(vovworld)-ປີ 2013 ເປັນຂີດໝາຍໄລຍະໃຫມ່ໃນການພົວພັນລະຫວ່າງສອງປະເທດ ຫວຽດນາມ ແລະ ໄທ. ນັ້ນແມ່ນການນຳສອງຝ່າຍໄດ້ເປັນເອກະພາບຍົກການພົວພັນຂຶ້ນສູ່ລະດັບຄູ່ຮ່ວມມືຍຸດທະສາດ ເນື່ອງໃນໂອກາດການຢ້ຽມຢາມໄທ ຂອງທ່ານເລຂາທິການໃຫຍ່ ຫງວຽນຟູຈ້ອງ ເມື່ອເດືອນ 6/2013.
ທ່ານ ອະນຸສົນ ຈີນວັນໂນ, ເອກອັກຄະລັດຖະທູດໄທ ປະຈຳຫວຽດນາມ
|
ນັບແຕ່ທ້າຍປີ 2012, ເພື່ອກະກຽມໃຫ້ແກ່ເລື່ອງຍົກການພົວພັນລະຫວ່າງສອງປະເທດ ຫວຽດນາມ ແລະ ໄທຂຶ້ນເປັນລະດັບຄູ່ຮ່ວມມືຍຸດທະສາດ, ການນຳລັດຖະບານ ແລະ ສະພາແຫ່ງຊາດສອງປະເທດ ໄດ້ມີການພົບປະຄັ້ງຕ່າງໆ, ພິເສດແມ່ນການປະຊຸມຄະນະລັດຖະບານລວມຄັ້ງທີ 2 ເມື່ອເດືອນ 11/2012 ເພື່ອລົງນາມໃນບັນດາເອກະສານທີ່ກ່ຽວຂ້ອງ. ກ້າວເຂົ້າສູ່ປີ 2013, ຕໍ່ຈາກບັນດາການເຄື່ອນໄຫວດັ່ງກ່າວ, ສອງຝ່າຍສືບຕໍໍ່ຊຸກຍູ້ການຮ່ວມມືໃນທຸກຂົງເຂດ, ພິເສດໃນດ້ານການທູດປະຊາຊົນ. ເລື່ອງສ້າງຕັ້ງສະມາຄົມມິດຕະພາບໄທ-ຫວຽດນາມ, ຫວຽດນາມ-ໄທ ຢູ່ບັນດາແຂວງ, ນະຄອນ, ທ້ອງຖິ່ນຕ່າງໆ, ພິເສດຢູ່ພາກກາງຫວຽດນາມ ໄດ້ຊ່ວຍໃຫ້ການໄປມາ, ພົບປະແລກປ່ຽນລະຫວ່າງປະຊາຊົນສອງປະເທດແມ່ນສະດວກກວ່າ. ນອກນັ້ນ, ລາຍການພົບປະແລກປ່ຽນຊາວຫນຸ່ມກໍໄດ້ປະກອບສ່ວນຊຸກຍູ້ການຮ່ວມມື ແລະ ເຂົ້າອົກເຂົ້າໃຈລະຫວ່າງປະຊາຊົນສອງປະເທດ. ທ່ານ ອະນຸສົນ ຈີນວັນໂນ, ເອກອັກຄະລັດຖະທູດໄທ ປະຈຳຫວຽດນາມ ຕີລາຄາວ່າ:
ສຽງທ່ານ ອະນຸສົນ
ໃນຖະແຫລງການຮ່ວມຂອງທ່ານເລຂາທິການໃຫຍ່ ຫງວຽນຟູຈ້ອງ ແລະ ທ່ານນາງນາຍົກລັດຖະມົນຕີໄທ ຍີ່ງຣັກ ຊີນະວັດ ເນື່ອງໃນໂອກາດຢ້ຽມຢາມໄທຂອງທ່ານເລຂາທິການໃຫຍ່ ຫງວຽນຟູຈ້ອງ ເມື່ອເດືອນ 6 ປີ 2013, ສອງຝ່າຍໄດ້ເນັ້ນຫນັກຢ່າງແຮງເຖິງບັນດາຂົງເຂດຮ່ວມມືລະອຽດຄື: ເພີ່ມທະວີການເຈລະຈາດ້ານການເມືອງຍຸດທະສາດ, ພ້ອມກັນແກ້ໄຂບັນດາສິ່ງທ້າທາຍກ່ຽວກັບອາດຊະຍາກຳ ແລະ ອາດຊະຍາກຳຂ້າມຊາດ, ຢືນຢັນຄືນ ບໍ່ອະນຸຍາດບໍ່ວ່າບຸກຄົນຫລືອົງການໃດນຳໃຊ້ ຜືນແຜນດິນຂອງປະເທດຕົນເພື່ອປະຕິບັດບັນດາການເຄື່ອນໄຫວຕ້ານຄືນປະເທດອື່ນ, ເພ່ີມທະວີການຮ່ວມສຳພັນໃນອາຊຽນ, ເສີມຂະຫຍາຍບົດບາດໃຈກາງຂອງ ອາຊຽນ ໃນອົງປະກອບພາກພື້ນ, ເພື່ອສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ. ເມື່ອຕີລາຄາກ່ຽວກັບສິ່ງດ່ັງກ່າວ, ທ່ານ ເອກອັກຄະລັດຖະທູດ ອະນຸສົນ ຈີນວັນໂນ ໃຫ້ຮູ້ວ່າ:
ສຽງທ່ານ ອະນຸສົນ
ເມື່ອໃຫ້ຂໍ້ສັງເກດກ່ຽວກັບການຮ່ວມມືລະຫວ່າງຫວຽດນາມ ແລະ ໄທ ໃນຂົງເຂດຮ່ວມມື ອາຊຽນ, ທ່ານເອກອັກຄະລັດຖະທູດ ອະນຸສົນ ຈີນວັນໂນ ຢືນຢັນວ່າ:
ສຽງທ່ານ ອະນຸສົນ
ເພື່ອປະຕິບັດຫັນການພົວພັນຄູ່ຮ່ວມມືຍຸດທະສາດໃຫ້ປະກົດຜົນເປັນຈິງ, ທີ່ກອງປະຊຸມຮ່ວມຂັ້ນລັດຖະມົນຕີການຕ່າງປະເທດຢູ່ ບາງກອກ ໃນທ້າຍປີ 2013, ສອງຝ່າຍໄດ້ປຶກສາຫາລືແຜນການເຄື່ອນໄຫວລະອຽດ ແລະ ເປັນເອກະພາບຈະລໍຖ້າຈຸດເວລາທີ່ສະດວກເພື່ອໃຫ້ລັດຖະບານສອງປະເທດຮັບຮອງເອົາ ແລະ ຜັນຂະຫຍາຍເຖິງບັນດາກະຊວງ, ຄະນະ, ຂະແຫນງການ.. ຈາກບັນດາໝາກຜົນຂອງປີ 2013, ອາດຈະເຊື່ອໝັ້ນວ່າ ການພົວພັນລະຫວ່າງຫວຽດນາມ ແລະ ໄທ ຈະມີສັນຍານດີໃຫມ່ໃນປີ 2014 ແລະ ໃນຊຸມປີຕໍ່ໄປ.