(vovworld)- ຖ້າຫາກບັນດາປະເທດ ອາຊີຕາເວັນອອກສຽງໃຕ້ ພວມບື່ນຕົວດ້ວຍການເຄື່ອນເຫນັງຢ່າງຟົດຟື້ນຂອງພື້ນຖານເສດຖະກິດໂລກນັ້ນ, ປະເທດລ້ານຊ້າງທີ່ສວຍງາມພັດແມ່ນປະເທດທີ່ມີຄວາມສະຫງົບສຸກ ແລະ ມີຈຸດໃຫມ່ຫລາຍຢ່າງທີ່ດຶງດູດນັກທ່ອງທ່ຽວ. ສະນັ້ນ ນັກທ່ອງທ່ຽວຫວຽດນາມ ຫລາຍຄົນ ໄດ້ເລືອກເຟັ້ນ ສປປ ລາວ ແມ່ນສະຖານທີ່ເພື່ອໄປທ່ອງທ່ຽວໃນໂອກາດຕົ້ນລະດູບານໃຫມ່ .
ທົ່ງໄຫຫິນຢູ່ ຊຽງຂວາງ
|
ລາວແມ່ນປະເທດຫນຶ່ງຂຶ້ນກັບພາກພື້ນ ອາຊີຕາເວັນອອກສຽງໃຕ້ ແລະ ມີສາຍພົວພັນແບບພິເສດກັບ ຫວຽດນາມ. ໃນຈຳນວນ 17 ແຂວງ ຂອງລາວ, ກວ່າ 10 ແຂວງມີເສັ້ນຊາຍແດນຮ່ວມ ກັບຫວຽດນາມ ດ້ວຍຄວາມຍາວ 2067 ກິໂລແມັດ. ພື້ນຖານວັດທະນະທຳ ລາວ ແມ່ນພື້ນຖານວັດທະນະທຳສາສະຫນາພຸດ ແລະ ມີວັດວາອາຮາມໃຫຍ່ນ້ອຍກວ່າ 1.400 ແຫ່ງ. ປະເທດລາວ ມີກິດຈະກຳປະຫວັດສາດວັດທະນະທຳ, ທິວທັດທຳມະຊາດທີ່ສວຍງາມຫລາຍແຫ່ງ ແລະ ທັດສະນີຍະພາບທີ່ລືຊື່ຄື: ທົ່ງໄຫຫິນແຫ່ງເລິກລັບຢູ່ ຊຽງຂວາງ. ທາດຫລວງຢູ່ນະຄອນຫລວງວຽງຈັນ ຊື່ງແມ່ນສັນຍາລັກຂອງວັດທະນະທຳສາສະຫນາພຸດ. ປະຕູໄຊ-ສັນຍາລັກແຫ່ງໄຊຊະນະຂອງປະຊາຊົນລາວ. ກຸງເກົ່າຫລວງພະບາງ ແມ່ນເຂດປູຊະນີຍະສະຖານປະຫວັດສາດ ແລະ ວັດທະນະທຳ ຂອງໂລກ ໂດຍໄດ້ຮັບການຮັບຮູ້ຈາກ UNESCO ເມື່ອປີ 1995, ຕາດກວາງຊີ ໄດ້ຮັບການຍ້ອງຍໍວ່າ ແມ່ນແກ້ວມະນີທາມກາງປ່າເຂດຮ້ອນ”. .. ຍ້ອນສິ່ງທີ່ແຕກຕ່າງກັນດັ່ງກ່າວໄດ້ດຶງດູດນັກທ່ອງທ່ຽວສາກົນມາຢ້ຽມຢາມປະເທດລ້ານຊ້າງນັບມື້ນັບຫລາຍ, ພິເສດ ນັກທ່ອງທ່ຽວມາຈາກຫວຽດນາມໃນໂອກາດຕົ້ນປີໃຫມ່ປີມະເມຍນີ້. ອ້າຍ ຫງວຽນວັນບີງ, ຢູ່ ເຫງ້ອານ ໃຫ້ຮູ້ວ່າ: ອ້າຍມີໂອກາດມາຢ້ຽມຢາມ ສປປ ລາວ ສອງຄັ້ງແລ້ວ, ແຕ່ລະຄັ້ງລ້ວນແຕ່ມີຄວາມຮູ້ສຶກຕ່າງກັນ, ທິວທັດທຳມະຊາດ, ອາລົມຈິດຂອງປະຊາຊົນລາວ ໄດ້ເຮັດໃຫ້ອ້າຍຮູ້ສຶກຈິດໃຈສະຫວາດສະເຫວີຍກວ່າ.
“ຂ້າພະເຈົ້າເຫັນວ່າ ປະເທດລາວ ມີຄວາມສະຫງົບສຸກ, ທິວທັດທຳມະຊາດສວຍງາມ, ອາຄານຫລາຍຊັ້ນບໍ່ມີຫລາຍ, ບໍ່ມີສຽງບີບແກລົດ, ຊາວລາວແມ່ນຜູ້ຮັກແພງແຂກຄົນ. ຫວ່າງແລ້ວນີ້, Vietnamairlines ເປີດສາຍການບິນໂດຍກົງຈາກນະຄອນ ວີງ ທາງພາກກາງຫວຽດນາມ ໄປຍັງນະຄອນຫລວງ ວຽງຈັນ ໄດ້ສ້າງຄວາມສະດວກຫລາຍ, ສະນັ້ນ ຂ້າພະເຈົ້າ ຕົກລົງເລືອກເຟັ້ນລາວ ແມ່ນສະຖານທີ່ທ່ອງທ່ຽວໃນໂອກາດຕົ້ນລະດູບານໃຫມ່ໃຫ້ແກ່ຄອບຄົວຂ້າພະເຈົ້າ.”
ນັບມື້ນັບມືຊາວຫວຽດນາມຫລາຍຄົນໄປຢ້ຽມຢາມລາວ
|
ປະຈຸບັນ, ສປປ ລາວ ມີສະຖານທີ່ທ່ອງທ່ຽວເກືອບ 1.500 ແຫ່ງ, ໃນນັ້ນ ມີເກືອບ 850 ແຫ່ງແມ່ນເຂດທ່ອງທ່ຽວຊີວະພາບ, 435 ແຫ່ງແມ່ນເຂດທ່ອງທ່ຽວວັດທະນະທຳ ແລະ ກວ່າ 200 ແຫ່ງແມ່ນເຂດທ່ອງທ່ຽວປະຫວັດສາດ. ແຕ່ລະປີ ສປປ ລາວ ໄດ້ດຶງດູດນັກທ່ອງທ່ຽວສາກົນມາຢ້ຽມຢາມນັບລ້ານໆຄົນ,ໃນນັ້ນ ມີນັກທ່ອງທ່ຽວຫວຽດນາມ ນັບພັນໆຄົນ. ປີ 2013, ລາວ ໄດ້ຮັບການຮັບຮູ້ຈາກ ສະພາສະຫະພາບເອີລົບ ກ່ຽວກັບການທ່ອງທ່ຽວ ແລະ ການຄ້າວ່າ ແມ່ນສະຖານທີ່ທ່ອງທ່ຽວດູດດື່ມກວ່າໝູ່ຢູ່ໃນໂລກປີ 2013. ສະນັ້ນ ລາວໄດ້ກາຍເປັນສະຖານທີ່ດີທີ່ສຸດສຳລັບຜູ້ໃດຢາກຄົ້ນຫາຈຸດວັດທະນະທຳທີ່ເປັນເອກະລັກສະເພາະ. ນາງ ເຮືອງລານ, ນັກສຶກສາມະຫາວິທະຍາໄລວັດທະນະທຳ ຮ່າໂນ້ຍ ພວມພ້ອມກັບເພື່ອນຂອງຕົນຫ້າງຫາກະກຽມໃຫ້ແກ່ລາຍການທ່ອງທ່ຽວ ລາວ ໃນໂອກາດຕົ້ນລະດູບານໃຫມ່ ໃຫ້ຮູ້ວ່າ:
“ພວກນ້ອງ ມີຄວາມປິຕິຊົມຊື່ນຫລາຍ ເພາະວ່ານີ້ເປັນຄັ້ງທຳອິດທີ່ໄດ້ໄປຢ້ຽມຢາມປະເທດທີ່ມີພື້ນຖານວັດທະນະທຳອຸດົມສົມບູນ, ມີທິວທັດທຳມະຊາດ ແລະ ວັດວາອາຮາມສວຍງາມຫລາຍແຫ່ງ ຊື່ງກ່ອນນີ້ ພວກນ້ອງພຽງແຕ່ຮູ້ຈັກເຖິງຜ່ານໝູ່ເພື່ອນລາວເລົ່າໃຫ້ຟັງ ແລະ ຜ່ານປື້ມເອກະສານຕ່າງໆເທົ່ານັ້ນ. ໃນໂອກາດຕົ້ນລະດູບານໃຫມ່, ນອກຈາກໄປວັດວາອາຮາມຕ່າງໆຢູ່ຫວຽດນາມກັບຄອບຄົວແລ້ວ, ເມ່ືອໄປທ່ອງທ່ຽວຢູ່ລາວ, ພວກນ້ອງ ຍັງໄປຢ້ຽມຢາມວັດວາອາຮາມສວຍງາມແລະ ສັກສິດຫລາຍແຫ່ງຢູ່ລາວອີກດ້ວຍ, ນີ້ແມ່ນລາຍການທ່ອງທ່ຽວທີ່ມີຄວາມໝາຍຢ່າງແທ້ຈິງສຳລັບພວກນ້ອງ.”
ທາດຫລວງ ຢູ່ ວຽງຈັນ
|
ເຖິງວ່າບໍ່ແມ່ນປະເທດທີ່ມີຊື່ສຽງດ້ວຍບັນຍາກາດອຶກກະທຶກຄຶກໂຄມ, ບັນດາກິດຈະກຳໃຫຍ່ໂຕມະໂຫຖານ ແລະ ບໍ່ທັນສະໄຫມ ກໍຕາມ. ແຕ່ຄວາມເລິບລັບ ສວຍງາມ, ເກົ່າແກ່ ແລະ ສະຫງົບສຸກແມ່ນສິ່ງທີ່ດຶງດູດນັກທ່ອງທ່ຽວມາຢ້ຽມຢາມລາວເປັນຈຳນວນຫລວງຫລາຍ. ນັ້ນແມ່ນຂໍ້ສັງເກດຂອງນັກທ່ອງທ່ຽວສ່ວນຫລາຍເມື່ອມາຢ້ຽມຢາມລາວ ໂດຍອ້າຍ ຜາດອນ, ຜູ້ຈັດລາຍການທ່ອງທ່ຽວລາວ ເປັນປະຈຳ ໄດ້ແບ່ງບັນກັບພວກຂ້າພະເຈົ້າ. ຕາມອ້າຍ ຜາດອນ ແລ້ວ, ໃນໂອກາດຕົ້ນລະດູບານໃຫມ່ປີມະເມຍ 2014, ຈຳນວນນັກທ່ອງທ່ຽວຫວຽດນາມ ຈົດທະບຽນເຂົ້າຮ່ວມລາຍການທ່ອງທ່ຽວ ລາວ ແມ່ນເພີ່ມຂຶ້ນຫລາຍເມື່ອທຽບໃສ່ປີ 2013. ອ້າຍ ຜາດອນ ໃຫ້ຮູ້ວ່າ:
ສຽງຜາດອນ
ພວກທ່ານຈົ່ງມາຢ້ຽມຢາມປະເທດລ້ານຊ້າງເທື່ອຫນຶ່ງເພື່ອເຂົ້າໃຈກ່ຽວກັບອາລົມຈິດຂອງປະຊາຊົນລາວຕື່ມອີກ ກໍຄືເຫັນປະຈັກຕາທິວທັດທຳມະຊາດທີ່ສວຍງາມຢູ່ທີ່ນີ້. ແລະການດຳລົງຊີວິດໃນຄວາມສະຫງົບສຸກຂອງປະຊາຊົນລາວ, ເມື່ອໄດ້ເຈືອຈານໃນບັນຍາກາດສະຫງົບງຽບ, ທິວທັດທຳມະຊາດ, ວັດວາອາຮາມທີ່ສວຍງາມຢູ່ປະເທດນີ້ທ່ານຈະຮູ້ສຶກວ່າຈິດໃຈສະຫວາດສະເຫວີຍກວ່າ.