(vovworld)- ເປັນຄັ້ງທຳອິດ ທີ່ມີເດັກນ້ອຍເກືອບ 300 ຄົນທີ່ມາຈາກ 7 ປະເທດໃນກຸ່ມ ອາຊຽນຄື: ອິນໂດເນເຊຍ, ລາວ, ໄທ, ສິງກະໂປ, ຟິລີບປີນ, ມາເລເຊຍ ແລະ ຫວຽດນາມ ໄດ້ເຕົ້າໂຮມກັນຢູ່ນະຄອນຫລວງ ຮ່າໂນ້ຍ ເພື່ອເຂົ້າຮວ່ມງານມະໂຫລານເດັກນ້ອຍ ອາຊຽນ ປີ 2016. ບັນດາຫລານນ້ອຍໃນເກນອາຍຸ ແຕ່ 9-15 ປີ, ໄດ້ຜ່ານຜ່າຮົ້ວກີດຂວາງດ້ານວັດທະນະທຳ, ດ້ານພາສາ ເພື່ອພ້ອມກັນເຂົ້າຮ່ວມການເຄື່ອນໄຫວຫລາຍຢ່າງທີ່ມີປະໂຫຍດໃນງານມະໂຫລານ ດ້ວຍຫົວຂໍ້ “ວິໄສທັດດຽວ, ສີສັນດຽວ, ປະຊາຄົມດຽວ”. ນີ້ແມ່ນແນວຄວາມຄິດໂດຍຫວຽດນາມ ເປັນຜູ້ລິເລີ່ມ ແລະ ເປັນເຈົ້າພາບຈັດຕັ້ງ. ຈຸດເດັ່ນຂອງງານມະໂຫລານ ແມ່ນງານລາຕີສິລະປະ ຊື່ງດຳເນີນໄປໃນຕອນຄ່ຳວັນເດັກສາກົນ ທີ 1/6.
ງານມະໂຫລານເດັກນ້ອຍອາຊຽນ ປີ 2016
ພາບ:vtv
|
ເວລາ 8 ໂມງຄ່ຳຂອງວັນທີ 1/6, ບັນຍາກາດໃນເວທີສະແດງ ຂອງໂທລະພາບຫວຽດນາມ ມີຄວາມຄຶກຄື້ນມ່ວນຊື່ນດ້ວຍສຽງດົນຕີ ແລະ ປະດັບປະດາບັນດາຮູບພາບທີ່ເປັນສີສັນວັດທະນະທຳບັນດາປະເທດອາຊຽນ. ເວທີສະແດງໄດ້ຮັບການປະດັບປະດາຢ່າງລອບຄອບຖີ່ຖ້ວນ, ມີຮູບພາບທຸງຊາດບັນດາປະເທດ ອາຊຽນ ຖືກສາຍຜ່ານຫນ້າຈໍ led, ຫລານນ້ອຍ ຮົ່ງມີງ ຊື່ງແມ່ນຜູ້ໄດ້ຮັບລາງວັນທີຫນຶ່ງໃນງານປະກວດສຽງເພງສະຫງວນໃຫ້ແກ່ເດັກນ້ອຍຫວຽດນາມ ປີ 2015 ໄດ້ຂັບຮ້ອງບົດເພງທີ່ມີຊື່ວ່າ: “ງານມະໂຫລານເດັກນ້ອຍໂລກ” ພ້ອມກັບວົງດົນຕີປະສານສຽງຂອງສູນວັດທະນະທຳເມືອງບາດີງ ຮ່າໂນ້ຍ. ໃນທາມກາງສຽງດົນຕີນັ້ນ, ເດັກນ້ອຍບັນດາປະເທດ ອາຊຽນ ໃນຊຸດອາພອນປະຈຳເຜົ່າທີ່ເຫລື້ອມແວວວາວ, ມືຈັບທຸງຊາດ ໄດ້ຍ່າງອອກເວທີສະແດງຕາມລຳດັບດ້ວຍ ໃບຫນ້າຍີ່ມແຍ້ມແຈ່ມໃສ.
“ຫລານມີຄວາມຮູ້ສຶກຕື່ນເຕັ້ນໃຈທີ່ສຸດເພື່ອໄດ້ຂຶ້ນເວທີສະແດງບົດຟ້ອນຂອງຕົນ. ບົດຟ້ອນນີ້ ຫລານໄດ້ຝືກແອບມາເປັນເວລາ 1 ເດືອນແລ້ວ, ຫວັງວ່າ ມັນຈະສ້າງຄວາມປະທັບໃຈໃຫ້ແກ່ຜູ້ຊົມ”
Zainee, ອາຍຸ 15 ປີ ມາຈາກ ສິງກະໂປ ໃນຊຸດໂສ້ງເສື້ອສີເຫລືອງເຫລືອມແວວວາວພວມລໍຖ້າຮອດລາຍການສະແດງຂອງຕົນ. ຫລານນ້ອຍ 6 ຄົນມາຈາກສິງກະໂປ ໄດ້ນຳເອົາວາດຟ້ອນ Melting pot nation ທີ່ຟົດຟື້ນຂອງປະເທດຕົນມາສະແດງຢູ່ງານມະໂຫລານ. ນີ້ແມ່ນລາຍການໄດ້ຮັບການກະກຽມຢ່າງລະອຽດນັບທາງດ້ານ ແນວຄວາມຄິດ, ເລືີ່ອງຈັດການສະແດງກໍຄືຊຸດອາພອນ. Zainee ແບ່ງປັນຕື່ມອີກວ່າ:
“ເຖິງວ່າ ນ້ອງເຄີຍຮຽນສະເພາະກ່ຽວກັບການເຕັ້ນ hiphop ແລະ newsyle ແຕ່ດົນນານແລ້ວ. ແຕ່ເພື່ອຮັບໃຊ້ໃຫ້ Festival ຄັ້ງນີ້ ພວກນ້ອງໄດ້ຝືກແອບວາດຟ້ອນໃຫມ່ ໂດຍມີການປະສົມປະສານລະຫວ່າງວາດຟ້ອນຂອງສິງກະໂປ, Malayu, ອິນເດຍ ແລະ ຈີນ. ເຖິງວ່າ ບໍ່ຍາກປານໃດ ແຕ່ຕ້ອງຕັ້ງໃຈທີ່ສຸດຈຶ່ງສະແດງຖືກຕາມເນື້ອໃນຈິດໃຈຂອງວາດຟ້ອນໄດ້.”
ພວກຫລານນ້ອຍລາວເຂົ້າຮ່ວມງານມະໂຫລານ
|
ສ່ວນບັນດາຫລານຍິງມາຈາກໄທ ໄດ້ນຳມາໃຫ້ງານມະໂຫລານຄັ້ງນີ້ວາດຟ້ອນລຳວົງທີ່ເປັນມູນເຊື້ອ. ໃນຊຸດອາພອນສີເຫລືອງຂອງລາຊະວົງ ພວກຫລານໄດ້ສະແດງວາດຟ້ອນພື້ນເມືອງຂອງ 4 ພາກຢູ່ໄທຄື: ພາກເຫນືອ, ພາກອີສານ, ພາກກາງ ແລະ ພາກໃຕ້.
ສ່ວນລາຍການສະແດງຂອງບັນດາຫລານນ້ອຍມາຈາກສູນວັດທະນະທຳ ເຍົາວະຊົນຂອງລາວໄດ້ສ້າງຄວາມດູດດື່ມໃຫ້ແກ່ຜູ້ຊົມ ດ້ວຍໃບຫນ້າເປັນຕາຮັກ, ສຽງເພງສົດໃສ ແລະ ວາດຟ້ອນທີ່ອ່ອນຊ້ອນ ວາດຟ້ອນໄດ້ເຮັດໃຫ້ຜູ້ຊົມນຶກເຫັນເຖິງບັນດາດອກຈຳປາທີ່ສວຍງາມຂອງລາວ. ນ້ອງ ຈີນລະວັນ ພົນວິຈິດ, ຜູ້ຂັບຮ້ອງບົດເພງປະຈຳເມືອງລາວແບ່ງປັນວ່າ:
ສຽງ ຈີນລະວັນ
ສ່ວນບັນດາຫລານນ້ອຍມາຈາກປະເທດ ອິນໂດເນເຊຍ ໃນຊຸດອາພອນສີດຳ, ສີເຫລືອງໃສ່ໝວກທີ່ປະກອບດ້ວຍຂົນຍາວ ພ້ອມກັບຄູ່ປີກສີແດງ ໃນທຳນອງເພງສະແດງວາດຟ້ອນໄດ້ສ້າງຄວາມຈັບອົກຈັບໃຈໃຫ້ແກ່ຜູ້ຊົມ. ທ່ານນາງ Neni Suryani, ຜູ້ອຳນວຍການສູນວັດທະນະທຳ Sanggar Seni& Rias Citra ໃຫ້ຮູ້ວ່າ: ລາຍການນີ້ຍາດໄດ້ຫລາຍລາງວັນຢູ່ພາຍໃນ ແລະ ຕ່າງປະເທດ.
ພວກຫລານນ້ອຍລາວສະແດງລາຍການສິລະປະ
|
“ພວກຫລານນ້ອຍມາຈາກ ສູນສິລະປະ Sanggar Seni&Rias, Java. ເຂົ້າຮ່ວມງານມະໂຫລານຄັ້ງນີ້ ພວກຫລານນຳເອົາວາດຟ້ອນ Jaipongan ແລະ Garuda Ngapak ມາແນະນຳໃຫ້ຜູ້ຊົມຫວຽດນາມ. ພວກຫລານນອ້ຍໄດ້ມີໂອກາດພົບປະກັບໝູ່ເພື່ອນຫວຽດນາມ ແລະ ມີຄວາມເຂົ້າໃຈກ່ຽວກັບວັດທະນະທຳບັນດາປະເທດກວ່າ. ຂ້າພະເຈົ້າຫວັງວ່າ ປີໃດກໍຈະໄດ້ເຂົ້າຮ່ວມເຫດການຄືແນວນີ້ເພື່ອເພີ່ມທະວີຄວາມສາມັກຄີລະຫວ່າງບັນດາປະເທດໃນອາຊຽນກວ່າ. ການກະກຽມຂອງຫວຽດນາມ ໃຫ້ແກ່ Festival ຄັ້ງນີ້ແມ່ນລອບຄອບຖີ່ຖ້ວນທີ່ສຸດ.”
ບັນດາລາຍການສະແດງຂອງປະເທດເຈົ້າພາບຫວຽດນາມ ລ້ວນແຕ່ມີສີສັນພື້ນເມືອງ ໂດຍຫລານນ້ອຍ 75 ຄົນສະແດງ ໄດ້ສ້າງຄວາມຈັບອົກຈັບໃຈໃຫ້ເພື່ອນມິດສາກົນ.
ສຽງຈີນລາວັນ
ງານມະໂຫລານສິ້ນສຸດລົງດ້ວຍບົດເພງ A song of peace ໂດຍພວກນ້ອງ ມາຈາກ 7 ປະເທດສະແດງ. ບົດເພງ ເວົ້າເຖິງຄວາມຮັກຕໍ່ປະເທດຊາດ, ຮັກຫອມສັນຕິພາບ, ຄວາມເສລີພາບ, ໄມຕິຈິດ ແລະ ຄວາມປ່ອງດອງລະຫວ່າງບັນດາປະເທດໃນກຸ່ມ ອາຊຽນ. ນີ້ກໍແມ່ນບົດເພງໂດຍວິທະຍຸກະຈາຍສຽງຫວຽດນາມ ເລືອກເຟັ້ນເພື່ອ ອັດ MV ດົນຕີ, ເພື່ອສົ່ງສານກ່ຽວກັບຊາຍຄາ ອາຊຽນ “ວິໄສທັດດຽວ, ສີສັນດຽວ, ປະຊາຄົມດຽວ” ຢ່າງຈະແຈ້ງກວ່າ.
ໃນຂອບເຂດງານມະໂຫລານເດັກນ້ອຍປີ 2016 ຊື່ງດຳເນີນແຕ່ວັນທີ 28/5-2/6, ບັນດາພວກນ້ອງ ອາຊຽນ ຍັງໄດ້ເຂົ້າຮ່ວມການເຄື່ອນໄຫວທີ່ມີປະໂຫຍດຫລາຍຢ່າງຄື: ໄປທັດສະນະສຶກສາບັນດາສະຖານທີ່ທ່ອງທ່ຽວລືຊື່ຢູ່ ຮ່າໂນ້ຍ, ເຂົ້າຮ່ວມລາຍການທ່ອງທ່ຽວ Homestay ແລະ ຊົມລາຍການຕຸກກະຕານ້ຳ.