(vovworld)- ກົນຈັກເອເລັກໂຕນິກ ແມ່ນການປະສົມລະຫວ່າງເຕັກນິກກົນຈັກ, ເຕັກນິກເອເລັກໂຕນິກ ແລະ ເຕັກນິກຄອມພິວເຕີ ເພ່ື່ອຜະລິດບັນດາຜະລິດຕະພັນທີ່ມີຄຸນລັກສະນະພົ້ນເດັ່ນຄື: robot ຫລືບັນດາລະບົບກົນຈັກອັດຕະໂນມັດໃນຕ່ອງໂສ້ການຜະລິດອຸດສາຫະກຳ. ວິຊາກົນຈັກເອເລັກໂຕນິກ ຫາກໍ່ປະກົດອອກຢູ່ໄທໃນໄລຍະ 10 ປີມານີ້. ເຖິງຢ່າງໃດກໍຕາມ, ເລື່ອງຮ່ຳຮຽນ ແລະ ຊອກຮູ້ກ່ຽວກັບຂະແຫນງນີ້ຢູ່ໄທ ມີທ່າອ່ຽງນັບມື້ນັບເພີ່ມຂຶ້ນ ບໍ່ພຽງແຕ່ສຳລັບໄວຫນຸ່ມເທົ່ານັ້ນ ຫາກນັບທັງນັກວິສາວະກອນ ແລະ ນາຍຊ່າງຢູ່ບັນດາຂະແຫນງອື່ນຄື: ກົນຈັກ, ໄຟຟ້າ, ສ້ອມແປງລົດໂອໂຕອີກດ້ວຍ. ສາຍເຫດ ນັ້ນແມ່ນ ຍ້ອນກົນຈັກເອເລັກໂຕນິກແມ່ນຂະແຫນງຫນຶ່ງທີ່ຂາດບໍ່ໄດ້ໃນບັນດາໂຮງງານອຸດສາຫະກຳ, ໃນຂະນະ ປະຈຸບັນ ໄທມີໂຮງງານອຸດສາຫະກຳ ກວ່າ 140.000 ແຫ່ງ.
ນ້ອງ ຊັກກາພົງ ເໝືອງແສນ ນັກສຶກສາພະແນກໄຟຟ້າ ຢູ່ ຊຽງໄໝ່, ຮຽນອາຊີບ ກົນຈັກໄຟຟ້າຕື່ມອີກ ຢູ່ ໂຮງຮຽນ Rajamanga University of Technology Lanna ກວ່າ ຫນຶ່ງປີ. ທຳມະດາ, ຊັກກາພົງ ເຝິກງານກົນຈັກເອເລັກໂຕນິກ ໃນຕອນຄ່ຳພາຍຫລັງເລິກຮຽນທຸກມື້ໃນອາທິດ ແລະ ທ້າຍອາທິດ. ຫນ່ວຍຂອງ ຊັກກາພົງ ລວມມີ 2 ຄົນ, ຊັກກາພົງ ຮັບຜິດຊອບການຕິດຕັ້ງອຸປະກອນຂອງ ບໍລິສັດ Festo ນຳເຂົ້າຈາກ ເຢຍລະມັນ, ສ່ວນເພື່ອນຂອງ ຊັກກາພົງ ຮັບຜິດຊອບ ຊອບແວ ແລະ ສ້າງ ປະໂລແກຼມ . ຊັກກາພົງ ແມ່ນຫນຶ່ງໃນຈຳນວນນັກສຶກສານັບຮ້ອຍຄົນທີ່ຮຽນວິຊາກົນຈັກໄຟຟ້າໃນໄລຍະ 3-4 ປີ ຢູ່ ມະຫາວິທະຍາໄລ 16 ແຫ່ງຂອງໄທ. ຊັກກາພົງ ແບ່ງປັນວິວັດການຮຽນວ່າ.
ສຽງ ຊັກກາພົງ
ຊັກກາພົງ ເໝືອງແສນ ພ້ອມກັບເພື່ອນໃນການແຂ່ງຂັນສີມື
ແຮງງານ ອາຊຽນ ຈັດຂຶ້ນຢູ້ ຮ່າໂນ້ຍໃນເດືອນ 10/2014
ພາບ:vov
|
ໃນຊຸຸມປີຜ່ານມາ, ກົມພັດທະນາສີມືແຮງງານ ຊື່ງແມ່ນຫົວຫນ່ວຍຈັດຕັ້ງການບຳລຸງສ້າງສີມືແຮງງານໄທ ຍາມໃດກໍເອົາໃຈໃສ່ຊຸກຍູ້ບັນດາມະຫາວິທະຍາໄລເປີດຂະແຫນງກົນຈັກເອເລັກໂຕນິກ ແລະ ບຳລຸງສ້າງເຕັກໂນໂລຊີໃຫມ່ໃຫ້ແກ່ບັນດາພະນັກງານໃນໂຮງງານອຸດສາຫະກຳ. ຄຽງຄູ່ກັນນັ້ນ ແມ່ນດຳເນີນການກວດກາສີມືແຮງງານໃຫ້ແກ່ພວກນ້ອງພາຍຫລັງຮຽນຈົບຂະແຫນງຕາມມາດຖານສີມືແຮງງານໂລກ. ທ່ານໂກເມກ ປີຢາພັນ, ຜູ້ຊ່ຽວຊານສອນກົນຈັກເອເລັກໂຕນິກຂອງກົມພັດທະນາສີມືແຮງງານມາເປັນເວລາ 15 ປີໃຫ້ຮູ້ວ່າ:
ສຽງທ່ານໂກເມກ
ປະຈຸບັນ, ການສອນອາຊີບກົນຈັກເອເລັກໂຕນິກ ໄດ້ຮັບການຫນູນຊ່ວຍຈາກລັດຖະບານໄທ ແລະ ມີການປະສານສົມທົບກັບຫລາຍຝ່າຍທີ່ມີສ່ວນກ່ຽວຂ້ອງ. ທ່ານນາງ ປຸນຣີກ ສະມິຕິ, ຫົວຫນ້າກົມພັດທະນາສີມືແຮງງານໄທ ໃຫ້ຮູ້ວ່າ:
ສຽງທ່ານນາງ ປຸນຣິກ
ເພື່ອຮັບປະກັນຄຸນນະພາບການສິດສອນ, ຄຽງຄູ່ກັບການນຳເຂົ້າອຸປະກອນເຝິກງານກົນຈັກເອເລັກໂຕນິກ, ກົມພັດທະນາສີມືແຮງງານ ຍັງເອົາໃຈໃສ່ເຖິງວຽກງານບຳລຸງສ້າງຖັນແຖວຄູສອນໃນບັນດາມະຫາວິທະຍາໄລ. ຄູສອນວິຊາກົນຈັກເອເລັກໂຕນິກ ລ້ວນແຕ່ໄດ້ຮັບການບຳລຸງສ້າງຈາກຜູ້ຊ່ຽວຊານເຢຍລະມັນ. ນອກນັ້ນ ກົມພັດທະນາສີມືແຮງງານຍັງຈັດສົ່ງຄູສອນໄປຮຽນຢູ່ ຍີ່ປຸ່ນ ໃນໄລຍະ 4 ປີ, ຫລັງຈາກນັ້ນກັບຄືນເມືອປະເທດສອນໃຫ້ພວກນ້ອງພາຍໃນປະເທດ. ກ່ຽວກັບຄວາມຕ້ອງການວຽກງານກົນຈັກເອເລັກໂຕນິກຢູ່ໄທ, ທ່ານ ໂກເມກ ປີຢາພັນ ຕີລາຄາວ່າ:
ສຽງທ່ານ ໂກເມກ ປີຢາພັນ
ທິມໄທໄດ້ຮັບຫລຽນທອງໃນການແຂ່ງຂັນສີມືແຮງງານອາຊຽນ
ພາບ:vov
|
ທ່ານໂກເມກ ສະແດງຄວາມໄວ້ເນື້ອເຊື່ອໃຈວ່າ: ຂະແຫນງກົນຈັກເອເລັກໂຕນິກຈະນັບມື້ນັບພັດທະນາ, ບໍ່ພຽງແຕ່ຢູ່ໄທເທົ່ານັ້ນ ຫາກຍັງຢູ່ບັນດາປະເທດ ອາຊຽນ ອີກດ້ວຍ. ເພາະວ່າ ບັນດາປະເທດຄື ໄທ, ຫວຽດນາມ, ອິນໂດເນເຊຍ, ສິງກະໂປ, ກຳປູເຈຍ.. ນັບມື້ນັບນຳໃຊ້ຫລາຍລະບົບອັດຕະໂນມັດໃນບັນດາໂຮງງານອຸດສາຫະກຳຕາມທ່າອ່ຽງພັດທະນາຂອງວິທະຍາສາດເຕັກໂນໂລຊີໂລກ.