້ວນແຕ່ຕີລາຄາສູງຊຸດຝືກອົບຮົມຄັ້ງນີ້ ໂດຍ ສູນກາງສະພາກາແດງ ຫວຽດນາມຈັດຕັ້ງຂຶ້ນ. ດ້ວຍບັນດາບົດຮຽນອັນລ້ຳຄ່ານັ້ນ, ບັນດາເພື່ອນລາວ ຈະໝູນໃຊ້ເຂົ້າໃນລາຍການເຄື່ອນໄຫວຂອງຕົນ ເພື່ອສ້າງອົງການກາແດງລາວ ໃຫ້ນັບມື້ນັບເຕີບໃຫຍ່ເຂັ້ມແຂງກວ່າ.
ຄະນະພະນັກງານອົງການກາແດງລາວ
ພາບ: ຢ້ຽວຮົ່ງ
|
ຊຸດຝືກອົບຮົມດຳເນີນໄປແຕ່ວັນທີ 19/8-11/9 ຜ່ານມາ ໂດຍມີການເຂົ້າຮ່ວມຂອງພະນັກງານ 20 ທ່ານ ຊື່ງແມ່ນຫົວຫນ້າ, ຮອງຫົວຫນ້າອົງການກາແດງທີ່ມາຈາກບັນດາແຂວງ, ນະຄອນຂອງລາວຄື: ວຽງຈັນ, ຊຽງຂວາງ, ຫລວງພະບາງ, ຫລວງນ້ຳທາ… ນັບແຕ່ເມື່ອໄດ້ຮັບການສ້າງຕັ້ງຂຶ້ນມາຮອດປະຈຸບັນ, ສູນກາງສະພາກາແດງຫວຽດນາມ ແລະ ອົງການສະພາກາແດງລາວ ໄດ້ມີການເຄື່ອນໄຫວຫລາຍຢ່າງໃນການແລກປ່ຽນບົດຮຽນ, ແຕ່ນີ້ເປັນຄັ້ງທຳອິດທີ່ບັນດາເພື່ອນລາວ ໄດ້ເຂົ້າຮ່ວມຊຸດບຳລຸງດ້ານຄວາມຮູ້ກ່ຽວກັບການເຄື່ອນໄຫວມະນຸດສະທຳ. ບັນດາຄູສອນໃນຊຸດຝືກອົບຮົມນີ້ ສ່ວນຫລາຍແມ່ນພະນັກງານໃນຄະນະບໍລິຫານງານ, ບັນດາຫົວຫນ້າຄະນະຂອງສູນກາງສະພາກາແດງຫວຽດນາມ. ບົດຮຽນແມ່ນສຸມໃສ່ຕົ້ນຕໍເຂົ້າໃນວຽກງານສ້າງ ແລະ ພັດທະນາອົງການກາແດງ, ວຽກງານໂຄສະນາ, ພັດທະນາແຫລ່ງຊັບພະຍາກອນມະນຸດ, ວຽກງານປ້ອງກັນເຫດ ແລະ ຮັບມືກັບໄພພິບັດ.. ຜ່ານບັນດາບົດສອນໃນຊຸດອົມຮົມນີ້, ທ່ານແກ້ວປະເສີດ ອຸນທະຍອດ ຮັກສາການ, ຫົວຫນ້າຫ້ອງການກາແດງແຂວງ ຫລວງນ້ຳທາ ສາມາດຖອດຖອນບົດຮຽນທີ່ສຳຄັນໃຫ້ແກ່ຕົນ.
ສຽງທ່ານ ອຸນທະຍອດ
ນອກຈາກຮ່ຳຮຽນເອົາທິດສະດີແລ້ວ, ບັນດາສຳມະນາກອນຍັງໄດ້ໄປທັດສະນະສຶກສາຕົວຈິງ, ເພື່ອແລກປ່ຽນຮູບແບບ, ບົດຮຽນຢູ່ຮາກຖານຢູ່ 4 ແຂວງຄື: ຫວີງຟຸກ, ຕວຽນກວາງ, ແທງຮວາ, ກວ໋າງນີງ. ຢູ່ບັນດາທ້ອງຖິ່ນດັງກ່າວ, ຄະນະໄດ້ເຫັນປະຈັກຕາບັນດາຮູບແບບເຄື່ອນໄຫວກຸສົນ, ຮ່ຳຮຽນເອົາບົດຮຽນຫລາຍຢ່າງກ່ຽວກັບການຈັດຕັ້ງປະຕິບັດວຽກງານມະນຸດສະທຳຢູ່ຂັ້ນຮາກຖານ ນີ້ແມ່ນວິທີດີສຸດເພື່ອເຂົ້າໃຈໄດ້ບັນດາການເຄື່ອນໄຫວຈາກທ້ອງຖິ່ນ. ທ່ານຄຳປ້ອນ ສີບຸນຕາ ຮອງຫົວຫນ້າຫ້ອງການກາແດງນະຄອນຫລວງ ວຽງຈັນ ແບ່ງປັນວ່າ:
ສຽງທ່ານ ຄຳພົມ
ຜ່ານການໄປທັດສະນະສຶກສາ, ເຮັດວຽກຢູ່ທ້ອງຖິ່ນ ເປັນຕົ້ນເມື່ອໄດ້ລົງຢ້ຽມຢາມອົງການກາແດງຂັ້ນຕາແສງ, ທ່ານ ວຽງໄຊ ຄຳມຸນເນີນ, ຫົວຫນ້າຫ້ອງການກາແດງແຂວງຊຽງຂວາງ ເຫັນວ່າ: ເຖິງວ່າບັນດານະໂຍບາຍກ່ຽວກັບກາແດງແມ່ນຄືກັນ ແຕ່ວິທີປະຕິບັດບັນດານະໂຍບາຍນີ້ພັດມີຫລາຍຈຸດທີ່ແຕກຕ່າງກັນ.
ສຽງທ່ານ ວຽງໄຊ
ໃນໂອກາດອັດຊຸດຝືກອົບຮົມນີ້ໄດ້ມີເອກະສານຮ່ວມມືກ່ຽວກັບການແລກປ່ຽນຄະນະ, ຮ່ວມມືໃນການເຄື່ອນໄຫວມະນຸດສະທຳ, ການແລກປ່ຽນຂໍ້ມູນຂ່າວສານລະຫວ່າງອົງການກາແດງບັນດາແຂວງມີຊາຍແດນຕິດຈອດກັນໄດ້ຮັບການລົງນາມ. ຜ່ານນີ້ໄດ້ກໍປະກອບສ່ວນເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ ແລະ ລາວ.