(vovworld) - ງານບຸນ Carnaval Ha Long Quang Ninh 2012 ຫາກໍຈັດຂຶ້ນໃນຕອນຄຳ່ວັນທີ 1/5 ແມ່ນງານບຸນຟ້ອນລຳຢູ່ຕາມຖະຫນົນ ແລະ ມີຄວາມໝາຍທີ່ສຸດນັບແຕ່ກອ່ນມາຮອດປະຈຸບັນ. ນອກຈາກປັດໄຈຂອງເຂດພາກຄື: ວັດທະນະທຳແຫ່ງຈິດວິນຍານ, ວັດທະນະທຳທະເລ, ວັດທະນະທຳຊົນເຜົ່າແລ້ວ ຍັງມີບັນດາລາຍການພົບປະແລກປ່ຽນ ກັບເພື່ອນມິດສາກົນ ທີ່ເຂັ້ມຂົ້ນໄປດ້ວຍນ້ຳໃຈມິດຕະພາບ. ນັ້ນແມ່ນ ລາຍການຟ້ອນລຳວົງ ໂດຍສະມາຊິກໃນສະມາຄົມຍາດຕີພີ່ນ້ອງຊາວ ຫວຽດນາມ ອາໄສຢູ່ລາວ, ໄທ ຂອງແຂວງ ກວ໋າງນີງ ສະແດງ.
ນັກສິລະປີນລາວ ສະແດງໃນງານບຸນ Carnaval Ha Long
ພາບ: internet
|
ນັກສະແດງມະຫາຊົນກວ່າ 50 ຄົນ ພ້ອມກັນຟ້ອນລຳວົງໃນງານບຸນ Carnaval Ha Long 2012 ລ້ວນແຕ່ແມ່ນຜູ້ມີອາຍຸສູງແລ້ວ. ດ້ວຍຊຸດອາພອນພື້ນເມືອງຂອງປະຊາຊົນລາວບັນດາເຜົ່າ, ຂອງໄທ ເຂົາເຈົ້າໄດ້ຟ້ອນລຳວົງຢ່າງຄ່ອງແຄ້ວອ່ອນໄຫວ ສ້າງຄວາມປະທັບໃຈໃຫ້ແກ່ຜູ້ຊົມ, ສະແດງໃຫ້ເຫັນນ້ຳໃຈສາມັກຄີມິດຕະພາບລະຫວ່າງ ແຂວງ Quang Ninh ກັບເພື່ອນມິດສາກົນ. ລຸງ Le Manh Khoi ແລະ ປ້າ Trinh Thi Hon ອາຍຸ 75 ປີ ຢູ່ ຕາແສງ Cao Thang ນະຄອນ Ha Long ແມ່ນຫນຶ່ງໃນບັນດາຄູ່ຜົວເມຍທີ່ເຂົ້າຮ່ວມການຟ້ອນລຳວົງດັ່ງກ່າວໃຫ້ຮູ້ວ່າ:
“ພວກຂ້າພະເຈົ້າຢາກສະແດງວາດຟ້ອນພື້ນເມືອງໃນງານບຸນ Carnaval Ha Long ເນື່ອງໃນໂອກາດອ່າວ Ha Long ໄດ້ຮັບຮອງວ່າແມ່ນມໍລະດົກຂອງໂລກ. ພວກຂ້າພະເຈົ້າຢາກໃຫ້ທຸກຄົນຍາດເວລາມາຢ້ຽມຢາມອ່າວ Ha Long ເພື່ອເຫັນປະຈັກຕາມໍລະດົກທຳມະຊາດຂອງໂລກແມ່ນງາມຄືແນວໃດ ແລະ ເພື່ອໃຫ້ທົ່ວໂລກຮູ້ຈັກເຖິງ ອ່າວ Ha Long ຂອງ ຫວຽດນາມ.”
ຕາມທ່ານ Doan Duyet ປະທານສະມາຄົມຍາດຕິພີ່ນ້ອງຊາວ ຫວຽດນາມ ອາໄສຢູ່ ລາວ, ໄທ ຂອງແຂວງ Quang Ninh ແລ້ວ, ໃນໄລຍະຜ່ານມາ ດ້ວຍຫລາຍຮູບການທີ່ແຕກຕ່າງກັນ, ບັນດາສະມາຊິກໃນສະມາຄົມໄດ້ມີການປະກອບສ່ວນທາງດ້ານຈິດໃຈກໍຄືວັດຖຸຫລາຍຢ່າງເຂົ້າໃນຜົນສຳເລັດຂອງປີທ່ອງທ່ຽວ Quang Ninh ພ້ອມທັງແນະນຳໃຫ້ແກ່ປະຊາຊົນ ແລະ ເພ່ືອນມິດພາຍໃນ ແລະ ຕ່າງປະເທດ ກ່ຽວກັບອ່າວ Ha Long ຊຶ່ງແມ່ນຫນຶ່ງໃນຈຳນວນສິ່ງມະຫັດສະຈັນໃຫມ່ 7 ແຫ່ງຂອງໂລກ. ແລະ ການຟ້ອນລຳວົງໃນງານບຸນໄຂປີທ່ອງທ່ຽວ 2012 ແມ່ນຫນຶ່ງໃນບັນດາການເຄື່ອນໄຫວທີ່ມີຄວາມໝາຍ.
“ຟ້ອນລຳວົງຂອງລາວ, ໄທ ແມ່ນວາດຟ້ອນສະແດງໃຫ້ເຫັນ ຄວາມສາມັກຄີສະຫນິດຕິດພັນລະຫວ່າງ ຫວຽດນາມ ແລະ ລາວ. ຄືດັ່ງປະທານໂຮ່ຈິມີນໄດ້ຢັ້ງຢືນແລ້ວວ່າ: 2 ຊາດ ລາວ ຫວຽດໄດ້ ຝັງຄວາມຮັກຢູ່ໃນໃຈ, ຮົ່ງຮ່າທັງແມ່ຂອງບໍ່ເລິກປູນປານໃດ. ຍ້ອນມີຄຳຕັກເຕືອນຂອງລຸງໂຮ່ ສະນັ້ນ ປະຈຸບັນ ອາລົມຈິດລະຫວ່າງປະຊາຊົນຫວຽດນາມ ເວົ້າລວມ ແລະ ແຂວງ ກວ໋າງນີງ ເວົ້າສະເພາະທີ່ມີຕໍ່ລາວນັບມື້ນັບແຫນ້ນແຟ້ນ.”
ປະຈຸບັນ, ຊາວ Quang Ninh ມີ 6.300 ຄົນ ພວມອາໄສ, ຮຳ່ຮຽນ ແລະ ເຮັດວຽກຢູ່ 28 ປະເທດໃນໂລກ ແລະ ກວ່າ 6000 ຄອບຄົວມີຍາດຕິພີ່ນ້ອງ ອາໄສຢູ່ຕ່າງປະເທດ. ສະມາຄົມຍາດຕິພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດຂອງແຂວງ Quang Ninh ປະຈຸບັນມີສະມາຊິກປະມານ 6000 ຄົນ, ໃນນັ້ນມີ 4 ສາຂາສະມາຄົມຍາດຕິພີ່ນ້ອງຊາວ ຫວຽດນາມ ອາໄສຢູ່ ລາວ, ໄທ ຢູ່ໃນ ນະຄອນຄື: Ha Long, Uong Bi, Cam Pha ແລະ Mong Cai ລວມສະມາຊິກ 800 ຄົນ. ແລະ ສະມາຊິກແຕ່ລະຄົນລ້ວນແຕ່ມີການປະກອບສ່ວນທີ່ແຕກຕ່າງກັນເພື່ອສ້າງສາ Ha Long - Quang Ninh ໃຫ້ຈະເລີນຮຸ່ງເຮືອງ ແລະ ສວຍງາມ. ລຸງ Pham Van Loi, ອາຍຸ 75 ປີ ຊຶ່ງແມ່ນສະມາຊິກສາຂາສະມາຄົມຍາດຕິພີ່ນ້ອງຊາວ ຫວຽດນາມ ອາໄສ ຢູ່ ຕ່າງປະເທດ ຂອງນະຄອນ Ha long ມີລູກຫລານ,ຍາດຕິພີ່ນ້ອງກວ່າ 30 ຄົນພວມດຳລົງຊີວິດຢູ່ ໄທ ແລະ ປະເທດອື່ນໆ. ລຸງ Loi ໃຫ້ຮູ້ວ່າ:
“ ຊາວຫວຽດນາມ ອາໄສຢູ່ໄທ ຄືພວກຂ້າພະເຈົ້າມີຄວາມໂຊກດີທີ່ໄດ້ກັບຄືນເມືອແຂວງ Quang Ninh ໃນຊຸມປີ 1960 - 1964 ເພື່ອພ້ອມກັບພໍ່ແມ່ພີ່ນ້ອງ ແລະ ນັກຮົບ ແຂວງ Quang Ninh ທຳການຕໍ່ສູ້ ແລະ ສ້າງສາແຂວງ Quang Ninh ໃຫ້ສວຍງາມຄືວັນນີ້. ພວກຂ້າພະເຈົ້າເຫັນວ່າ ແຂວງ Quang Ninh ນັບມື້ນັບມີການປ່ຽນແປງ, ສວຍງາມກວ່າ ແລະ ໄດ້ຮັບການຮັບຮອງຈາກໂລກ. ພວກຂ້າພະເຈົ້າຈະມີຄວາມຮັບຜິດຊອບພ້ອມກັບລຸກຫລານເພື່ອປົກປັກຮັກສາໃຫ້ອ່າວ Ha Long ໃຫ້ນັບມື້ນັບສວຍງາມ. ພວກຂ້າພະເຈົ້າມີຄວາມເອກອ້າງທະນົງໃຈກ່ຽວກັບ Ha Long ເວົ້າສະເພາະກໍ່ຄື ປະເທດ ຫວຽດນາມ ເວົ້າລວມ.”
ນັກທ່ອງທ່ຽວມາຈາກ ລາວ ແລະ ຊາວຫວຽດນາມ ອາໄສຢູ່ ລາວ, ໄທກຳຄືນເມືອດຳລົງຊີວິດຢູ່ແຂວງ Quang Ninh ພ້ອມກັນລຳວົງໃນງານບຸນ
ພາບ:quangninh.gov.vn
|
ຕາມທ່ານນາງ Nguyen Thi Phuong Loan ອະດີດຮອງຫົວຫນ້າອຳນວຍການໂຮງຮຽນປະຖົມມັດທະຍົມຕອນຕົ້ນ Tran Quoc Toan ນະຄອນ Ha Long ແມ່ນຜູ້ຮ່ວມງານຂອງບໍລິສັດທ່ອງທ່ຽວສາກົນ Kim Lien Ha Noi ແລ້ວ, ຄວນມີທ່າໄດ້ປຽບຕ່າງຫາກເພື່ອແນະນຳນະຄອນ Ha Long ຕໍ່ກັບເພື່ອນມິດໄທ.
ສຽງທ່ານນາງ ຫງວຽນທິເຟືອງລວານ
ວາດຟ້ອນລຳວົງຂອງສະມາຄົມຍາດຕິພີ່ນ້ອງຊາວ ຫວຽດນາມອາໄສ ຢູ່ ລາວ ແລະ ໄທ ຂອງແຂວງ Quang Ninh ແມ່ນຫນຶ່ງໃນບັນດາລາຍການທີ່ໄດ້ປະກອບສ່ວນເຮັດໃຫ້ງານບຸນ Carnaval Ha Long 2012 ປະສົບຜົນສຳເລັດ.
Trung Cuong