(vovworld) - ໃນຊຸມປີມໍ່ໆມານີ້, ບັນດາຄູ່ບ່າວສາວຫາກໍແຕ່ງດອງ ຢູ່ ຫວຽດນາມ ມັກເລືອກເຟັ້ນປະເທດຕ່າງໆໃນພາກພື້ນອາຊີຕາເວັນອອກສຽງໃຕ້ແມ່ນສະຖານທີ່ທ່ອງທ່ຽວ Honeymoon. ແລະ ມາເລເຊຍແມ່ນສະຖານທີ່ທ່ອງທ່ຽວທີ່ໄດ້ຮັບເລືອກເຟັ້ນຫລາຍກວ່າໝູ່ຍ້ອນຄ່າບໍລິການພໍປານກາງ, ທິວທັດທຳມະຊາດທັງສວຍງາມ ທັງເປັນເອກະລັກສະເພາະ, ແລະໄລຍະທາງກໍ່ບໍ່ໄກຈາກຫວຽດນາມ ປານໃດ.
ທຳມະຊາດໄດ້ດົນບັນດານໃຫ້ປະເທດ ມາເລເຊຍ ມີຄວາມງາມປະເສີດເລີດລ້ຳດ້ວຍຝັ່ງທະເລຂຽວສະອາດ, ປ່າດົງດິບທີ່ກວ້າງໃຫຍ່ໄພສານ, ມີຫລັງຄາເຮືອນຫລາຍແຫ່ງທີ່ເຕັມໄປດ້ວຍສະຖາປັດຕະຍະກຳແບບເອີລົບ….. ສະນັ້ນ ຄູ່ບ່າວສາວຫາກໍແຕ່ງດອງມັກເລືອກເຟັ້ນ ມາເລເຊຍ ແມ່ນແຫ່ງເພື່ອຖ່າຍເອົາຮູບພາບທີ່ສວຍງາມໃນໂອກາດໄປ Honeymoon ເພື່ອເປັນສິ່ງທີ່ລະລຶກໃຫ້ແກ່ຕົນເອງ.
ຕຶກແຟດ Petronas
ພາບ: internet
|
ໂດຍກຳໄດ້ຄວາມຕ້ອງການຂອງລຸ້ນຫນຸ່ມ, ໃນຊຸມປີມໍ່ໆມານີ້, ບັນດາບໍລິສັດທ່ອງທ່ຽວໄດ້ຍູ້ແຮງການເຄື່ອນໄຫວໂຄສະນາການທ່ອງທ່ຽວເຖິງ ມາເລເຊຍ. ເອື້ອຍ Nguyen Mai Que ພະນັກງານຂະຫຍາຍຕະຫລາດຂອງບໍລິສັດທ່ອງທ່ຽວ VietTravel ໃຫ້ຮູ້ວ່າ:
“ມາເລເຊຍ ມີສະຖານທີ່ດູດດື່ມຫລາຍແຫ່ງເພື່ອໃຫ້ຄູ່ບ່າວສາວໄປ Honeymoonຄື: Kualumpua - Sunway Lagoon Pangkor Islan. ໄປຢ້ຽມຢາມ ມາເລເຊຍ ແມ່ນໃກ້ກວ່າເມື່ອທຽບໃສ່ໄລຍະທາງໄປທ່ອງທ່ຽວປະເທດອື່ນໆຢູ່ນອກພາກພື້ນ. ຄ່າໃຊ້ຈ່າຍໃຫ້ແກ່ການທ່ອງທ່ຽວຢູ່ ມາເລເຊຍ ກໍ່ເໝາະສົມທີ່ສຸດ. ສະນັ້ນ ມີຫລາຍຄົນຈົດທະບຽນໄປທ່ອງທ່ຽວ ມາເລເຊຍ, ພິເສດແມ່ນຊາວຫນຸ່ມ.”
ຢູ່ Kualumpua, ບັນດາຄູ່ບ່າວສາວ ມັກໄປຢ້ຽມຢາມຕຶກແຟດ Petronas ຊຶ່ງແມ່ນຫນຶ່ງໃນບັນດາຕຶກທີ່ສູງສຸດຢູ່ໃນໂລກ. ຕຶກຫລັງນີ້ລວມມີ 88 ຊັ້ນ ດ້ວຍຄວາມສູງ 403 ແມັດ ໄດ້ຮັບການກໍ່ສ້າງຕາມສະຖາປັດຕະຍະກຳ ອິດສະລາມ. ສ່ວນຜູ້ໃດຢາກໄປຊື້ເຄື່ອງຂອງອາດຈະເຂົ້າສູນການຄ້າ Suria KLCC ຫລື ໄປຢ້ຽມຢາມບັນດາທັດສະນີຍະພາບທີ່ລືຊື່ຂອງ ມາເລເຊຍ ຄື: ໂຮງລະຄອນ Petronas, ສະຫນາມຫລວງເອກະລາດ, ພະລາຊະວັງ, ຖ້ຳ ບາຕູຂອງຊາວຮີນດູ ວັດແຫ່ງສາສະຫນາຮີນດູໃຫຍ່ກວ່າໝູ່ຢູ່ ອາຊີຕາເວັນອອກສຽງໃຕ້. ນອກນັ້ນ ຫໍພິພິດທະພັນ ມາລາກກາ ຊຶ່ງແມ່ນຫໍພິພິດທະພັນແຫ່ງໃຫຍ່ໂຕ, ແມ່ນບ່ອນຮັກສາບັນດາຮ່ອງຮອຍປະຫວັດສາດຂອງປະເທດ ມາເລເຊຍ ນີ້ກໍແມ່ນສະຖານທີ່ຊຶ່ງຂາດບໍ່ໄດ້ໃນລາຍການທ່ອງທ່ຽວຂອງຄູ່ບ່າວສາວ. ຢູ່ທາງທິດຕາເວັນອອກຂອງຄຸ້ມເມືອງເກົ່າ ມາລາກາ ແມ່ນສູນການຄ້າທີ່ໄດ້ຮັບການກໍ່ສ້າງດ້ວຍສະຖາປັດຕະຍະກຳແບບເອີລົບໃນເມື່ອກ່ອນ, ສ່ວນທາງທິດຕາເວັນຕົກແມ່ນຖະຫນົນຄ້າຂາຍສິນຄ້າຢ່າງຄັບຄາຫນາແຫນ້ນຂອງຊາວຈີນ. ການປະສານກົມກ່ຽວລະຫວ່າງວັດທະນະທຳຂອງຊາວທ້ອງຖິ່ນກັບວັດທະນະທຳຂອງບັນດາປະເທດຄື ຈີນ, ປວກຕູການ, ອັງກິດ...ໄດ້ສ້າງຄວາມງາມແບບພິເສດໃຫ້ແກ່ມາລາກກາ. ເພາະສະນັ້ນ ປີ 2008 ມາລາກກາ ໄດ້ຮັບການຮັບຮອງຈາກ UNESCO ວ່າແມ່ນມໍລະດົກວັດທະນະທຳຂອງໂລກ. ອ້າຍ ຫງວຽນຮ່ວາງມີນ ນັກທ່ອງທ່ຽວຜູ້ໜຶ່ງທີ່ໄປ Honeymoon ແລະ ຖ່າຍຮູບຢູ່ ມາເລເຊຍ ໄດ້ເວົ້າວ່າ:
“ຍ້ອນຢາກມີບັນດາຮູບແຕ່ງດອງທີ່ສວຍງາມ ແລະ ເປັນເອກະລັກສະເພາະ ທັງຢາກຄົ້ນຫາປະເທດມາເລເຊຍ ສະນັ້ນ ຜົວເມຍຂ້າພະເຈົ້າຈຶ່ງເລືອກເຟັ້ນ ມາເລເຊຍແມ່ນສະຖານທີ່ໄປ Honeymoon. ຂ້າພະເຈົ້າມີຄວາມພື່ງພໍໃຈຕໍ່ການບໍລິການ ແລະ ທິວທັດທຳມະຊາດຢູ່ທີ່ນີ້. ສິ່ງທີ່ສ້າງຄວາມປະທັບໃຈນັ້ນແມ່ນ ມາເລເຊຍ ບໍ່ພຽງແຕ່ແມ່ນຫນຶ່ງໃນຈຳນວນປະເທດທີ່ມີບັນດາກິດຈະກຳສະຖາປັດຕະຍະກຳທັນສະໄຫມທີ່ສຸດຢູ່ ອາຊີຕາເວັນອອກສຽງໃຕ້ເທົ່ານັ້ນ ຫາກຍັງແມ່ນສະຖານທີ່ຍັງຄົງຮັກສາບັນດາກິດຈະກຳສະຖາປັດຕະຍະກຳເກົ່າແກ່ແບບເອີລົບຄືຄຸ້ມເມືອງເກົ່າ ມາລາກກາອີກດ້ວຍ.”
ນະຄອນ Perak -
ພາບ: Tourism Malaysia.
|
ເຂດຕາກອາກາດ Golden Palm Tree ຕັ້ງຢູ່ທາງທິດຕາເວັນຕົກຂອງແຫລມ ມາເລເຊຍ ແມ່ນໂຮງແຮມຊີວະພາບທະເລສວຍງາມທີ່ບັນລຸມາດຕະຖານ 5 ດາວ ເຊິ່ງປະກອບມີເຮືອນວິນລາຫຼູຫຼາ 392 ຫຼັງ ໄດ້ຮັບການກໍ່ສ້າງແບບເຮືອນຮ້ານ. ພິເສດ ໃນທ້າຍເດືອນ 3 ປະຈຳປີ ຄູ່ບ່າວສາວຈະເຫັນປະຈັກຕາການແຂ່ງຂັນຂີ່ລົດຢູ່ສະໜາມແຂ່ງຂັນ Sepang International Circuit ດ້ວຍລົດທີ່ມີລະດັບຄວາມໄວເຖິງ 300 ກມ/ໂມງ ອີກ...ຍ້ອນຄວາມດູດດື່ມນັ້ນ ນັກທ່ອງທ່ຽວຫວຽດນາມ ຈຶ່ງໄປຢ້ຽມຢາມ ມາເລເຊຍ ນັບມື້ນັບຫຼາຍ. ທ່ານ Akbal Setia ຜູ້ອຳນວຍການກົມສົ່ງເສີມທ່ອງທ່ຽວມາເລເຊຍ ປະຈຳ ຫວຽດນາມ ໃຫ້ຮູ້ວ່າ: ປີ 2011 ມາເລເຊຍ ຕ້ອນຮັບນັກທ່ອງທ່ຽວຫວຽດນາມ 173.000 ເທື່ອຄົນ. ປີນີ້ ມາເລເຊຍ ຄາດວ່າຈະຕ້ອນຮັບນັກທ່ອງທ່ຽວ ຫວຽດນາມ 200.000 ເທື່ອຄົນ. ຕະຫລາດນັກທ່ອງທ່ຽວ ຫວຽດນາມ ແມ່ນຫລາຍຮູບຫລາຍແບບ ແຕ່ບັນດາຄູ່ບ່າວສາວແມ່ນເປົ້າໝາຍມີຄວາມສາມາດບົ່ມຊ້ອນຫລາຍກວ່າ. ເພື່ອບັນລຸໄດ້ຜົນສຳເລັດຄືດັ່ງກ່າວ, ມາເລເຊຍໄດ້ມີຄວາມມານະພະຍາຍາມຫລາຍຢ່າງໃນການລົງທຶນໃຫ້ແກ່ຂະແຫນງທ່ອງທ່ຽວ.
“ປີໃດ, ມາເລເຊຍ ກໍ່ມີແຜນການໂຄສະນາການທ່ອງທ່ຽວໃຫ້ທັງປີຄື: ລາຍການ weeding fair, ງານຕະຫລາດນັດການທ່ອງທ່ຽວ, ກອງປະຊຸມສຳມະນາກ່ຽວກັບການທ່ອງທ່ຽວ, ການຮ່ວມມືກັບບັນດາບໍລິສັດທ່ອງທ່ຽວ, ໂຄສະນາງານບຸນໃຫຍ່ຢູ່ ມາເລເຊຍ… ”
ບັນດານະຄອນໃຫຍ່ ດ້ວຍບັນດາເຮືອນແກ້ວສູງສຸດໃນໂລກ, ເຂດຊານກຳແພງດ້ວຍບັນດາທ່ົງນາ, ປ່າໄມ້ທີ່ກວ້າງໃຫຍ່ໄພສານ ຄຽງຂ້າງຫລັງຄາເຮືອນນ້ອຍທີ່ໄດ້ຮັບການກໍ່ສ້າງຕາມຮູບແບບອິດສະລາມ ບັນດາໂຮງແຮມ, ເຮືອນພັກຫລາຍຫລັງຕັ້ງຢູ່ແຄມຝັ່ງທະເລທີ່ສວຍງາມແບບທຳມະຊາດ, ພ້ອມກັບບັນດາກິດຈະກຳທີ່ໄດ້ຮັບການກໍ່ສ້າງໃໝ່ນັ້ນ. ມາເລເຊຍ, ໄດ້ກາຍເປັນສະຖານທີ່ທ່ອງທ່ຽວທີ່ດຶງດູດນັກທ່ອງທ່ຽວ, ພິເສດແມ່ບັນດາຄູ່ບ່າວສາວທີ່ຫາກໍ່ແຕ່ງດອງໄປ Honeymoon ຢູ່ປະເທດນີ້.