(vovworld)- ໃນສະພາວະໂລກະພິວັດຢ່າງແຮງ, ພາບພົດດ້ານສຶ່ສານພວມປ່ຽນແປງໃນແຕ່ລະມື້ ແຕ່ລະຊົ່ວໂມງ ແລະ ບັນດາພາຫະນະສື່ສານ ນັບມື້ນັບຕ້ອງປະເຊີນຫນ້າກັບສິ່ງທ້າທາຍຫລາຍຢ່າງ. ເພື່ອສ້າງສະພາບແວດລ້ອມດ້ານສື່ສານຢ່າງຟົດຟື້ນ, ພັດທະນາແບບຍືນຍົງ, ຮ່ວມສຳພັນໃນພາກພື້ນ ແລະ ທົ່ວໂລກ, ວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ຮັບຮູ້ຄວນເພີ່ມທະວີການຮ່ວມມືກວ່າອີກ ເພື່ອເຊື່ອມໂຍງກັບທ່າອ່ຽງສື່ສານທັນສະໄຫມ.
ຄະນະການນຳ LNR ຖ່າຍຮູບກັບນັກຂ່າວ
ລາຍການພາກພາສາລາວ VOV
|
ໃນຊຸມປີຜ່ານມາ, ການພົວພັນຮ່ວມມືລະຫວ່າງ ວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ບັນລຸໄດ້ໝາກຜົນຫລາຍຢ່າງທີ່ຫນ້າຊື່ນຊົມ. ແຕ່ລະປີ ວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ໄດ້ແລກປ່ຽນຄະນະການນຳ, ນັກຂ່າວ, ບັນນາທິການ, ພະນັກງານດ້ານເຕັກນິກ ແລະໂຄສົກ ມາຮຳ່ຮຽນ, ຢ້ຽມຢາມ, ແລກປ່ຽນບົດຮຽນ, ວິຊາການ ແລະ ຂຽນຂ່າວ, ບົດ ເນື່ອງໃນໂອກາດດຳເນີນບັນດາເຫດການສຳຄັນຂອງສອງປະເທດ. ຕາມທ່ານ ວໍລະສັກ ປຣະວົງວຽງຄຳ ຮອງຜູ້ອຳນວຍການວິທະຍຸກະຈາຍສຽງແຫ່ງຊາດ ລາວ ແລ້ວ, ສອງຝ່າຍໄດ້ແລກປ່ຽນເອກະສານ, ບົດຄວາມ, ສາລະຄະດີ, ລາຍການເພງ ເພື່ອແນະນຳກ່ຽວກັບປະເທດຊາດ, ປະຊາຊົນ, ບັນດາຜົນງານໃນທຸກຂົງເຂດຂອງສອງປະເທດ ຫວຽດນາມ ແລະລາວ.
ສຽງ ທ່ານ ວໍລະສັກ ປຣະວົງວຽງຄຳ
ດ້ວຍຈິດໃຈປະຕິບັດບັນດາສັນຍາຮ່ວມມືສອງຝ່າຍ ໃນຂົງເຂດກະຈາຍສຽງ ລະຫວ່າງສອງປະເທດ ນັບແຕ່ປີ 1990 ມາຮອດປະຈຸບັນ ຢ່າງມີປະສິດທິຜົນ ແລະ ເພື່ອປະກອບສ່ວນຍົກສູງຄຸນນະພາບຄື້ນກະຈາຍສຽງ, ໂທລະພາບ ໃຫ້ແກ່ປະເທດເພື່ອນລາວ, ວິທະຍຸກະຈາຍສຽງຫວຽດນາມ ໄດ້ຊ່ວຍເຫລືອ ລາວ ກໍ່ສ້າງ ວິທະຍຸກະຈາຍສຽງ FM ແລະວິທະຍຸກະຈາຍສຽງ ໂທລະພາບ ຢູ່ ສອງແຂວງພາກເຫນືອ ຂອງລາວ. ເພື່ອເພີ່ມທະວີການພົວພັນຮ່ວມມືລະຫວ່າງ ສອງຝ່າຍ, ໃນການຢ້ຽມຢາມ ແລະເຮັດວຽກຢູ່ຫວຽດນາມ ຫວ່າງແລ້ວນີ້ ຂອງຄະນະຜູ້ແທນຂັ້ນສູງວິທະຍຸກະຈາຍສຽງແຫ່ງຊາດລາວ ໂດຍທ່ານ ວໍລະສັກ ປຣະວົງວຽງຄຳ ນຳຫນ້າ, ການນຳວິທະຍຸ VOV ແລະ ວິທະຍຸ LNR ໄດ້ເຫັນດີຈະສືບຕໍ່ເພີ່ມທະວີການອອກອາກາດຂ່າວ, ບົດ, ສາລະຄະດີ, ບັນດາລາຍການສິລະປະວັນນະຄະດີ ແລະ ບັນດາຜົນງານໃນທຸກຂົງເຂດການເມືອງ, ເສດຖະກິດ, ວັດທະນະທຳ, ສັງຄົມ ແລະ ຂົງເຂດອື່ນຂອງແຕ່ລະປະເທດຫລາຍກວ່າອີກ.
ເມື່ອເວົ້າເຖິງທິດທາງການຮ່ວມມືລະຫວ່າງ VOV ແລະ LNR ໃນໄລຍະຈະມາເຖິງ, ທ່ານ ຫວູຫາຍ, ຮອງຜູ້ອຳນວຍການໃຫຍ່ ວິທະຍຸກະຈາຍສຽງຫວຽດນາມ ໃຫ້ຮູ້ວ່າ:
“ໃນໄລຍະຈະມາເຖິງ, ພວກເຮົາຈະເພີ່ມທະວີການແລກປ່ຽນ, ຈັດຕັ້ງບັນດາຄະນະຂັກຂ່າວໄປຂຽນຂ່າວ/ບົດກ່ຽວກັບສະພາບການຂອງ 2 ປະເທດ. ເລື່ອງແລກປ່ຽນບັນດາລາຍການຈະໄດ້ຮັບການປະຕິບັດຕາມວິທີແບ່ງປັນ ຂໍ້ມູນ FPT, ທັງໄວ້, ມີຄຸນນະພາບດີ, ທັງຮັບປະກັນດ້ານເຕັກນິກ. ບັນດາເນື້ອໃນແລກປ່ຽນຕົ້ນຕໍ່ແມ່ນ: ລາຍການເພງ, ລາຍການທ່ອງທ່ຽວ, ແນະນຳບັນດາແບບຢ່າງດີເດັ່ນຂອງ 2 ປະເທດ. ນອກນັ້ນ 2 ຝ່າຍສາມາດຂຸດຄົ້ນຂໍ້ມູນຂ່າວເຊິ່ງກັນ ແລະ ກັນຜ່ານບັນດາເວັບໄຊຂອງ VOVແລະ LNR ເພື່ອແນະນຳໃຫ້ຜູ້ຊົມທັງຫວຽດນາມ ແລະ ລາວ.”
.
ທ່ານຫວູຫາຍ, ຮອງຜູ້ອຳນວຍການໃຫຍ່ VOV ຕອ້ນຮັບ
ຄະນະການນຳ LNR
|
ຄຽງຂ້າງການໂຄສະນາເຜີຍແຜ່ ກ່ຽວກັບນະໂຍບາຍຂອງພັກ, ລັດ ຢ່າງເລິກເຊິ່ງ ແລະ ກວ້າງຂວາງ, ສອ່ງແສງຢ່າງມີປະສິດທິຜົນບັນດາຜົນງານຂອງສອງປະເທດໃນທຸກຂົງເຂດ ຊີວິດ, ການເມືອງ, ເສດຖະກິດ, ສັງຄົມ, ໂຄສະນາເຜີຍແຜ່ກ່ຽວກັບການພົວພັນຮ່ວມມືຮອບດ້ານລະຫວ່າງ ຫວຽດນາມ ແລະລາວ, ວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ຍັງຖືການໂຄສະນາເຜີຍແຜ່ກ່ຽວກັບ ອາຊຽນເປັນສຳຄັນ. ຕາມທ່ານ ວໍລະສັກ ປຣະວົງວຽງຄຳ ,ຮອງຜູ້ອຳນວຍການວິທະຍຸກະຈາຍສຽງແຫ່ງຊາດລາວແລ້ວ, ວິທະຍຸກະຈາຍສຽງແຕ່ລະປະເທດລ້ວນແຕ່ສ້າງລາຍການສະເພາະກ່ຽວກັບອາຊຽນ, ໃນນັ້ນສອ່ງແສງຢ່າງຮອບດ້ານກ່ຽວກັບບັນດາປະເທດສະມາຊິກອາຊຽນ ກໍຄືການເຄື່ອນໄຫວຂອງ ອາຊຽນ.
ສຽງ ວໍລະສັກ ປຣະວົງວຽງຄຳ
ບັນດາຮູບການຮ່ວມມືຢ່າງແຫນ້ນແຟ້ນ ແລະມີປະສິດທິຜົນ ລະຫວ່າງ ວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ບໍ່ພຽງແຕ່ປະກອບສ່ວນ ເພີ່ມພູນຄູນສ້າງສາຍພົວພັນມິດຕະພາບ, ການຮ່ວມມືລະຫວ່າງສອງປະເທດຫວຽດນາມ ແລະ ລາວເວົ້າສະເພາະ ແລະ ລະຫວ່າງບັນດາປະເທດ ອາຊຽນ ເວົ້າລວມ ເທົ່ານັ້ນ ຫາກຍັງປະກອບສ່ວນນຳຂະແຫນງກະຈາຍສຽງຂອງແຕ່ລະປະເທດນັບມື້ນັບພັດທະນາ ແລະ ທັດທຽມກັບຂະແຫນງກະຈາຍສຽງຂອງບັນດາປະເທດໃນພາກພື້ນ ແລະ ໃນໂລກອີກດ້ວຍ./.