ຄະນະນັກແຂ່ງຂັນສີມືແຮງງານລາວ ເຂົ້າຮ່ວມງານແຂ່ງຂັນສີມືແຮງງານອາຊຽນ ຄັ້ງທີ 10
(vovworld)- ຄະນະນັກແຂ່ງຂັນສີມືແຮງງານລາວ ເຂົ້າຮ່ວມງານແຂ່ງຂັນສີມືແຮງງານອາຊຽນ ຄັ້ງທີ 10 ດ້ວຍ 7 ສາຂາວິຊາຊີບ ແລະ 1 ສາຂາວິຊາຊີບແມ່ນສະແດງການສາທິດ. ໃນນັ້ນ ວິຊາຊີບຊ່າງໄມ້ ເຖິງວ່າມີນັກແຂ່ງຂັນຄົນຫນຶ່ງເຂົ້າຮ່ວມ ແລະ ບໍ່ຍາດໄດ້ຫລຽນກໍ່ຕາມ ແຕ່ຄວາມໄວ້ເນື້ອເຊື່ອໃຈ ຊື່ງຄະນະການນຳສົນໃຈເຖິງວິຊາຊີບນີ້ແມ່ນຫລາຍກວ່າໝູ່. ກະຊວງແຮງງານ ແລະ ສະຫວັດດີການສັງຄົມລາວ ໄດ້ຄັດເລືອກຢ່າງເຂັ້ມງວດຈຶ່ງມີຜູ້ຫນຶ່ງເຂົ້າຮ່ວມ ເພາະວ່າ ນີ້ກໍແມ່ນວິຊາຊີບ ຊື່ງການນຳລາວ ຈະເອົາໃຈໃສ່ເປັນພິເສດເພື່ອພັດທະນາໃນອະນາຄົດ.
ປະເທດລ້ານຊ້າງມີເນື້ອທີ່ດິນ 236.800 ກິໂລຕາແມັດ. ຕາມການສະຖິຕິປີ 2011 ຂອງກະຊວງກະສິກຳປ່າໄມ້ ລາວ, ເນື້ອທີ່ປ່າຂອງລາວແມ່ນກວ່າ 17 ລ້ານເຮັກຕາ, ກວມ 52% ຈຳນວນເນື້ອທີ່ດິນຂອງທັງປະເທດ. ສະນັ້ນ, ເຄື່ອງເຟີນີເຈີແມ່ນຜະລິດຕະພັນທີ່ຄອບຄົວໃດຢູ່ລາວ ກໍນຳໃຊ້ເປັນຈຳນວນຫລາຍ. ແຕ່ປະຈຸບັນ ສິລະປະການຜະລິດເຄື່ອງເຟີນີເຈີນີ້ຍັງຈຳກັດຢູ່. ຢາກຜະລິດເຄື່ອງເຟີນີເຈີໃຫ້ງາມ ຊ່າງໄມ້ຕ້ອງມີສີມືທີ່ຄ່ອງແຄ້ວ ແລະ ຢາກໄດ້ຄືແນວນັ້ນ ຕ້ອງມີບັນດາສູນສອນວິຊາຊີບທີ່ມີອິດທິພົນຊື່ສຽງ ແລະ ຊ່າງໄມ້ຕ້ອງແມ່ນຜູ້ເມົາມົວກັບວິຊາຊີບ. ເມື່ອເວົ້າເຖິງສະພາບຄວາມເປັນຈິງສຳລັບວິຊາຊ່າງໄມ້ຂອງລາວໃນປະຈຸບັນ, ທ່ານ ບຸນມາ ສິດທິສົມ, ຮອງຫົວຫນ້າກົດພັດທະນາສີມື ແລະ ການຈັດຕັ້ງ, ສັງກັດກະຊວງແຮງງານ ແລະ ສະຫວັດດີການສັງຄົມ ລາວ, ຫົວຫນ້າຄະນະນັກແຂ່ງຂັນລາວ ເຂົ້າຮ່ວມງານມະຫາກຳແຂ່ງຂັນສີມືອາຊຽນ ຄັ້ງທີ 10 ໃຫ້ຮູ້ວ່າ:
ສຽງທ່ານ ບຸນມາ
ປະຈຸບັນ ທົ່ວປະເທດລາວ ມີໂຮງຮຽນສອນວິຊາຊ່າງໄມ້ 4 ແຫ່ງ. ເຖິງວ່າມີໂຮງຮຽນຫລາຍແຫ່ງໄດ້ຮັບການສ້າງຕັ້ງຂຶ້ນ ແຕ່ບໍ່ແມ່ນໂຮງຮຽນໃດກໍມີນັກຮຽນມາຮຽນຫລາຍ. ຕົວຢ່າງຄື ໂຮງຮຽນສອນວິຊາຊີບ ລາວ - ສເກົາຫລີ ໂດຍແມ່ນໂຮງຮຽນທີ່ມີ ອິດທິພົນຊື່ສຽງກວ່າໝູ່ຢູ່ ລາວ ແຕ່ມີນັກຮຽນພຽງ 10 ຄົນເທົ່ານັ້ນ. ຕາມທ່ານ ບຸນມາແລ້ວ, ສາຍເຫດທີ່ຊາວລາວບໍ່ມັກວິຊາຊີບນີ້ ເພາະວ່າ, ວິຊາຊີບຊ່າງໄມ້ແມ່ນຍາກ ແລະ ຕ້ອງການຫລາຍປັດໄຈ.
ສຽງທ່ານ ບຸນມາ
ປະຈຸບັນ ເຖິງວ່າວິຊາຊີບຊ່າງໄມ້ບໍ່ທັນພັດທະນາ ແຕ່ໄດ້ຮັບຄວາມຫວັງວ່າຈະແມ່ນທ່າແຮງໃນອະນາຄົດ ຍ້ອນບັນດາຄວາມສາມາດບົ່ມຊ້ອນດ້ານກະສິກຳ. ເພື່ອບຳລຸງສ້າງ ແລະ ພັດທະນາວິຊາຊີບນີ້, ຄະນະການນຳບັນດາກະຊວງ, ຂະແຫນງການກ່ຽວຂ້ອງ ໄດ້ວາງອອກບາງມາດຕະການ ແລະ ໃນພາຍພາກຫນ້າແມ່ນຄັດເລືອກບັນດານັກແຂ່ງຂັນສີມືແຮງງານເຂົ້າຮ່ວມການແຂ່ງຂັນຄັ້ງຈະມາເຖິງ. ທ່ານບຸນມາ ສິດທິສົມໃຫ້ຮູ້ວ່າ:
ສຽງທ່ານ ບຸນມາ
ສ່ວນທ່ານນາງ ບຸນທະຣິດ ສະມິດຕີ, ຫົວຫນ້າກົມພັດທະນາວິຊາຊີບ, ຫົວຫນ້າຄະນະນັກແຂ່ງຂັນສີມືແຮງງານໄທ ເຂົ້າຮ່ວມງານມະຫາກຳສີມື ອາຊຽນ ຄັ້ງທີ 10 ຕີລາຄາສູງການເຂົ້າຮ່ວມຂອງຄະນະນັກແຂ່ງຂັນສີສືແຮງງານລາວ ໃນການແຂ່ງຂັນຄັ້ງນີ້.
ສຽງທ່ານນາງ ບຸນທະຣິດ
ປີ 2016 ງານແຂ່ງຂັນສີມືແຮງງານ ອາຊຽນ ຄັ້ງທີ 11 ໄດ້ຮັບການຈັດຕັ້ງຂຶ້ນຢູ່ ມາເລເຊຍ, ດັ່ງນັ້ນ, ວຽກງານກະກຽມນັບແຕ່ເວລານີ້ຄື ແຜນການຄັດເລືອກ ແລະ ຝຶກອົບຮົມວິຊາຊີບຈະຖືກສົ່ງເຖິງໂຮງຮຽນສອນວິຊາຊີບແຕ່ລະແຫ່ງ ແລະ ຫວັງວ່າຄະນະນັກແຂ່ງຂັນສີມືແຮງງານ ລາວ ຈະຄ້ວາໄດ້ຫລຽນໃນການແຂ່ງຂັນ.