(vovworld)- ໃນຕະຫລອດ 17 ປີຜ່ານມາ, ນັບແຕ່ເມືື່ອວິທະຍຸກະຈາຍສຽງຫວຽດນາມ ແລະ ກົມປະຊາສຳພັນໄທ (PRD) ລົງນາມໃນບົດບັນທຶກຊ່ວຍຈຳສະບັບທຳອິດ, ສອງຝ່າຍໄດ້ຊຸກຍູ້ບັນດາໂຄງການຮ່ວມມືໃນຂົງເຂດກະຈາຍສຽງ ແລະ ໂທລະພາບຢ່າງບໍ່ຢຸດຢັ້ງ. ພິເສດ ໃນ 2,3 ປີມານີ້ ເພື່ອກະກຽມໃຫ້ການສ້າງຕັ້ງປະຊາຄົມ ອາຊຽນສຳເລັດໃນທ້າຍເດືອນ 12/2015 ມາຮອດປະຈຸບັນ, ບັນດາໂຄງການຮ່ວມມືໃນຂົງເຂດກະຈາຍສຽງ ແລະ ໂທລະພາບຂອງສອງຝ່າຍ ໄດ້ປະກອບສ່ວນບໍ່ແມ່ນຫນ້ອຍເຂົ້າໃນການໂຄສະພາບພາບພົດ, ວັດທະນະທຳ, ປະຊາຊົນຂອງແຕ່ລະປະເທດ, ບັນດາຂໍ້ມູນຂ່າວກ່ຽວກັບປະຊາຄົມ ອາຊຽນ ໃກ້ຊິດຕິດແທດກັບສາທາລະນະຊົນກວ່າ. ໃນລາຍການຊາຍຄາອາຊຽນພາກນີ້ ພວກເຮົາຂໍທົບທວນຄືນບັນດາໂຄງການຮ່ວມມືລະຫວ່າງ ວິທະຍຸກະຈາຍສຽງຫວຽດນາມ ແລະ ກົມປະຊາສຳພັນໄທ ໃນໄລຍະຜ່ານມາ.
ການປະຊຸມລະຫວ່າງ VOV ແລະ NBT
|
ໃນຂົງເຂດກະຈາຍສຽງ, ສອງຝ່າຍໄດ້ຊຸກຍູ້ການແລກປ່ຽນບັນດາລາຍການກະຈາຍສຽງ ດ້ວຍເວລາອອກອາກາດປະມານ 5-7 ນາທີ, ເນື້ອໃນແມ່ນແນະນຳກ່ຽວກັບດ້ານວັດທະນະທຳ, ການທ່ອງທ່ຽວ, ປະຊາຊົນຂອງແຕ່ລະປະເທດ, ການເຄື່ອນໄຫວຂອງແຕ່ລະປະເທດໃນວິວັດການສ້າງຕັ້ງປະຊາຄົມອາຊຽນ. ລະອຽດຄື: ໃນປີ 2015 ຜ່ານມາ, ວິທະຈຸກະຈາຍສຽງແຫ່ງຊາດໄທ ໄດ້ສົ່ງ 48 ລາຍການ ໃຫ້ວິທະຍຸກະຈາຍສຽງຫວຽດນາມ (VOV). VOV ກໍໄດ້ສົ່ງ 48 ລາຍການກະຈາຍສຽງໃຫ້ ວິທະຍຸກະຈາຍສຽງແຫ່ງຊາດໄທ. ພິເສດ ພາຍຫລັງ ກອງປະຊຸມຄະນະກຳມະການປະສົມລະຫວ່າງ VOV ແລະ ກົມປະຊາສຳພັນໄທ ຄັ້ງທີ 6 ປີ 2014, VOV ໄດ້ສະເຫນີວ່າ: ແຕ່ລະເດືອນ ຕ້ອງແລກປ່ຽນຕື່ມອີກລາຍການດົນຕີ ດ້ວຍເວລາອອກອາກາດແມ່ນ 30 ນາທີ. ບັນດາລາຍການດົນຕີນັ້ນແມ່ນແນະນຳກ່ຽວກັບດົນຕີ, ບົດເພງຂອງເຂດແຄ້ວນຂອງຫວຽດນາມ ແລະໂຄສະນາຈຸດວັດທະນະທຳທີ່ເປັນເອກະລັກສະເພາະຂອງບັນດາເຜົ່າສ່ວນຫນ້ອຍຢູ່ຫວຽດນາມ. ເມື່ອຕີລາຄາກ່ຽວກັບການຮ່ວມມືໃນຂົງເຂດກະຈາຍສຽງລະຫວ່າງສອງປະເທດ, ດຣຈະຣຸນ ໄຊສອນ ຮອງປະທານກົມປະຊາສຳພັນໄທ ໃຫ້ຮູ້ວ່າ:
ສຽງ ດຣຈະຣຸນ ໄຊສອນ
ຄຽງຄູ່ກັບຂົງເຂດກະຈາຍສຽງ, ໂທລະພາບກໍແມ່ນຂົງເຂດຊື່ງສອງຝ່າຍມີຄວາມເອົາໃຈໃສ່ເປັນພິເສດ. ພົ້ນເດັ່ນແມ່ນການຮ່ວມມືລະຫວ່າງສະຖານີໂທລະພາບໄທ (NBT) ຂຶ້ນກັບກົມປະຊາສຳພັນໄທ ແລະ ຊ່ອງໂທລະພາບ VOVTV ໃນການຜະລິດ ຮູບເງົາສາລະຄະດີກ່ຽວກັບປະທານໂຮ່ຈິມີນ. ດ້ວຍເວລາອອກອາກາດປະມານ 25 ນາທີ, ຮູບເງົາເລື່ອງນີ້ໄດ້ຊ່ວຍໃຫ້ຜູ້ຊົມມີຄວາມເຂົ້າໃຈຕື່ມອີກກ່ຽວກັບພາລະກິດ ແລະ ຊີວິດຂອງປະທານໂຮ່ຈິມີນ, ຜູ້ນຳທີ່ຍິ່ງໃຫຍ່ຂອງປະຊາຊົນຫວຽດນາມ. ບັນດາຜູ້ຊົມໄດ້ສົ່ງຈົດໝາຍສະເຫນີສະຖານີໂທລະພາບແຫ່ງຊາດໄທສາຍຮູບເງົາດັ່ງກ່າວ ອີກຄັ້ງໃຫມ່. ທ່ານ ສະຣຸສັກ ຫັນສາຈະລິກອນ, ພະນັກງານຮັບຜິດຊອບໂຄງການຮ່ວມມືລະຫວ່າງວິທະຍຸກະຈາຍສຽງແຫ່ງຊາດ ໄທ(NBT) ແລະ VOV ໃຫ້ຮູ້ວ່າ:
ສຽງ ທ່ານ ສະຣຸສັກ
ປີ 2015 ຜ່ານມາ, ໂຄງການຮ່ວມຜະລິດລາຍການໂທລະພາບກ່ຽວກັບຫົວຂໍ້ “ແລວເສດຖະກິດຕາເວັນອອກ ຕາເວັນຕົກ” ເລີ່ມໄດ້ຮັບການຜັນຂະຫຍາຍ.
VOV ໄດ້ສົ່ງກຸ່ມພະນັກງານຜະລິດລາຍການລວມມີ 5 ຄົນຊື່ງແມ່ນ ນັກຂ່າວ, ບັນນາທິການ, ຜູ້ຖ່າຍທຳຮູບເງົາໄປຍັງໄທ ເພື່ອປຶກສາຫາລືລາຍລະອຽດກ່ຽວກັບການປະຕິບັດໂຄງການ. ຕາມນັ້ນແລ້ວ, ສະຖານີໂທລະພາບແຫ່ງຊາດໄທ ໄດ້ສະເຫນີປະຕິບັດ ຮູບເງົາເລື່ອງສັ້ນ 20 ມ້ວນ, ແຕ່ລະມ້ວນແກ່ຍາວ 5 ນາທີ. ໃນນັ້ນ 7 ມ້ວນ ໄດ້ຮັບການປະຕິບັດຢູ່ໄທ, 3 ມ້ວນ ແມ່ນປະຕິບັດຢູ່ລາວ ແລະ 3 ມ້ວນ ແມ່ນປະຕິບັດຢູ່ ມຽນມາ. VOV ແລະ NBT ຈະປະຕິບັດສ່ວນວຽກງານຂອງຕົນຢູ່ ຫວຽດນາມ ແລະ ໄທ, ຫລັງຈາກນັ້ນ ຈະສົມທົບກັນເພື່ອປະຕິບັດລາຍການຢູ່ລາວ ແລະ ມຽນມາ. ຄາດວ່າ ຮູບເງົາດັ່ງກ່າວຈະຜະລິດສຳເລັດໃນປີ 2016. ນີ້ກໍແມ່ນແບບຢ່າງພົ້ນເດັ່ນໃນການພົວພັນຮ່ວມມືລະຫວ່າງສອງຝ່າຍ.
ການນຳວິທະຍຸກະຈາຍສຽງແຫ່ງຊາດໄທຕ້ອນຮັບນັກຂ່າວ VOV ມາຝຶກງານ
ໄປຄຽງຄູ່ກັບການຮ່ວມມືໃນຂົງເຂດກະຈາຍສຽງ, ໂທລະພາບ, ສອງຝ່າຍກໍໄດ້ຍູ້ແຮງການແລກປ່ຽນບັນດາຄະນະນັກຂ່າວ, ພະນັກງານໄປຢ້ຽມຢາມ, ຝືກອົບຮົມຢູ່ທັງສອງປະເທດ. ເມື່ອຕີລາຄ່າກ່ຽວກັບໝາກຜົນການຮ່ວມມືດັ່ງກ່າວ, ທ່ານ ຫວູຫາຍ ຮອງຜູ້ອຳນວຍການໃຫຍ່ VOV ໃຫ້ຮູ້ວ່າ:
“ໄລຍະຜ່ານມາ, ການຮ່ວມມືລະຫວ່າງ VOV ແລະ ກົມປະຊາສຳພັນໄທແມ່ນດີງາມທີ່ສຸດ. ພວກເຮົາໄດ້ຈັດສົ່ງບັນນາທິການ, ນັກຂ່າວໄປຮ່ຳຮຽນເຊິ່ງກັນ ແລະກັນ. ບັນນາທິການ, ນັກຂ່າວຂອງວິທະຍຸກະຈາຍສຽງແຫ່ງຊາດໄທ ມາຝືກງານຢູ່ ລາຍການພາກພາສາໄທຂອງ VOV 5. ເຂົາເຈົ້າໄດ້ເຂົ້າຮ່ວມຜະລິດລາຍການກະຈາຍສຽງພາກພາສາໄທ ແລະ ບຳລຸງດ້ານພາສາໄທໃຫ້ນັກຂ່າວ, ໂຄສົກລາຍການພາກພາສາໄທ.”
ກ່ຽວກັບການກຳນົດທິດພັດທະນາການພົວພັນຮ່ວມມືໃນໄລຍະຈະມາເຖິງ, ສອງຝ່າຍໄດ້ກຳນົດຢ່າງຈະແຈ້ງການຊຸກຍູ້ການຮ່ວມມືສື່ສານລະຫວ່າງຫວຽດນາມ ແລະ ໄທ ລ້ວນແຕ່ຕ້ອງເຄົາລົບຫລັກການສື່ສານລວມຂອງ ອາຊຽນ. ຕາມນັ້ນແລ້ວ ສອງຝ່າຍຈະພ້ອມກັນປຶກສາຫາລື, ວາງແຜນການ, ນະໂຍບາຍລະອຽດໃນການແລກປ່ຽນ, ເອົາໃຈໃສ່ເຖິງການຮ່ວມມືຜະລິດບັນດາລາຍການ, ສາລະຄະດີ, ແລກປ່ຽນນັກຂ່າວ, ແລກປ່ຽນບົດຮຽນ ເພື່ອຊຸກຍູ້ການພົວພັນໃຫ້ນັບມື້ນັບສະຫນິດຕິດພັນກວ່າ ດ້ວຍຄາດໝາຍຕອບສະຫນອງຂໍ້ມູນຂ່າວນັບມື້ນັບສູງຂອງປະຊາຊົນສອງປະເທດ, ປະກອບສ່ວນເຂົ້າໃນຈຸດໝາຍລວມມຸ່ງໄປເຖິງການພັດທະນາປະຊາຄົມອາຊຽນ.