ຄະນະຜູ້ແທນຫ້ອງວ່າການສູນກາງພັກຫວຽດນາມ ຢ້ຽມຢາມ ລາວ
ທ່ານ ເຈີ່ນກວກເວື້ຶອງ, ຫົວໜ້າຫ້ອງວ່າການສູນກາງພັກກອມມູນິດຫວຽດນາມນຳໜ້າ ຄະນະຜູ້ແທນຫ້ອງວ່າການສູນກາງພັກກອມມູນິດຫວຽດນາມໄດ້ມີການຢ້ຽມຢາມ ສປປ ລາວ
(vovworld)ວັນທີ 8/2, ຢູ່ສຳນັກງານສູນກາງພັກປະຊາຊົນປະຕິວັດລາວ, ທ່ານ ບຸນຍັງ ວໍລະຈິດ, ກຳມະການກົມການເມືອງ, ຜູ້ປະຈຳການຄະນະເລຂາ, ຮອງປະທານປະເທດ ສປປ ລາວ ໄດ້ໃຫ້ການຕ້ອນຮັບຄະນະຜູ້ແທນຫ້ອງວ່າການສູນກາງພັກກອມມູນິດຫວຽດນາມ ໂດຍທ່ານ ເຈີ່ນກວກເວື້ຶອງ, ຫົວໜ້າຫ້ອງວ່າການສູນກາງພັກກອມມູນິດຫວຽດນາມນຳໜ້າ, ທີ່ພວມຢູ່ຢຽມຢາມລາວແຕ່ວັນທີ 7 – 12/2. ທ່ານຮອງປະທານປະເທດ ບຸນຍັງ ວໍລະຈິດ ຢືນຢັນວ່າການພົວພັນມິດຕະພາບແບບພິເສດລະຫວ່າງ ຫວຽດນາມ - ລາວ ແມ່ນຊັບສົມບັດອັນລ້ຳຄ່າຂອງ 2 ຊາດຄວນໄດ້ຮັບການຮັກສາ ແລະ ພັດທະນາຢ່າງບໍ່ຢຸດຢັ້ງ, ສະແດງຄວາມຫວັງວ່າ: ໃນໄລຍະທີ່ຈະມາເຖິງ 2 ຝ່າຍຈະຊຸກຍູ້ການຮ່ວມມື, ເພີ່ມທະວີການພົບປະ, ແລກປ່ຽນບົດຮຽນດ້ານວິຊາການ, ສ້າງຜົນງານອັນແທດຈິງເພື່ອສະເຫຼີມສະຫຼອງບັນດາເຫດການໃຫຍ່ໃນປີ 2012 ເຊິ່ງແມ່ນປີແຫ່ງຄວາມສາມັກຄີມິດຕະພາບຫວຽດນາມ - ລາວ. ທ່ານ ເຈີ່ນກວກເວື້ອງ ເນັ້ນໜັກວ່າ: ພັກ ແລະ ລັດຖະບານຫວຽດນາມຖືເປັນສຳຄັນ ແລະ ຈັດຕັ້ງບັນດາລາຍການສະເຫຼີມສະຫຼອງປີແຫ່ງຄວາມສາມັກຄີມິດຕະພາບຫວຽດນາມ - ລາວ 2012 ຢ່າງລອບຄອບຖີ່ຖ້ວນ. ຫ້ອງວ່າການສູນກາງ 2 ປະເທດຈະເຮັດຈົນສຸດຄວາມສາມາດຂອງຕົນ, ປະກອບສ່ວນເພີ່ມພູມຄຸນສ້າງສາຍພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ ໃຫ້ນັບມື້ນັບພັດທະນາ.