(vovworld)-ຍ່າງເລາະຫລິ້ນຢູ່ໃຕ້ນຳ້ທະເລ, ດຳນຳ້ເພື່ອຊົມຫີນປະກາລັງ, ຢ້ຽມຢາມບ້ານວັດທະນະທຳ Mari, ຂຶ້ນຈອມພູສູງກວ່າໝູ່ຢູ່ອາຊີຕາເວັນອອກສຽງໃຕ້ ດ້ວຍຄວາມສູງ 4.095 ແມັດ ແມ່ນສິ່ງທີ່ດຶງດູດນັກທ່ອງທ່ຽວເມ່ືອມາຢ້ຽມຢາມນະຄອນ Kinabalu. ໃນລາຍການຊາຍຄາອາຊຽນພາກນີ້ ເຊີນທ່ານແວ່ຢາມນະຄອນ Kinabalu ຂອງມາເລເຊຍ ຜ່ານບົດຂຽນຂອງນັກຂ່າວ ມີງງອກ ທີ່ພາດຫົວເລື່ອງວ່າ: ນະຄອນ Kinabalu - ສະຖານທີ່ທ່ອງທ່ຽວທີ່ສ້າງຄວາມປະທັບໃຈຂອງມາເລເຊຍ
ນະຄອນ Kinabalu ຕັ້ງຢູ່ແຄມທະເລທາງທິດຕາເວັນຕົກສຽງເຫນືອຂອງເກາະ Borneo, ຊື່ງແມ່ນເກາະແຫ່ງໃຫຍ່ທີ່ 3 ໃນໂລກ, ຫ່າງຈາກນະຄອນຫລວງ ກົວລາລຳເປີ ໄປທາງທິດຕາເວັນອອກປະມານ 1627 ກິໂລແມັດ. ຈາກນະຄອນຫລວງ ບາງກອກປະເທດໄທ ຫລືນະຄອນຫລວງ ຢາກາກຕາ ປະເທດອິນໂດເນເຊຍ, ນັກທ່ອງທ່ຽວສາມາດຂີ່ຍົນໄປເຖິງນະຄອນ Kinabalu ໂດຍກົງໄດ້. ສ່ວນນັກທ່ອງທ່ຽວມາຈາກປະເທດອື່ນຢູ່ພາກພື້ນ ອາຊີຕາເວັນອອກສຽງໃຕ້ ຕ້ອງພັກຢູ່ນະຄອນຫລວງ ກົວລາລຳເປີ ຄືນຫນຶ່ງ, ຮອດເຊົ້າມື້ຕໍ່ມາຈະສືບຕໍ່ຂີ່ຍົນໄປ ນະຄອນ Kinabalu ໃນເວລາ 2 ຊົ່ວໂມງເຄ່ິງ. ດ້ວຍເນື້ອທີ່ 351 ຕາລາງກິໂລແມັດ, ເທົ່າກັບ 2/3 ເນື້ອທີ່ຂອງນະຄອນຫລວງ ກົວລາລຳເປີ, Kinabalu ຖືກປົກຄຸມໄປດ້ວຍສີຂຽວຂອງທະເລ, ພູຜາປ່າໄມ້, ແລະ ຕົ້ນໄມ້ໃບຫຍ້າ, ພ້ອມກັບຫາດຊາຍທະເລທີ່ຍາວຢຽດ ແລະ ສວຍງາມ. ເພື່ອນ ເຈືອງງອກແອງ, ນັກທ່ອງທ່ຽວມາຈາກ ຫວຽດນາມ ຫາກໍ່ໄປທ່ອງທ່ຽວ Kinabalu ໃຫ້ຮູ້ວ່າ:
“ຂ້າພະເຈົ້າເຫັນວ່າ ທະເລແຫ່ງນີ້ບໍ່ທັດທຽມກັບທະເລແຫ່ງອື່ນຢູ່ ຟີລີບປີນ. ແຕ່ຢູ່ທີ່ນີ້ ມີຫີນປະກາລັງ ແລະ ປາຫລາຍກວ່າ. ສະນັ້ນ ເມື່ອອາບນຳ້ທະເລຢູ່ທີ່ນີ້ ຄືດັ່ງໄດ້ອາບນຳ້ກັບປາ. ບໍ່ຈຳເປັນອອກໄກຈາກຝັ່ງກໍສາມາດເຫັນປາໄດ້. ປາລອຍຢູ່ອ້ອມແອ້ມ, ນີ້ກໍແມ່ນສິ່ງທີ່ແຕກຕ່າງກັບທະເລແຫ່ງອື່ນ.”
ເກາະ Borneo
photo:internet
|
ມາຢ້ຽມຢາມ Kinabalu, ນັກທ່ອງທ່ຽວເຄີຍເລົ່າສູ່ກັນຟັງວ່າ “ມາຢ້ຽມຢາມ ແຫ່ງນີ້ແຕ່ບໍ່ທັນແວ່ຢາມສວນມະຫາສະມຸດວິທະຍາ Tunku Abdul Rahman ກໍໝາຍຄວາມວ່າບໍ່ທັນມາຢ້ຽມຢາມ Kinabalu ເທື່ອ.” ຂ່ີ ກາໂນຈາກນະຄອນ Kinabalu ໃນເວລາປະມານ 20 ນາທີ່, ນັກທ່ອງທ່ຽວຈະໄປຮອດສວນມະຫາສະມຸດວິທະຍາ Tunku Abdul Rahman. Tunku Abdul Rahman ແມ່ນແຫ່ງທີ່ີມີຊື່ສຽງດ້ວຍສັດທະເລ ແລະ ຫີນປະກາລັງຫລາຍປະເພດ. ມາແຫ່ງນີ້ ນັກທ່ອງທ່ຽວສາມາດດຳນຳ້, ລອຍນຳ້ຫລືຍ່າງເລາະຫລິ້ນຢູ່ແຄມຫາດຊາຍທະເລ. ພິເສດ ຢູ່ທີ່ນີ້ ມີບໍລິການ Sea Walking ຫລືເອີ້ນວ່າ ຍ່າງເລາະຢູ່ທ້ອງທະເລທີ່ສ້າງຄວາມປະທັບໃຈທີ່ສຸດ. ເພື່ອນ ເລມີງ ນັກທ່ອງທ່ຽວມາຈາກ ຫວຽດນາມ ໃຫ້ຮູ້ວ່າ:
“ຂ້າພະເຈົ້າຖືໝວກໃຫຍ່ ແລະຫນັກ, ຢູ່ເທິງໝວດຕິດລະບົບອົກຊີແຢນແລ້ວຍ່າງເລາະໃນທ້ອງທະເລທີ່ມີຄວາມເລິກປະມານ 5 ແມັດ. ຂ້າພະເຈົ້າເຫັນປາພວມລອຍຢູ່ອ້ອມແອ້ມຕົນ ແລະ ບາງເທື່ອກໍ່ຮູ້ສຶກວ່າຖືກປາກັດ. ຂ້າພະເຈົ້າທັງຮູ້ສຶກປະທັບໃຈ ທັງຢ້ານກົວອີກ.”
ຍັງມີສະຖານທີ່ອີກແຫ່ງຫນຶ່ງທີ່ສ້າງຄວາມປະທັບໃຈ ນັ້ນແມ່ນ ບ້ານວັດທະນະທຳ MariMari. ບ້ານແຫ່ງນີ້ ຕັ້ງຢູ່ເຂດປ່າທີ່ສະຫງົບງຽບ ຫ່າງຈາກ Kinabalu ປະມານ 35 ກິໂລແມັດ. ບ້ານວັດທະນະທຳແຫ່ງນີ້ ໄດ້ວາງສະແດງ ເຮືອນຢູ່ຫຼາຍແບບ ທີ່ເປັນມູນເຊື້ອຂອງບັນດາກົກເຫລົ່າທີ່ດຳລົງຊີວິດຢູ່ເກາະແຫ່ງນີ້ມາແຕ່ດົນນານແລ້ວ. ເມື່ອເຂົ້າເຮືອນແຕ່ລະຫລັງ, ນັກທ່ອງທ່ຽວສາມາດເຈົ້າໃຈໄດ້ການດຳລົງຊີວິດປະຈຳວັນກໍຄືຮີດຄອງປະເພນີຂອງແຕ່ລະກົກເຫົຼ່າ. ຄຽງຄູ່ກັນນັ້ນ ບັນດາພິທີການ ແລະ ຮີດຄອງປະເພນີຂອງ ກົກເຫຼົ່າ Sabaha ກໍໄດ້ຮັບການວາດພາບໃຫ້ເຫັນຢ່າງມີຊີວິດຊີວາ. ເພື່ອນ ເຈືອງງອກແອງ ໃຫ້ຮູ້ວ່າ:
“ ກ່ອນນີ້ ມີ 5 ກົກເຫົຼ່າ ເຄີຍກິນຊີ້ນຄົນ ແຕ່ປະຈຸບັນ ຊີວິດການເປັນຢູ່ຂອງເຂົາເຈົ້າໄດ້ມີການປ່ຽນແປງຫລາຍຢ່າງ. ບ້ານວັດທະນະທຳໄດ້ວາດພາບຊີວິດການເປັນຢູ່ຂອງປະຊາຊົນກົກເຫລົ່າເດີມ ຄື: ວິທີລ່າເນື້ອຂອງເຂົາເຈົ້າຄືແນວໃດ, ວິທີຫາໄຟ, ການປຸກສ້າງເຮືອນຢູ່ດ້ວຍເປືອກໄມ້.”
ມາຢ້ຽມຢາມ Kinabalu, ນັກທ່ອງທ່ຽວຍັງໄດ້ໄປຢ້ຽມຢາມຕະຫລາດຂາຍເຄື່ອງຫັດຖະກຳ,ເຄື່ອງທີ່ເປັນລະນຶກ ໂດຍຊາວ ຟີລີບປີນ ທີ່ຍົກຍ້າຍມາດຳລົງຊີວິດຢູ່ທີ່ນີ້ຜະລິດ. ເພື່ອນ SuJin, ນັກທ່ອງທ່ຽວມາຈາກ ສເກົາຫລີ ໃຫ້ຮູ້ວ່າ:
“ຜູ້ຂາຍເຄື່ອງຢູ່ຕະຫລາດແຫ່ງນີ້ ມີຄວາມຮັກແພງແຂກທີ່ສຸດ. ເຄື່ອງຫັດຖະກຳຢູ່ທີ່ນີ້ ລາຄາບໍ່ແພງປານໃດ. ຢູ່ຕະຫລາດນີ້ຂາຍປອກແຂນ, ສາຍຄໍທີ່ຕິດໄຂ່ມຸກຫລາຍພໍສົມຄວນ. ຂ້າພະເຈົ້າຊື້ໄດ້ປອກແຂນຈຳນວນຫນຶ່ງເພື່ອເປັນຂອງຂວັນມອບ ໃຫ້ຄອບຄົວ.”
ໃນລາຍການຢ້ຽມຢາມ Kinabalu, ນັກທ່ອງທ່ຽວສາມາດຂຶ້ນຈອມພູ Kinabalu, ດ້ວຍຄວາມສູງ 4.095 ແມັດ, ຊື່ງແມ່ນຈອມພູທີ່ໃຫຍ່ໂຕມະໂຫຖານກວ່າໝູ່ຢູ່ ອາຊີຕາເວັນອອກສຽງໃຕ້. ນອກນັ້ນ ນັກທ່ອງທ່ຽວຍັງໄດ້ຮັບຊົມສັດສາວາສິ່ງນາໆຊະນີດຢູ່ທີ່ນີ້, ໃນນັ້ນ ມີດອກໄມ້ Rafflesia ຊ່ືງແມ່ນດອກໄມ້ໃຫຍ່ກວ່າໝູ່ຢູ່ໃນໂລກ. ທຸກສິ່ງທຸກຢ່າງທີ່ທ່ານໄດ້ເຫັນປະຈັກຕາເມື່ອມາຢ້ຽມຢາມນະຄອນ Kinabalu ຈະເປັນອະນຸສອນຍາກທີ່ຈະລືມໄດ້ໃນລາຍການທ່ອງທ່ຽວຂອງຕົນ ຢ່າງແນ່ນອນ.