ຖະໜົນຮ່າງກວາດ ຢູ່ ຮ່າໂນ້ຍ
ບໍ່ມີດິນແດນແຫ່ງໃດທີ່ສວຍງາມ ແລະສ້າງຄວາມປະທັບໃຈຄືແນວນັ້ນ, ຫາກມາແລ້ວ ແມ່ນຢາກລາຈາກອີກ. ນັ້ນແມ່ນຄວາມຮູ້ສຶກຂອງຊາວຕ່າງປະເທດຜູ້ຫນຶ່ງເມື່ອມາເຮັດວຽກ ແລະ ດຳລົງຊີວິດຢູ່ ຮ່າໂນ້ຍ. ໃນລາຍການຊາຍຄາອາຊຽນພາກນີ້ ພວກເຮົາຈະພົບປະກັບອ້າຍ Rinkeo ຊຶ່ງແມ່ນຊາວກຳປູເຈຍຜູ້ຫນຶ່ງພວມດຳລົງຊີວິດຢູ່ ຮ່າໂນ້ຍ, ຜູ້ທີ່ໄດ້ຖືວ່າ ຮ່າໂນ້ຍແມ່ນບ້ານເກີດເມືອງນອນແຫ່ງທີ່ສອງຂອງຕົນ.
Rinkeoໃຫ້ຮູ້ວ່າ:
“ຂ້າພະເຈົ້າດຳລົງຊີວິດຢູ່ຫວຽດນາມມາເປັນເວລາ 10 ກວ່າປີແລ້ວ. ແຕ່ດົນນານມາແລ້ວ, ຂ້າພະເຈົ້າບໍ່ຖືຮ່າໂນ້ຍແມ່ນແຫ່ງທີ່ມາລ້າໆເທົ່ານັ້ນ ຫາກຮ່າໂນ້ຍແມ່ນແຫ່ງດຳລົງຊີວິດທີ່ສະຫນິດສະຫນົມ ແມ່ນບ້ານເກີດເມືອງນອນຂອງຂ້າພະເຈົ້າແລ້ວ.“
ເຮືອນຢູ່ຂອງອ້າຍ Rin Keo ຕັ້ງຢູ່ຮ່ອມທາງສະຫງົບງຽບໃນຖະໜົນຮ່າງດ່າວ ຊຶ່ງແມ່ນຖະໜົນເກົ່າຂອງຮ່າໂນ້ຍ. ເອື້ອຍມາຍ ເມຍຂອງອ້າຍແມ່ນຊາວຮ່າໂນ້ຍ ແລະ ກໍຢູ່ຖະຫນົນສາຍນ້ອຍນີ້, ອ້າຍ Rin Keo ແລະ ເອື້ອຍມາຍໄດ້ທຳຄວາມລື້ງເຄີຍ, ຮູ້ຈັກຮັກແພງກັນ ແລະ ກາຍເປັນຄູ່ຄອງ. ອ້າຍ Rin Keo ແບ່ງປັນວ່າ: ສິ່ງທີ່ສ້າງຄວາມດຶງດູດຂ້າພະເຈົ້ານັ້ນແມ່ນຄວາມງາມຂອງຮ່າໂນ້ຍແລະ ອາລົມຈິດຂອງປະຊາຊົນຫວຽດນາມ ທີ່ໄດ້ສະຫງວນໃຫ້ຂ້າພະເຈົ້າອີກດ້ວຍ. ພິເສດ ແມ່ນຄວາມຈິງໃຈ ແລະ ແບບແຜນດຳລົງຊີວິດທີ່ເຕັມໄປດ້ວຍອາລົມຈິດສະຫນິດສະຫນົມຂອງພໍ່ແມ່ພີ່ນອ້ງໃກ້ຄຽງອີກດ້ວຍ.
“ ພໍ່ແມ່ພີ່ນ້ອງຢູ່ໃກ້ຄຽງ ມີຄວາມໃກ້ຊິດສະຫນິດສະຫນົມທີ່ສຸດ. ຢູ່ໃນຮ່ອມທາງນີ້ ຜູ້ໃດກໍຮູ້ຈັກກັນ. ເມື່ອລູກຂອງຂ້າພະເຈົ້າມາຫລິ້ນຢູ່ເຮືອນພີ່ນ້ອງໃກ້ຄຽງໃນຍາມກິນເຂົ້າ, ເຂົາເຈົ້າກໍເຊີນພວກຫລານກິນເຂົ້ານຳ ແລະກົງກັນຂ້າມ, ລູກຫລານຂອງເຂົາເຈົ້າມາຫລິ້ນຢູ່ເຮືອນຂ້າພະເຈົ້າໃນຍາມກິນເຂົ້າ, ຂ້າພະເຈົ້າກໍເອີ້ນພວກຫລານກິນຮ່ວມພາເຂົ້ານຳ.ຫລືເມື່ອລູກຂອງຂ້າພະເຈົ້າເຮັດສິ່ງໃດສິ່ງຫນຶ່ງ ແລະເຂົາເຈົ້າກໍຍ້ອງຍໍເມື່ອລູກຂອງຂ້າພະເຈົ້າທຳຄວາມດີ ຫລືບອກສອນຕັກເຕືອນເມື່ອລູກຫລານທຳຄວາມບໍ່ດີ. . ຊາວຮ່າໂນ້ຍ ເປັນຄົນໃຈດີເຕັມໄປດ້ວຍອາລົມຈິດສະຫນິດສະຫນົມແລະຊື່ຕົງ.“
ເມື່ອມາຮຳ່ຮຽນຢູ່ ຫວຽດນາມ ກ່ອນນີ້ 10 ປີ, ອ້າຍ Rinkeo ແມ່ນຊາຍຫນຸ່ມຜູ້ຫນຶ່ງ, ຫາກໍ່ຮຽນຈົບມັດທະຍົມຕອນປາຍ, ມາຫວຽດນາມແຕ່ຜູ້ດຽວ, ບໍ່ມີຍາດຕິພີ່ນ້ອງ ແລະ ກໍບໍ່ຮູ້ພາສາຫວຽດນາມ, ທຸກສິ່ງທຸກຢ່າງລ້ວນແຕ່ແປກປະຫລາດສຳລັບອ້າຍ. ອ້າຍ Rin keo ໄດ້ແບ່ງປັນວ່າ:
“ຂ້າພະເຈົ້າຫວນຄິດຄືນຫລັງ ມີເທື່ອຫນຶ່ງໄປຫລິ້ນຢູ່ເຮືອນໝູ່ແລະຂ້າພະເຈົ້າໄດ້ຮັບເຊີນກິນເຂົ້ານຳ ແຕ່ ຂ້າພະເຈົ້າບໍ່ຮູ້ວ່າຈະກິນແນວໃດ ເພາະເວລານັ້ນບໍ່ຮູ້ໃຊ້ໄມ້ຖູ່ແນວໃດ ແຕ່ປະຈຸບັນ ແມ່ນຮູ້ຈັກແລ້ວ.“
ອ້າຍ Rin Keo ໄດ້ເວົ້າວ່າ: ອ້າຍນິຍົມບັນດາຮີດຄອງປະເພນີ ແລະ ມູນເຊື້ອຂອງປະຊາຊົນຫວຽດນາມ. ເພາະວ່າມັນຄ້າຍຄືກັນຢູ່ ກຳປູເຈຍ, ໃນມື້ວັນເພງ ແລະ ວັນທີຫນຶ່ງຕາມຈັນທະປະຕິທິນ, , ອ້າຍພ້ອມກັບຄອບຄົວຂອງຕົນໄປວັດໄປວາ ຫລືໃນຊຸມວັນພັກການ ກໍພ້ອມກັບຄອບຄົວໄປເລາະກິນບັນດາເຍື່ອງອາຫານພິເສດຂອງຮ່າໂນ້ຍ. ຍ້ອນດຳລົງຊີວິດຢູ່ຮ່າໂນ້ຍໃນໄລຍະກວ່າ 10 ປີ ແລ້ວ, ສະນັ້ນ ປະຈຸບັນ ອ້າຍສາມາດແນະນຳໃຫ້ໝູ່ເພື່ອນຂອງຕົນທີ່ມາຈາກ ກຳປູເຈຍ ຫລື ຢູ່ເຂດທີ່ຫ່າງໄກເມື່ອມາຢ້ຽມຢາມ ຮ່າໂນ້ຍວ່າ, ຢູ່ບ່ອນໃດມີອາຫານແຊບ ແລະ ຄວນ ມາຢ້ຽມຢາມຮ່າໂນ້ຍໃນຍາມໃດຈຶ່ງເໝາະສົມ, ອ້າຍກໍແນະນຳໃຫ້ພວກເພື່ອນ ຄວນມາຮ່າໂນ້ຍໃນໄລຍະນີ້ ເພື່ອໄດ້ເຈືອຈານເຂົ້າກັບບັນຍາກາດອັນຟົດຟື້ນ, ແລະສຳພັດກັບອາກາດຫນາວເຢັນຂອງຮ່າໂນ້ຍໃນຊຸມມື້ໃກ້ຈະຮອດບຸນປີໃຫມ່ປະຈຳຊາດຫວຽດນາມ, ໂອກາດນີ້ຢູ່ທົ່ວນະຄອນໄດ້ຮັບການປະດັບປະດາດ້ວຍດອກໄມ້ ທຸງຊາດ, ປ້າຍໂຄສະນາ ແລະ ອື່ນ. ຄອບຄົວໃດກໍໄດ້ປະດັບປະດາຢ່າງສວຍງາມ ດ້ວຍຕົ້ນດອກຄາຍ, ດອກເໝີຍ ຫລື ຕົ້ນໝາກກ້ຽງນ້ອຍ….
“ຂ້າພະເຈົ້າຮັກແພງຮ່າໂນ້ຍ, ຊາວຮ່າໂນ້ຍ, ທຸກສິ່ງທຸກຢ່າງກ່ຽວກັບ ຮ່າໂນ້ຍ ເຊິ່ງໄດ້ມີຄວາມໃກ້ສິດສະຫນິດສະໜົມ ກັບຂ້າພະເຈົ້າໃນຕະຫລອດໄລຍະຜ່ານມາ. ຂ້າພະເຈົ້າຍາມໃດກໍມີຄວາມເອກອ້າງທະນົງໃຈກ່ຽວກັບຮ່າໂນ້ຍ, ເອກອ້າງທະນົງໃຈເມື່ອແນະນຳໃຫ້ໝູ່ເພື່ອນສາກົນກ່ຽວກັບຮ່າໂນ້ຍ, ຊ່ວຍໃຫ້ເຂົາເຈົ້າມີຄວາມເຂົ້າໃຈຕື່ມອີກກ່ຽວກັບຮີດຄອງປະເພນີ, ວິຖີການດຳລົງຊີວິດສະເພາະຂອງຮ່າໂນ້ຍ. ຄວາມຈິງແລ້ວ, ບໍ່ມີເຂດດິນແຫ່ງໃດສ້າງຄວາມປະທັບໃຈຄືຢູ່ຮ່າໂນ້ຍ, ເມື່ອມາຢ້ຽມຢາມແລ້ວ ແມ່ນບໍ່ຢາກກັບເມືອອີກ.“
ເຖິງວ່າ ຈະແມ່ນຊາວຫວຽດນາມ ຫລື ຊາວຕ່າງປະເທດກໍຕາມ, ຮ່າໂນ້ຍ ແຫ່ງອະລິຍະທຳນັບພັນປີ ແມ່ນສະຖານທີ່ແຫ່ງປະເສີດສຳລັບບັນດາຜູ້ຄົນທີ່ມີຄວາມຮັກແພງ ແລະ ຕິດພັນກັບຮ່າໂນ້ຍ ຕະຫລອດໄປ./.
ວັນໂດ໋