(vovworld)- ຖ້າມີຄຳຖາມວ່າ: ເກາະແຫ່ງໃດງາມກວ່າໝູ່ຢູ່ພາກພື້ນອາຊີຕາເວັນອອກສຽງໃຕ້, ຫລາຍຄົນຈະປ່ອນບັດເລືອກເຟັ້ນເກາະ ພູເກດ ຂອງໄທ, ເພາະເຂົາເຈົ້າບໍ່ຮູ້ຈັກວ່າ ຢູ່ພາກພື້ນອາຊີຕາເວັນອອກສຽງໃຕ້ ຍັງມີເກາະແຫ່ງຫນຶ່ງທີ່ສ້າງຄວາມດູດດື່ມກວ່າອີກ ນັ້ນແມ່ນເກາະ ໂບຣາໄກ ຂຶ້ນກັບປະເທດ ຟິລິບປີນ. ເກາະສວຍງາມແຫ່ງນີ້ໄດ້ຮັບການຄັດເລືອກຈາກຫນ້າເວັບທ່ອງທ່ຽວທີ່ລືຊື່ TripAdvisor ວ່າ ແມ່ນເກາະຢືນອັນດັບໜຶ່ງໃນຈຳນວນເກາະ 10 ແຫ່ງທີ່ງາມກວ່າໝູ່ຢູ່ອາຊີ ແລະ ຢືນອັນດັບທີ 2 ໃນຈຳນວນເກາະ 25 ແຫ່ງທີ່ງາມກວ່າໝູ່ຢູ່ໃນໂລກ.
ເກາະ ໂບຣາໄກ
ພາບ: internet
|
ເກາະ ໂບຣາໄກ ແມ່ນເກາະນ້ອຍສວຍງາມທີ່ຫ່າງຈາກນະຄອນຫລວງ ມານີລາ ໄປທາງທິດໃຕ້ ປະມານ 315 km. ເກາະແຫ່ງນີ້ມີຫາດຊາຍທະເລທີ່ສວຍງາມດ້ວຍຂີ້ຊາຍຂາວ ແລະ ນ້ຳທະເລຂຽວສະອາດ. ຖ້າສັງເກດຈາກເຮືອບິນກໍ່ເຫັນວ່າ, ເກາະແຫ່ງນີ້ປະກົດອອກຄືດັ່ງແກ້ວເພັດມະນີຕັ້ງຢູ່ກາງທະເລທີ່ຂຽວສະອາດ. ເມື່ອມາຮອດເກາະ ໂບຣາໄກ ແນ່ນອນວ່ານັກທ່ອງທ່ຽວຈະມີຄວາມຮູ້ສຶກປະທັບໃຈຄືກັນກັບເພື່ອນ ຮ່ວາງວັນຕູງ, ຊາວຫວຽດນາມ ທີ່ຫາກໍໄປພັກແລ້ງຢູ່ເກາະແຫ່ງນີ້.
“ຂ້າພະເຈົ້າບໍ່ອາດຫລົງລືມໄດ້ຄວາມປະທັບໃຈຂອງຕົນເມື່ອຄັ້ງທຳອິດໄດ້ມາຢາມເກາະແຫ່ງນີ້. ນ້ຳທະເລຢູ່ທີ່ນີ້ຂຽວສະອາດ, ແດດຟ້າກໍແຈ້ງສະຫວ່າງ ແລະ ລົມພັດເຢັນສະບາຍ. ທັງໝົດເຫລົ່ານັ້ນເຮັດໃຫ້ຄວາມອິດເມື່ອຍໃນຕົວທະລາຍໄປ.”
ເກາະ ໂບຣາໄກມີສະຖານທີ່ທ່ອງທ່ຽວຫລາຍແຫ່ງຄື. ຫາດຊາຍທະເລຂາວ(white Bech), ຫາດຊາຍ Baling Hai, ຫາດຊາຍ Puka. .. ແຕ່ຫາດຊາຍທີ່ນັກທ່ອງທ່ຽວມັກອາບນ້ຳຫລາຍກວ່າໝູ່ແມ່ນຫາດຊາຍ white Bech . ເພາະວ່າຢູ່ທີ່ນີ້ ນອກຈາກໄດ້ອາບນ້ຳທະເລແລ້ວ, ນັກທ່ອງທ່ຽວຍັງສາມາດໄປຊື້ເຄື່ອງຂອງຢູ່ບັນດາສູນການຄ້າໃຫຍ່ ແລະ ໄດ້ຮັບປະທານອາຫານການກິນຢູ່ຮ້ານອາຫານທີ່ອຶກກະທຶກຄືກໂຄມອີກດ້ວຍ. ສ່ວນຢູ່ຫາດຊາຍ Baling Hai ແມ່ນຫາດຊາຍທີ່ມີເນື້ອທີ່ກວ້າງໃຫຍ່, ບັນຍາກາດສະຫງົບງຽບກວ່າ. ມາພັກຜ່ອນຢູ່ທີ່ນີ້ ນອກຈາກໄດ້ອາບນຳ້ທະເລ, ລອຍນ້ຳແລະ ດຳນ້ຳແລ້ວ, ນັກທ່ອງທ່ຽວຍັງໄດ້ປີນພູຫີນເພື່ອຊົມເບິ່ງທັດສະນີຍະພາບທີ່ສວຍງາມຂອງເກາະແຫ່ງນີ້. ສະນັ້ນ ນັກທ່ອງທ່ຽວເຄີຍເລືອກເຟັ້ນຫາດຊາຍ Baling Hai ເປັນສະຖານທີ່ມາຢາມສຸດທ້າຍໃນລາຍການທ່ອງທ່ຽວຂອງຕົນ. ສ່ວນຫາດຊາຍ Puka ຖືກຕັ້ງຢູ່ກ້ຳທເຫນືອຂອງເກາະ ໂບກາໄຣ ກໍແມ່ນຫາດຊາຍທີ່ດຶງດູດນັກທ່ອງທ່ຽວທີ່ສຸດ ດ້ວຍນ້ຳທະເລຂຽວສະອາດ ແລະ ທິວທັດທຳມະຊາດສວຍສົດງົດງາມ. ຢູ່ທີ່ນີ້, ນັກທ່ອງທ່ຽວສາມາດເລືອກເຟັ້ນໃຫ້ຕົນລາຍການທ່ອງທ່ຽວພະຈົນໄພຄື: ຢ້ຽມຊົມຖ້ຳເຈຍ. ນີ້ກໍແມ່ນບ່ອນສະຫງວນໃຫ້ແກ່ຜູ້ມັກທ່ອງທ່ຽວພະຈົນໄພ ເພາະເສັ້ນທາງເຂົ້າຖຳ້ທຸລະກັນດານທີ່ສຸດ. ນອກນັ້ນ ແຫລມ Ariel ກໍແມ່ນສະຖານທີ່ທ່ອງທ່ຽວພະຈົນໄພອີກດ້ວຍ. ແຫລມ Ariel ປະກອບດ້ວຍໂງ່ນຫີນ 5 ແຜ່ນ ແລະ ຖືກຕັ້ງຢູ່ຄວາມສູງ 3 ແມັດ - 13 ແມັດ ເມື່ອທຽບໃສ່ຫນ້ານຳ້ທະເລ.
 |
ມາແຫ່ງນີ້ນັກທ່ອງທ່ຽວສາມາດຂື່ເຮືອໄປຍັງຫາດຊາຍ Beach Hopping ແລະ Snorkeling ກໍ່ຄືເກາະ Crysal Cove ເພື່ອຊົມຫິນປະກາລັງ ແລະ ປາທະເລທີ່ມີສີສັນຫລາກຫລາຍ. ນັກທ່ອງທ່ຽວກໍ່ສາມາດເຊົ່າລົດຈັກໄປທ່ຽວຢູ່ເກາະແຫ່ງນີ້ ຫລືຂີ່ມ້າລຽບຕາມແຄມທະເລ, ດຳນ້ຳຊົມຫິນປະກາລັງອີກດ້ວຍ …ເອື້ອຍ ເລມີງຮັ່ງ, ນັກທ່ອງທ່ຽວມາຈາກຫວຽດນາມ ໃຫ້ຮູ້ວ່າ:
“ຂ້າພະເຈົ້າໄດ້ຮູ້ຈັກເຖິງເກາະແຫ່ງນີ້ຜ່ານໝູ່ເພື່ອນແລ້ວ ສະນັ້ນ ສອງຜົວເມຍຂ້າພະເຈົ້າຈຶ່ງຕົກລົງໄປທ່ອງທ່ຽວໃນໂອກາດສັບປະດາ honeymoon ຂອງຕົນ. ທະເລຢູ່ທີ່ນີ້ສວຍງາມຫລາຍ. ການບໍລິການຮັບໃຊ້ດີທີ່ສຸດ. ພວກຂ້າພະເຈົ້າໄດ້ໄປຊົມຫິນປະກາລັງ ແລະ ຂີ່ລົດອອ້ມຮອບເກາະແຫ່ງນີ້. ”
ສິ່ງທີ່ເຮັດໃຫ້ທຸກຄົນມີຄວາມເພິງພໍໃຈເມື່ອມາທ່ຽວເກາະ ໂປຣາໄກ ນັ້ນແມ່ນໂຮງແຮມ ແລະ resort ໄດ້ຮັບການກໍ່ສ້າງຢ່າງເປັນລະບົບ, ກົມກຽວກັບທຳມະຊາດ. ຊາວທ້ອງຖິ່ນຖືເປັນສຳຄັນ ແລະ ຮູ້ຈັກວິທີຂຸດຄົ້ນທິວທັດທຳມະຊາດ, ມີສະຕິຮັກສາສິ່ງແວດລ້ອມຊີວະພາບທະເລ. ເຂົາເຈົ້າໄດ້ກໍ່ສ້າງບັນດາເຂດ resort ຢູ່ເນີນພູ ເຮັດໃຫ້ນັກທ່ອງທ່ຽວໄດ້ເຈືອຈານເຂົ້າກັບທຳມະຊາດ. ອ້າຍຮ່ວາງຕູງແອງ ໃຫ້ຮູ້ວ່າ:
“ບັນດາຫລັງຄາເຮືອນທີ່ກໍ່ສ້າງຢູ່ທີ່ນີ້ ລ້ວນແຕ່ຖືກຈຳກັດລະດັບຄວາມສູງ ສະນັ້ນ ບັນດາຮ້ານອາຫານ, ໂຮງແຮມ, resort ລ້ວນແຕ່ຕຳ່ກວ່າເມື່ອທຽບໃສ່ຕົ້ນພ້າວ.”
ປະຊາຊົນຢູ່ເກາະ ໂປຣາໄກ ແມ່ນຜູ້ຮັກແພງແຂກຄົນ, ພ້ອມແລ້ວທີ່ຈະຊ່ວຍເຫລືອນັກທ່ອງທ່ຽວ. ດັ່ງນັ້ນເພື່ອຈະຮູ້ສຶກອຸ່ນອ່ຽນໃຈເມື່ອເລະຫຼິ້ນຢູ່ລຽບຕາມຮ່ອມທາງນ້ອຍໆ, ຫຼືນັ່ງແຄມທາງເພື່ອໃຫ້ບັນດານາຍຊ່າງຕັດຜົມ, ສັກລາຍຮູບທີ່ແປກປະຫຼາດທົດລອງ ທັງໝົດເຫຼົ່ານັ້ນແມ່ນຈຸດທີ່ເປັນເອກະລັກສະເພາະ ເຮັດໃຫ້ຜູ້ໃດກໍຢາກທົດລອງ ແລະນັ້ນກໍ່ແມ່ນບັນດາອະນຸສອນທີ່ບໍ່ອາດລືມໄດ້ສຳລັບນັກທ່ອງທ່ຽວເມ່ືອມາຢ້ຽມຢາມເກາະທີ່ສວຍງາມແຫ່ງນີ້.