(vovworld)- ກ່ອນນີ້ 2500 ປີ, ຜ້າ Batik ໄດ້ພົບເຫັນຢູ່ ອິນເດຍ ຫລັງຈາກນັ້ນແຜ່ລາມອອກສູ່ວົງກວ້າງຢ່າງໄວວາ ກາຍເປັນຜ້າແພປະເພດທີ່ມີຊື່ສຽງໃນໂລກ. ທ້າຍສັດຕະວັດທີ 18, ຜ້າ Batik ເຊື່ອມເຂົ້າ ເກາະ Jawa ປະເທດອິນໂດເນເຊຍ ແລະ ນັບມື້ນັບພັດທະນາ. ປີ 2009, ເຕັກນິກການຍ້ອມຜ້າ Batik ແພພື້ນເມືອງຂອງອິນໂດເນເຊຍ ໄດ້ຮັບການຮັບຮອງຈາກ UNESCO ວ່າ ແມ່ນມໍລະດົກວັດທະນະທຳບໍ່ມີຮູບຮ່າງຂອງໂລກ. ເຖິງວ່າ ບໍ່ແມ່ນສະຖານທີ່ກຳເນີດ ຜ້າ Batik ກໍຕາມ, ແຕ່ ອິນໂດເນເຊຍ ໄດ້ຮັບຖືວ່າ ແມ່ນປະເທດຂອງ ຜ້າ Batik, ຊື່ງແມ່ນສະຖານທີ່ຜະລິດ ຜ້າ Batik ງາມກວ່າໝູ່ໃນໂລກ. ປະຈຸບັນ ຜ້າ Batik ກາຍເປັນເຄື່ອງໝາຍການຄ້າຂອງອິນໂດເນເຊຍ ໃນໂລກ. ໃນລາຍການຊາຍຄາອາຊຽນ ພາກນີ້, ພວກເຮົາຂໍແນະນຳ ຜ້າ Batik ສິລະປະພື້ນເມືອງຂອງ ອິນໂດເນເຊຍ.
ຜ້າ Batick ອິນໂດເນເຊຍ
ພາບ:internet
|
“ເຮັດອາຊີບນີ້ ຕ້ອງມີຄວາມດຸໝັ່ນ ແລະ ມີສີມືດີ, ຈຶ່ງຜະລິດ ຜ້າ Batick ໄດ້. ສຳລັບຂ້າພະເຈົ້າເອງ ຍ້ອນມີຄວາມເມົາມົວກັບອາຊີບນີ້ ສະນັ້ນຕົນເອງໄດ້ຕິດພັນກັບການຜະລິດ ຜ້າ Batick ມາເປັນເວລາ 52 ປີແລ້ວ.”
ນັ້ນແມ່ນຄຳແບ່ງປັນຂອງ ລຸງ Widjojo Laksono, ອາຍຸ70 ປີ, ນັກສິລະປະການຂອງໝູ່ບ້ານຜະລິດ ຜ້າ Batik ຢູ່ ນະຄອນເກົ່າ Yogyakarta ປະເທດ ອິນໂດເນເຊຍ. ເຖິງວ່າ ອາຍຸສູງແລ້ວກໍຕາມ ແຕ່ລະມື້ ລຸງ Widjojo ມາໂຮງຈັກຂອງຄອບຄົວເພື່ອຜະລິດ ຜ້າ Batikເປັນປະຈຳ.
ນັ່ງຢູ່ຕໍ່ຫນ້າໂຕະຫນ່ວຍຫນຶ່ງຊື່ງປູດ້ວຍຜ້າຂາວໃຫຍ່, ສອງມືຈັບແຜ່ນທອງ 4 ຫລ່ຽມຖືກແກະຄວັດຮູບ ແລະ ທາຂີ້ເຜິ້ງໃສ່ ແລ້ວ ຕີແຜ່ນທອງລົງຜ້າ ສ້າງເປັນບັນດາລວດລາຍສີເຫລືອງ… ແຕ່ລະມື້ ລຸງ Widjojo Laksono ຜະລິດຜ້າໄດ້ 4 ແຜ່ນ, ແຕ່ລະແຜ່ນຍາວ 2,5 ແມັດ, ກວ້າງ 150 cm.
ໂຮງຈັກຂອງຄອບຄົວລຸງ Widjojo ມີຄົນງານ 10 ຄົນ, ແຕ່ລະຄົນຮັບຜິດຊອບພາກສ່ວນຕ່າງກັນ. ອ້າຍ Agung ຊື່ງແມ່ນລູກຊາຍກົກຂອງລຸງ, ປະຈຸບັນ ແມ່ນເຈົ້າຂອງໂຮງຈັກໄດ້ແບ່ງປັນວ່າ:
“ຂອດທຳອິດແມ່ນເລືອກຜ້າ. ຜ້າ cotton, ຜ້າໄຫມຂາວ. ລວດລາຍຖືກແຕ້ມດ້ວຍມື ຫລືພິມຜ້າໄຫມດ້ວຍຂີ້ເຜີ້ງ. ບັນດາແຜ່ນແພມີລວດລາຍແລ້ວ ຖືກນຳເອົາໄປຍ້ອມສີຕາມຄວາມຕ້ອງການ, ຕໍ່ມາເອົາໄປຕາກແດດ. ຫລັງຈາກນັ້ນ ຈຸ່ມໃສ່ເຄມີເພື່ອເຮັດໃຫ້ຂີ້ເຜີ້ງອອກ ເວລານັ້ນບັນດາລວດລາຍທີ່ໄດ້ແຕ້ມກໍຄືສີຍ້ອມຜ່ານມາຈະແຈ້ງກວ່າ.”
ອ້າຍ Agung Laksono ໃຫ້ຮູ້ວ່າ: ແຕ່ລະມື້ ສະມາຊິກແຕ່ລະຄົນໃນຄອບຄົວຜະລິດ ຜ້າ Batick ໄດ້ 50-90 ແມັດ. ຂັ້ນຕອນຫຍຸ້ງຍາກທີ່ສຸດແມ່ນການແຕ້ມລວດລາຍ ໂດຍແມ່ນພໍ່ແລະອ້າຍ ຊື່ງເປັນຜູ້ມີປະສົບການ ແລະມີສີມືສູງ ຮັບຜິດຊອບ.
ຜ້າBatik ກໍໄດ້ນຳໃຊ້ໃນງານບຸນຕ່າງໆຂອງອິນໂດເນເຊຍ
ພາບ:dulichvietnam.com.vn
|
ສຳລັບ ຜ້າ Batik ແຕ້ມດ້ວຍມື ຕ້ອງໃຊ້ເວລາ 1-2 ຊົ່ວໂມງ. ນັກສິລະປະການ ນຳໃຊ້ canting ຈຳໃສ່ຂີ້ເຜີ້ງ ແລະ ແຕ້ມບັນດາລວດລາຍລະອຽດລະອໍ. ຕົ້ນສັດຕະວັດທີ 20, ເມື່ອປະກົດມີແຜ່ນທອງ, ເຕັກໂນໂລຊີຜະລິດ ຜ້າ Batik ມີການປ່ຽນແປງ. ຜ້າ Batik ໄດ້ຮັບການຜະລິດໄວກວ່າ ແລະ ລາຄາກໍຖືກກວ່າເມື່ອທຽບໃສ່ ຜ້າ Batick ແຕ້ມດ້ວຍມື.
“ກ່ອນນີ້ ຜ້າ Batik ມີສີຂີ້ໝ້ຽງ ແລະ ສີຄາມ. Batik Yogyakarta ແມ່ນມີສີໝາກຄໍ້ ສ່ວນ Batik Solo ແມ່ນສີຂີ້ໝ້ຽງ. ແຕ່ປະຈຸບັນ, Batik ມີຫລາຍສີ ແລະ ອຸດົມສົມບູນກວ່າ. ກ່ຽວກັບລວດລາຍ ແມ່ນແຕ້ມຕາມຮູບ…
ບັນດານັກທ່ອງທ່ຽວເມື່ອມາຢ້ຽມຢາມ ອິນໂດເນເຊຍ ລ້ວນແຕ່ຢາກໄດ້ຜະລິດຕະພັນຈາກຜ້າ Batik ຄື: ເສື້ອ, ຜ້າ, ຜ້າປູໂຕະ ຫລືກະເປົານ້ອຍ. Bob Temple, ນັກທ່ອງທ່ຽວມາຈາກ ອາເມລິກາ ແບ່ງປັນວ່າ:
“ເສື້ອ Batik ງາມ ແລະ ເປັນເອກະລັກສະເພາະ. ນີ້ເປັນຄັ້ງທຳອິດພວກຂ້າພະເຈົ້າຮູ້ສຶກປະທັບໃຈຫລາຍ ເພາະວ່າ ມັນແຕກຕ່າງກັບ style ເສື້ອຢູ່ ອາເມລິກາ. ຂ້າພະເຈົ້າເຄົາລົບນັບຖືບັນດາຄວາມມານະພະຍາຍາມ ແລະ ຄວາມຊຳນານໃນການຜະລິດ ຜ້າ Batikຂອງຊາວອິນໂດເນເຊຍ. ເມື່ອພົບເຫັນຊາວ ອິນໂດເນເຊຍ ນຸ່ງ ເສື້ອ Batick ຂ້າພະເຈົ້າຮູ້ສຶກເອກອ້າງທະນົງໃຈກ່ຽວກັບວັດທະນະທຳ ແລະ ມູນເຊື້ອໄດ້ນຳມາໃຫ້. ຂ້າພະເຈົ້າໄດ້ເລືອກເຟັ້ນໃຫ້ຕົນເອງເສື້ອຜືນຫນຶ່ງທີ່ຕົນມັກ.”
ໂດຍປະກົດຕົວນັບພັນປີແລ້ວ, ຜ້າ Batick ບໍ່ພຽງແຕ່ແມ່ນຂະແຫນງສິລະປະພື້ນເມືອງຂອງອິນໂດເນເຊຍ ເທົ່ານັ້ນ ຫາກຍັງແມ່ນຄວາມເອກອ້າງທະນົງໃຈຂອງປະຊາຊົນອິນໂດເນເຊຍ ອີກດ້ວຍ. ໃນຊຸມມື້ວັນບຸນຕ່າງໆ, ຊາວອິນໂດເນເຊຍ ເຄີຍນຸ່ງເສື້ອ Batik. ພິເສດ ໃນວັນບຸນ Caraval Batik, ບັນດາຜະລິດຕະພັນຈາກຜ້າ Batikຄື: ເສື້ອ, ຜ້າພັນຄໍ ຊ້ຳບໍ່ໜຳ ແມ່ນຜະລິດຕະພັນໄມ້ ຫລືແຕ້ມລວດລາຍ batik ໂດຍກົງຢູ່ຕາມຕົນໂຕ ຖືກມາສະແດງເພື່ອແນະນຳຈຸດວັດທະນະທຳໃຫ້ກັບບັນດານັກທ່ອງທ່ຽວສາກົນ. ປະຊາຊົນ ອິນໂດເນເຊຍ ຍັງໄດ້ກຳນົດເອົາວັນທີ2/9 ແມ່ນວັນ Batik ອິນໂດເນເຊຍ ເພື່ອເຊີດຊູຄຸນຄ່າວັດທະນະທຳກໍຄືສິລະປະຂອງຜະລິດຕະພັນນີ້.